Showing posts with label བཀའ།. Show all posts
Showing posts with label བཀའ།. Show all posts

Oct 20, 2026

སྐྲ་ཡི་བུའི་མདོ།

 5. කේසපුත්තිසුත්තං


ඒවං මේ සුතං – ඒකං සමයං භගවා කෝසලේසු චාරිකං චරමානෝ මහතා භික්ඛුසඞ්ඝේන සද්ධිං යේන කේසපුත්තං නාම කාලාමානං නිගමෝ තදවසරි. අස්සෝසුං ඛෝ කේසමුත්තියා කාලාමා – ‘‘සමණෝ ඛලු, භෝ, ගෝතමෝ සක්‍යපුත්තෝ සක්‍යකුලා පබ්බජිතෝ කේසමුත්තං අනුප්පත්තෝ. තං ඛෝ පන භවන්තං ගෝතමං ඒවං කල්‍යාණෝ කිත්තිසද්දෝ අබ්භුග්ගතෝ – ‘ඉතිපි සෝ භගවා…පේ॰… සාධු ඛෝ පන තථාරූපානං අරහතං දස්සනං හෝතී’’’ති.
අථ ඛෝ කේසමුත්තියා කාලාමා යේන භගවා තේනුපසඞ්කමිංසු; උපසඞ්කමිත්වා අප්පේකච්චේ භගවන්තං අභිවාදේත්වා ඒකමන්තං නිසීදිංසු, අප්පේකච්චේ භගවතා සද්ධිං සම්මෝදිංසු, සම්මෝදනීයං කථං සාරණීයං වීතිසාරේත්වා ඒකමන්තං නිසීදිංසු, අප්පේකච්චේ යේන භගවා තේනඤ්ජලිං පණාමේත්වා ඒකමන්තං නිසීදිංසු, අප්පේකච්චේ නාමගෝත්තං සාවේත්වා ඒකමන්තං නිසීදිංසු, අප්පේකච්චේ තුණ්හීභූතා ඒකමන්තං නිසීදිංසු. ඒකමන්තං නිසින්නා ඛෝ තේ කේසමුත්තියා කාලාමා භගවන්තං ඒතදවෝචුං –
‘‘සන්ති, භන්තේ, ඒකේ සමණබ්‍රාහ්මණා කේසමුත්තං ආගච්ඡන්ති. තේ සකංයේව වාදං දීපේන්ති ජෝතේන්ති, පරප්පවාදං පන ඛුංසේන්ති වම්භේන්ති පරිභවන්ති ඕපපක්ඛිං කරෝන්ති. අපරේපි, භන්තේ, ඒකේ සමණබ්‍රාහ්මණා කේසමුත්තං ආගච්ඡන්ති . තේපි සකංයේව වාදං දීපේන්ති ජෝතේන්ති, පරප්පවාදං පන ඛුංසේන්ති වම්භේන්ති පරිභවන්ති ඕමක්ඛිං කරෝන්ති. තේසං නෝ, භන්තේ , අම්හාකං හෝතේව කඞ්ඛා හෝති විචිකිච්ඡා – ‘කෝ සු නාම ඉමේසං භවතං සමණබ්‍රාහ්මණානං සච්චං ආහ, කෝ මුසා’’’ති? ‘‘අලඤ්හි වෝ, කාලාමා, කඞ්ඛිතුං අලං විචිකිච්ඡිතුං. කඞ්ඛනීයේව පන වෝ ඨානේ විචිකිච්ඡා උප්පන්නා’’.
‘‘ඒථ තුම්හේ, කාලාමා, මා අනුස්සවේන, මා පරම්පරාය, මා ඉතිකිරාය, මා පිටකසම්පදානේන, මා තක්කහේතු, මා නයහේතු, මා ආකාරපරිවිතක්කේන , මා දිට්ඨිනිජ්ඣානක්ඛන්තියා, මා භබ්බරූපතාය, මා සමණෝ නෝ ගරූති. යදා තුම්හේ, කාලාමා, අත්තනාව ජානේය්‍යාථ – ‘ඉමේ ධම්මා අකුසලා, ඉමේ ධම්මා සාවජ්ජා, ඉමේ ධම්මා විඤ්ඤුගරහිතා, ඉමේ ධම්මා සමත්තා සමාදින්නා අහිතාය දුක්ඛාය සංවත්තන්තී’’’ති, අථ තුම්හේ, කාලාමා, පජහේය්‍යාථ.
‘‘තං කිං මඤ්ඤථ, කාලාමා, ලෝභෝ පුරිසස්ස අජ්ඣත්තං උප්පජ්ජමානෝ උප්පජ්ජති හිතාය වා අහිතාය වා’’ති?
‘‘අහිතාය, භන්තේ’’.
‘‘ලුද්ධෝ පනායං, කාලාමා, පුරිසපුග්ගලෝ ලෝභේන අභිභූතෝ පරියාදින්නචිත්තෝ පාණම්පි හනති, අදින්නම්පි ආදියති, පරදාරම්පි ගච්ඡති, මුසාපි භණති, පරම්පි තථත්තාය සමාදපේති, යං ස හෝති දීඝරත්තං අහිතාය දුක්ඛායා’’ති.
‘‘ඒවං, භන්තේ’’.
‘‘තං කිං මඤ්ඤථ, කාලාමා, දෝසෝ පුරිසස්ස අජ්ඣත්තං උප්පජ්ජමානෝ උප්පජ්ජති හිතාය වා අහිතාය වා’’ති?
‘‘අහිතාය, භන්තේ’’.
‘‘දුට්ඨෝ පනායං, කාලාමා, පුරිසපුග්ගලෝ දෝසේන අභිභූතෝ පරියාදින්නචිත්තෝ පාණම්පි හනති, අදින්නම්පි ආදියති, පරදාරම්පි ගච්ඡති, මුසාපි භණති, පරම්පි තථත්තාය සමාදපේති, යං ස හෝති දීඝරත්තං අහිතාය දුක්ඛායා’’ති.
‘‘ඒවං, භන්තේ’’.
‘‘තං කිං මඤ්ඤථ, කාලාමා, මෝහෝ පුරිසස්ස අජ්ඣත්තං උප්පජ්ජමානෝ උප්පජ්ජති හිතාය වා අහිතාය වා’’ති?
‘‘අහිතාය, භන්තේ’’.
‘‘මූළ්හෝ පනායං, කාලාමා, පුරිසපුග්ගලෝ මෝහේන අභිභූතෝ පරියාදින්නචිත්තෝ පාණම්පි හනති, අදින්නම්පි ආදියති, පරදාරම්පි ගච්ඡති, මුසාපි භණති, පරම්පි තථත්තාය සමාදපේති, යං ස හෝති දීඝරත්තං අහිතාය දුක්ඛායා’’ති.
‘‘ඒවං, භන්තේ’’.
‘‘තං කිං මඤ්ඤථ, කාලාමා, ඉමේ ධම්මා කුසලා වා අකුසලා වා’’ති?
‘‘අකුසලා, භන්තේ’’.
‘‘සාවජ්ජා වා අනවජ්ජා වා’’ති?
‘‘සාවජ්ජා, භන්තේ’’.
‘‘විඤ්ඤුගරහිතා වා විඤ්ඤුප්පසත්ථා වා’’ති?
‘‘විඤ්ඤුගරහිතා, භන්තේ’’.
‘‘සමත්තා සමාදින්නා අහිතාය දුක්ඛාය සංවත්තන්ති, නෝ වා? කථං වා ඒත්ථ හෝතී’’ති ?
‘‘සමත්තා, භන්තේ, සමාදින්නා අහිතාය දුක්ඛාය සංවත්තන්තීති. ඒවං නෝ ඒත්ථ හෝතී’’ති.
‘‘ඉති ඛෝ, කාලාමා, යං තං අවෝචුම්හා – ‘ඒථ තුම්හේ, කාලාමා! මා අනුස්සවේන, මා පරම්පරාය, මා ඉතිකිරාය, මා පිටකසම්පදානේන, මා තක්කහේතු, මා නයහේතු, මා ආකාරපරිවිතක්කේන, මා දිට්ඨිනිජ්ඣානක්ඛන්තියා, මා භබ්බරූපතාය, මා සමණෝ නෝ ගරූති. යදා තුම්හේ කාලාමා අත්තනාව ජානේය්‍යාථ – ‘ඉමේ ධම්මා අකුසලා, ඉමේ ධම්මා සාවජ්ජා, ඉමේ ධම්මා විඤ්ඤුගරහිතා, ඉමේ ධම්මා සමත්තා සමාදින්නා අහිතාය දුක්ඛාය සංවත්තන්තීති, අථ තුම්හේ, කාලාමා, පජහේය්‍යාථා’ති, ඉති යං තං වුත්තං, ඉදමේතං පටිච්ච වුත්තං.
‘‘ඒථ තුම්හේ, කාලාමා, මා අනුස්සවේන, මා පරම්පරාය, මා ඉතිකිරාය, මා පිටකසම්පදානේන, මා තක්කහේතු, මා නයහේතු, මා ආකාරපරිවිතක්කේන, මා දිට්ඨිනිජ්ඣානක්ඛන්තියා, මා භබ්බරූපතාය, මා සමණෝ නෝ ගරූති. යදා තුම්හේ, කාලාමා, අත්තනාව ජානේය්‍යාථ – ‘ඉමේ ධම්මා කුසලා, ඉමේ ධම්මා අනවජ්ජා, ඉමේ ධම්මා විඤ්ඤුප්පසත්ථා, ඉමේ ධම්මා සමත්තා සමාදින්නා හිතාය සුඛාය සංවත්තන්තී’ති, අථ තුම්හේ, කාලාමා, උපසම්පජ්ජ විහරේය්‍යාථ.
‘‘තං කිං මඤ්ඤථ, කාලාමා, අලෝභෝ පුරිසස්ස අජ්ඣත්තං උප්පජ්ජමානෝ උප්පජ්ජති හිතාය වා අහිතාය වා’’ති?
‘‘හිතාය, භන්තේ’’.
‘‘අලුද්ධෝ පනායං, කාලාමා, පුරිසපුග්ගලෝ ලෝභේන අනභිභූතෝ අපරියාදින්නචිත්තෝ නේව පාණං හනති, න අදින්නං ආදියති, න පරදාරං ගච්ඡති, න මුසා භණති, න පරම්පි තථත්තාය සමාදපේති , යං ස හෝති දීඝරත්තං හිතාය සුඛායා’’ති.
‘‘ඒවං, භන්තේ’’.
‘‘තං කිං මඤ්ඤථ, කාලාමා, අදෝසෝ පුරිසස්ස අජ්ඣත්තං උප්පජ්ජමානෝ උප්පජ්ජති…පේ॰… අමෝහෝ පුරිසස්ස අජ්ඣත්තං උප්පජ්ජමානෝ උප්පජ්ජති…පේ॰… හිතාය සුඛායා’’ති.
‘‘ඒවං භන්තේ’’ .
‘‘තං කිං මඤ්ඤථ, කාලාමා, ඉමේ ධම්මා කුසලා වා අකුසලා වා’’ති?
‘‘කුසලා , භන්තේ’’.
‘‘සාවජ්ජා වා අනවජ්ජා වා’’ති?
‘‘අනවජ්ජා, භන්තේ’’.
‘‘විඤ්ඤුගරහිතා වා විඤ්ඤුප්පසත්ථා වා’’ති?
‘‘විඤ්ඤුප්පසත්ථා, භන්තේ’’.
‘‘සමත්තා සමාදින්නා හිතාය සුඛාය සංවත්තන්ති නෝ වා? කථං වා ඒත්ථ හෝතී’’ති?
‘‘සමත්තා, භන්තේ, සමාදින්නා හිතාය සුඛාය සංවත්තන්ති. ඒවං නෝ ඒත්ථ හෝතී’’ති.
‘‘ඉති ඛෝ, කාලාමා, යං තං අවෝචුම්හා – ‘ඒථ තුම්හේ, කාලාමා! මා අනුස්සවේන, මා පරම්පරාය, මා ඉතිකිරාය, මා පිටකසම්පදානේන, මා තක්කහේතු, මා නයහේතු, මා ආකාරපරිවිතක්කේන, මා දිට්ඨිනිජ්ඣානක්ඛන්තියා, මා භබ්බරූපතාය, මා සමණෝ නෝ ගරූති. යදා තුම්හේ, කාලාමා, අත්තනාව ජානේය්‍යාථ – ඉමේ ධම්මා කුසලා, ඉමේ ධම්මා අනවජ්ජා, ඉමේ ධම්මා විඤ්ඤුප්පසත්ථා, ඉමේ ධම්මා සමත්තා සමාදින්නා හිතාය සුඛාය සංවත්තන්තීති, අථ තුම්හේ, කාලාමා, උපසම්පජ්ජ විහරේය්‍යාථා’ති, ඉති යං තං වුත්තං ඉදමේතං පටිච්ච වුත්තං.
‘‘ස ඛෝ සෝ, කාලාමා, අරියසාවකෝ ඒවං විගතාභිජ්ඣෝ විගතබ්‍යාපාදෝ අසම්මූළ්හෝ සම්පජානෝ පතිස්සතෝ මේත්තාසහගතේන චේතසා ඒකං දිසං ඵරිත්වා විහරති, තථා දුතියං, තථා තතියං, තථා චතුත්ථං, ඉති උද්ධමධෝ තිරියං සබ්බධි සබ්බත්තතාය සබ්බාවන්තං ලෝකං මේත්තාසහගතේන චේතසා විපුලේන මහග්ගතේන අප්පමාණේන අවේරේන අබ්‍යාපජ්ඣේන ඵරිත්වා විහරති. කරුණාසහගතේන චේතසා…පේ॰… මුදිතාසහගතේන චේතසා…පේ॰… උපේක්ඛාසහගතේන චේතසා ඒකං දිසං ඵරිත්වා විහරති, තථා දුතියං , තථා තතියං, තථා චතුත්ථං, ඉති උද්ධමධෝ තිරියං සබ්බධි සබ්බත්තතාය සබ්බාවන්තං ලෝකං උපේක්ඛාසහගතේන චේතසා විපුලේන මහග්ගතේන අප්පමාණේන අවේරේන අබ්‍යාපජ්ඣේන ඵරිත්වා විහරති.
‘‘ස ඛෝ සෝ, කාලාමා, අරියසාවකෝ ඒවං අවේරචිත්තෝ ඒවං අබ්‍යාපජ්ඣචිත්තෝ ඒවං අසංකිලිට්ඨචිත්තෝ ඒවං විසුද්ධචිත්තෝ. තස්ස දිට්ඨේව ධම්මේ චත්තාරෝ අස්සාසා අධිගතා හෝන්ති. ‘සචේ ඛෝ පන අත්ථි පරෝ ලෝකෝ, අත්ථි සුකතදුක්කටානං කම්මානං ඵලං විපාකෝ, අථාහං කායස්ස භේදා පරං මරණා සුගතිං සග්ගං ලෝකං උපපජ්ජිස්සාමී’ති, අයමස්ස පඨමෝ අස්සාසෝ අධිගතෝ හෝති.
‘‘‘සචේ ඛෝ පන නත්ථි පරෝ ලෝකෝ, නත්ථි සුකතදුක්කටානං කම්මානං ඵලං විපාකෝ, අථාහං දිට්ඨේව ධම්මේ අවේරං අබ්‍යාපජ්ඣං අනීඝං සුඛිං අත්තානං පරිහරාමී’ති, අයමස්ස දුතියෝ අස්සාසෝ අධිගතෝ හෝති.
‘‘‘සචේ ඛෝ පන කරෝතෝ කරීයති පාපං, න ඛෝ පනාහං කස්සචි පාපං චේතේමි. අකරෝන්තං ඛෝ පන මං පාපකම්මං කුතෝ දුක්ඛං ඵුසිස්සතී’ති, අයමස්ස තතියෝ අස්සාසෝ අධිගතෝ හෝති.
‘‘‘සචේ ඛෝ පන කරෝතෝ න කරීයති පාපං, අථාහං උභයේනේව විසුද්ධං අත්තානං සමනුපස්සාමී’ති, අයමස්ස චතුත්ථෝ අස්සාසෝ අධිගතෝ හෝති.
‘‘ස ඛෝ සෝ, කාලාමා, අරියසාවකෝ ඒවං අවේරචිත්තෝ ඒවං අබ්‍යාපජ්ඣචිත්තෝ ඒවං අසංකිලිට්ඨචිත්තෝ ඒවං විසුද්ධචිත්තෝ. තස්ස දිට්ඨේව ධම්මේ ඉමේ චත්තාරෝ අස්සාසා අධිගතා හෝන්තී’’ති.
‘‘ඒවමේතං, භගවා, ඒවමේතං, සුගත! ස ඛෝ සෝ, භන්තේ, අරියසාවකෝ ඒවං අවේරචිත්තෝ ඒවං අබ්‍යාපජ්ඣචිත්තෝ ඒවං අසංකිලිට්ඨචිත්තෝ ඒවං විසුද්ධචිත්තෝ. තස්ස දිට්ඨේව ධම්මේ චත්තාරෝ අස්සාසා අධිගතා හෝන්ති. ‘සචේ ඛෝ පන අත්ථි පරෝ ලෝකෝ, අත්ථි සුකතදුක්කටානං කම්මානං ඵලං විපාකෝ, අථාහං කායස්ස භේදා පරං මරණා සුගතිං සග්ගං ලෝකං උපපජ්ජිස්සාමී’ති, අයමස්ස පඨමෝ අස්සාසෝ අධිගතෝ හෝති.
‘‘‘සචේ ඛෝ පන නත්ථි පරෝ ලෝකෝ, නත්ථි සුකතදුක්කටානං කම්මානං ඵලං විපාකෝ, අථාහං දිට්ඨේව ධම්මේ අවේරං අබ්‍යාපජ්ඣං අනීඝං සුඛිං අත්තානං පරිහරාමී’ති, අයමස්ස දුතියෝ අස්සාසෝ අධිගතෝ හෝති.
‘‘සචේ ඛෝ පන කරෝතෝ කරීයති පාපං, න ඛෝ පනාහං – කස්සචි පාපං චේතේමි, අකරෝන්තං ඛෝ පන මං පාපකම්මං කුතෝ දුක්ඛං ඵුසිස්සතී’ති, අයමස්ස තතියෝ අස්සාසෝ අධිගතෝ හෝති.
‘‘‘සචේ ඛෝ පන කරෝතෝ න කරීයති පාපං, අථාහං උභයේනේව විසුද්ධං අත්තානං සමනුපස්සාමී’ති, අයමස්ස චතුත්ථෝ අස්සාසෝ අධිගතෝ හෝති.
‘‘ස ඛෝ සෝ, භන්තේ, අරියසාවකෝ ඒවං අවේරචිත්තෝ ඒවං අබ්‍යාපජ්ඣචිත්තෝ ඒවං අසංකිලිට්ඨචිත්තෝ ඒවං විසුද්ධචිත්තෝ. තස්ස දිට්ඨේව ධම්මේ ඉමේ චත්තාරෝ අස්සාසා අධිගතා හෝන්ති.
‘‘අභික්කන්තං, භන්තේ…පේ॰… ඒතේ මයං, භන්තේ, භගවන්තං සරණං ගච්ඡාම ධම්මඤ්ච භික්ඛුසඞ්ඝඤ්ච. උපාසකේ නෝ, භන්තේ, භගවා ධාරේතු අජ්ජතග්ගේ පාණුපේතේ සරණං ගතේ’’ති. පඤ්චමං.


སྐྲ་ཡི་བུའི་མདོ།

 

 

རྒྱ་གར་སྐད་དུ། ཀེསཔུཏྟིསུཏྟཾ།

བོད་སྐད་དུ། སྐྲ་ཡི་བུའི་མདོ། 

སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །

 

འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཀོ་ས་ལའི་ཡུལ་རྣམས་སུ་རྒྱུ་ཞིང་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་སྒྱུ་རྩལ་ཤེས་ཀྱི་བུ་རྣམས་ཀྱི་སྐྲ་བུ་ཞེས་བྱ་བའི་གྲོང་རྡལ་དུ་བྱོན་ཏོ། །སྐྲ་བུའི་སྒྱུ་རྩལ་ཤེས་ཀྱི་བུ་རྣམས་ཀྱིས་འདི་སྐད། དགེ་སྦྱོང་གོ་ཏ་མ་ཤཱཀྱའི་བུ་ཤཱཀྱའི་རིགས་ལས་རབ་ཏུ་བྱུང་བ་དེ་སྐྲ་ཡི་བུར་ལྷགས་སོ། །བཅོམ་ལྡན་འདས་གོ་ཏ་མ་དེ་ལ་འདི་ལྟར་སྙན་པའི་གྲགས་པ་བཟང་བོ་མངོན་པར་འཕེལ་ཏེ་བཅོམ་ལྡན་འདས་དེ་ནི་དགྲ་བཅོམ་པ། ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཞེས་བྱ་སྟེ། དེས་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པའི་འཇིག་རྟེན་འདི་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་ལྷ་དང་མིར་བཅས་པ་འདི་ལ། རང་གིས་མངོན་པར་མཁྱེན་ཅིང་མངོན་སུམ་དུ་མཛད་ནས་རབ་ཏུ་སྟོན་ཏོ། །དེས་ཆོས་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་བོ། ཚིག་འབྲུ་བཟང་བོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཚངས་པར་སྤྱོད་པ་ཡང་དག་པར་རབ་ཏུ་སྟོན་ནོ། །དེ་ལྟ་བུའི་དགྲ་བཅོམ་པ་རྣམས་མཇལ་བ་ནི་ལེགས་སོ་ཞེས་ཐོས་སོ། །

དེ་ནས་སྐྲ་བུའི་སྒྱུ་རྩལ་ཤེས་ཀྱི་བུ་རྣམས་བཅོམ་ལྡན་འདས་ག་ལ་བ་དེར་དོང་སྟེ། ཕྱིན་ནས་ལ་ལས་བཅོམ་ལྡན་འདས་ལ་ཕྱག་འཚལ་ནས་ཕྱོགས་གཅིག་ཏུ་འཁོད་དོ། ། ལ་ལས་བཅོམ་ལྡན་འདས་དང་ལྷན་ཅིག་དགྱེས་པའི་གཏམ་བྱས་ཤིང་། དགྱེས་པ་དང་དྲན་པར་བྱ་བའི་གཏམ་རྣམས་བརྗོད་ནས་ཕྱོགས་གཅིག་ཏུ་འཁོད་དོ། །ལ་ལས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས་ཕྱོགས་གཅིག་ཏུ་འཁོད་དོ། །ལ་ལས་རང་གི་མིང་དང་རིགས་བརྗོད་ནས་ཕྱོགས་གཅིག་ཏུ་འཁོད་དོ། །ལ་ལ་ནི་ཅང་མི་སྨྲ་བར་ཕྱོགས་གཅིག་ཏུ་འཁོད་དོ། །

ཕྱོགས་གཅིག་ཏུ་འཁོད་ནས་སྐྲ་བུའི་སྒྱུ་རྩལ་ཤེས་ཀྱི་བུ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། དགེ་སྦྱོང་དང་བྲམ་ཟེ་གཞན་དག་སྐྲ་བུར་ལྷགས་ཏེ། དེ་དག་ནི་རང་གི་སྨྲ་བ་ཁོ་ན་གསལ་བར་བྱེད་ཅིང་སྣང་བར་བྱེད་ལ། གཞན་གྱི་སྨྲ་བ་ལ་ནི་སྨོད་ཅིང་བརྙས་པ་དང་། ཁྱད་དུ་གསོད་ཅིང་དམའ་བར་བྱེད་དོ། །བཙུན་པ། གཞན་ཡང་དགེ་སྦྱོང་དང་བྲམ་ཟེ་ཁ་ཅིག་སྐྲ་བུར་ལྷགས་ཏེ། དེ་དག་ཀྱང་རང་གི་སྨྲ་བ་ཁོ་ན་གསལ་བར་བྱེད་ཅིང་སྣང་བར་བྱེད་ལ། གཞན་གྱི་སྨྲ་བ་ལ་ནི་སྨོད་ཅིང་བརྙས་པ་དང་། ཁྱད་དུ་གསོད་ཅིང་དམའ་བར་བྱེད་དོ། །བཙུན་པ། དེ་དག་ལ་བདག་ཅག་ནི་ཐེ་ཚོམ་དང་ནི་ནེམ་ནུར་དུ་གྱུར་ཏེ། དགེ་སྦྱོང་དང་བྲམ་ཟེ་འདི་དག་ལས་སུ་ཞིག་བདེན་པར་སྨྲ་ཞིང་སུ་ཞིག་རྫུན་དུ་སྨྲའོ་སྙམ་མོ། །

སྒྱུ་རྩལ་ཤེས་ཀྱི་བུ་རྣམས། ཁྱེད་ཅག་ཐེ་ཚོམ་ཟ་བ་ནི་རིགས་ལ། ནེམ་ནུར་དུ་གྱུར་བ་ནི་འོས་ཏེ། ཐེ་ཚོམ་ཟ་འོས་པའི་གནས་ཉིད་ལ་ཁྱེད་ཅག་ལ་ནེམ་ནུར་སྐྱེས་སོ། ། སྒྱུ་རྩལ་ཤེས་ཀྱི་བུ་རྣམས། ཚུར་ཤོག །ཐོས་པས་མ་ཡིན། བརྒྱུད་པས་མ་ཡིན། དེ་ལྟར་གྲགས་པས་མ་ཡིན། སྡེ་སྣོད་དང་མཐུན་པས་མ་ཡིན། རྟོག་གེས་གཏན་ཚིགས་ཀྱིས་མ་ཡིན། རིགས་པའི་གཏན་ཚིགས་ཀྱིས་མ་ཡིན། རྣམ་པ་བརྟག་པས་མ་ཡིན། ལྟ་བ་ངེས་པར་སེམས་ཤིང་བཟོད་པས་མ་ཡིན། རུང་བར་སྣང་བས་མ་ཡིན། དགེ་སྦྱོང་འདི་བདག་ཅག་གི་བླ་མའོ་སྙམ་པས་ཀྱང་མ་ཡིན་པར། སྒྱུ་རྩལ་ཤེས་ཀྱི་བུ་རྣམས། ནམ་ཞིག་ཁྱེད་ཅག་ཉིད་ཀྱིས་འདི་ལྟར། ཆོས་འདི་དག་ནི་མི་དགེ་བའོ། ། ཆོས་འདི་དག་ནི་ཟག་པ་དང་བཅས་པའོ། །ཆོས་འདི་དག་ནི་མཁས་པ་རྣམས་ཀྱིས་སྨད་པའོ། །ཆོས་འདི་དག་ནི་ཡོངས་སུ་རྫོགས་པར་བླངས་ན་ཕན་པ་མ་ཡིན་པ་དང་སྡུག་བསྔལ་བར་འགྱུར་བར་ཤེས་པ་དེའི་ཚེ། སྒྱུ་རྩལ་ཤེས་ཀྱི་བུ་རྣམས། དེ་དག་སྤོངས་ཤིག །

སྒྱུ་རྩལ་ཤེས་ཀྱི་བུ་རྣམས། འདི་ལ་ཅི་སྙམ་དུ་སེམས་ཏེ། སྐྱེས་བུ་ཞིག་ལ་སེམས་ལ་ཆགས་པ་སྐྱེས་ན་ཕན་པའི་ཕྱིར་སྐྱེའམ་ཕན་པ་མ་ཡིན་པའི་ཕྱིར་སྐྱེ།

བཙུན་པ། ཕན་པ་མ་ཡིན་པའི་ཕྱིར་ལགས་སོ། །

སྒྱུ་རྩལ་ཤེས་ཀྱི་བུ་རྣམས། སྐྱེས་བུ་བླུན་པོ་འདི་ནི་ཆགས་པས་ཟིལ་གྱིས་གནོན་ཅིང་སེམས་གཞན་གྱི་དབང་དུ་གྱུར་ཏེ། སྲོག་ཀྱང་གཅོད་ལ། མ་བྱིན་པ་ཡང་ལེན་ཞིང་། གཞན་གྱི་ཆུང་མ་ལའང་བགྲོད་པ་དང་། རྫུན་ཡང་སྨྲ་བ་དང་། གཞན་དག་ལ་ཡང་དེ་ལྟར་བགྱིད་དུ་འཇུག་པ་གང་ལ་དེ་ཡུན་རིང་བོར་ཕན་པ་མ་ཡིན་པ་དང་སྡུག་བསྔལ་བར་འགྱུར་རོ། །

བཙུན་པ། དེ་ལྟ་ལགས་སོ། །

སྒྱུ་རྩལ་ཤེས་ཀྱི་བུ་རྣམས། འདི་ལ་ཅི་སྙམ་དུ་སེམས་ཏེ། སྐྱེས་བུ་ཞིག་ལ་སེམས་ལ་ཞེ་སྡང་སྐྱེས་ན་ཕན་པའི་ཕྱིར་སྐྱེའམ་ཕན་པ་མ་ཡིན་པའི་ཕྱིར་སྐྱེ།

བཙུན་པ། ཕན་པ་མ་ཡིན་པའི་ཕྱིར་ལགས་སོ། །

སྒྱུ་རྩལ་ཤེས་ཀྱི་བུ་རྣམས། སྐྱེས་བུ་གནོད་སེམས་ཅན་འདི་ནི་ཞེ་སྡང་གིས་ཟིལ་གྱིས་གནོན་ཅིང་སེམས་གཞན་གྱི་དབང་དུ་གྱུར་ཏེ། སྲོག་ཀྱང་གཅོད་ལ། མ་བྱིན་པ་ཡང་ལེན་ཞིང་། གཞན་གྱི་ཆུང་མ་ལའང་བགྲོད་པ་དང་། རྫུན་ཡང་སྨྲ་བ་དང་། གཞན་དག་ལ་ཡང་དེ་ལྟར་བགྱིད་དུ་འཇུག་པ་གང་ལ་དེ་ཡུན་རིང་བོར་ཕན་པ་མ་ཡིན་པ་དང་སྡུག་བསྔལ་བར་འགྱུར་རོ། །

བཙུན་པ། དེ་ལྟ་ལགས་སོ། །

སྒྱུ་རྩལ་ཤེས་ཀྱི་བུ་རྣམས། འདི་ལ་ཅི་སྙམ་དུ་སེམས་ཏེ། སྐྱེས་བུ་ཞིག་ལ་སེམས་ལ་གཏི་མུག་སྐྱེས་ན་ཕན་པའི་ཕྱིར་སྐྱེའམ་ཕན་པ་མ་ཡིན་པའི་ཕྱིར་སྐྱེ།

བཙུན་པ། ཕན་པ་མ་ཡིན་པའི་ཕྱིར་ལགས་སོ། ། 

སྒྱུ་རྩལ་ཤེས་ཀྱི་བུ་རྣམས། སྐྱེས་བུ་རྨོངས་པ་འདི་ནི་གཏི་མུག་གིས་ཟིལ་གྱིས་གནོན་ཅིང་སེམས་གཞན་གྱི་དབང་དུ་གྱུར་ཏེ། སྲོག་ཀྱང་གཅོད་ལ། མ་བྱིན་པ་ཡང་ལེན་ཞིང་། གཞན་གྱི་ཆུང་མ་ལའང་བགྲོད་པ་དང་། རྫུན་ཡང་སྨྲ་བ་དང་། གཞན་དག་ལ་ཡང་དེ་ལྟར་བགྱིད་དུ་འཇུག་པ་གང་ལ་དེ་ཡུན་རིང་བོར་ཕན་པ་མ་ཡིན་པ་དང་སྡུག་བསྔལ་བར་འགྱུར་རོ། །

བཙུན་པ། དེ་ལྟ་ལགས་སོ། །

སྒྱུ་རྩལ་ཤེས་ཀྱི་བུ་རྣམས། འདི་ལ་ཅི་སྙམ་དུ་སེམས་ཏེ། ཆོས་འདི་དག་ནི་དགེ་བ་ལགས་སམ་འོན་ཏེ་མི་དགེ་བ་ལགས།

བཙུན་པ། མི་དགེ་བའོ། །

ཟག་པ་དང་བཅས་པ་ལགས་སམ་འོན་ཏེ་ཟག་པ་དང་མ་བཅས་པ་ལགས། 

བཙུན་པ། ཟག་པ་དང་བཅས་པའོ། །

མཁས་པས་སྨད་པ་ལགས་སམ་འོན་ཏེ་མཁས་པས་བསྔགས་པ་ལགས། །

བཙུན་པ། མཁས་པས་སྨད་པའོ། །

འདི་ལ་འདི་དག་ཡོངས་སུ་རྫོགས་པར་བླངས་ན་ཕན་པ་མ་ཡིན་པ་དང་སྡུག་བསྔལ་བར་འགྱུར་རམ་མི་འགྱུར་ཇི་ལྟར་སྣང་།

བཙུན་པ། བདག་ཅག་ལ་འདི་དག་ཡོངས་སུ་རྫོགས་པར་བླངས་ན་ཕན་པ་མ་ཡིན་པ་དང་སྡུག་བསྔལ་བར་འགྱུར་བར་སྣང་ངོ་། །

སྒྱུ་རྩལ་ཤེས་ཀྱི་བུ་རྣམས། གང་ཞིག་བདག་གིས་ཁྱེད་ཅག་ལ་འདི་སྐད། སྒྱུ་རྩལ་ཤེས་ཀྱི་བུ་རྣམས། ཚུར་ཤོག  ཐོས་པས་མ་ཡིན། བརྒྱུད་པས་མ་ཡིན། དེ་སྐད་གྲགས་པས་མ་ཡིན། སྡེ་སྣོད་དང་མཐུན་པས་མ་ཡིན། རྟོག་གེའི་གཏན་ཚིགས་ཀྱིས་མ་ཡིན། རིགས་པའི་གཏན་ཚིགས་ཀྱིས་མ་ཡིན། རྣམ་པ་ཡོངས་སུ་རྟོག་པས་མ་ཡིན། ལྟ་བ་ངེས་པར་སེམས་ཤིང་བཟོད་པས་མ་ཡིན། རུང་བར་སྣང་བས་མ་ཡིན། དགེ་སྦྱོང་འདི་བདག་ཅག་གི་བླ་མའོ་སྙམ་པས་ཀྱང་མ་ཡིན་པར། སྒྱུ་རྩལ་ཤེས་ཀྱི་བུ་རྣམས། ནམ་ཞིག་ཁྱེད་ཅག་ཉིད་ཀྱིས་འདི་ལྟར། ཆོས་འདི་དག་ནི་མི་དགེ་བའོ། །ཆོས་འདི་དག་ནི་ཟག་པ་དང་བཅས་པའོ། །ཆོས་འདི་དག་ནི་མཁས་པ་རྣམས་ཀྱིས་སྨད་པའོ། །ཆོས་འདི་དག་ནི་ཡོངས་སུ་རྫོགས་པར་བླངས་ན་ཕན་པ་མ་ཡིན་པ་དང་སྡུག་བསྔལ་བར་འགྱུར་བར་ཤེས་པ་དེའི་ཚེ། སྒྱུ་རྩལ་ཤེས་ཀྱི་བུ་རྣམས། དེ་དག་སྤོངས་ཤིག་ཅེས་གང་སྨྲས་པ་དེ་ནི་འདི་ལ་བརྟེན་ནས་སྨྲས་སོ། །

སྒྱུ་རྩལ་ཤེས་ཀྱི་བུ་རྣམས། ཁྱེད་ཅག་ཐོས་པ་དང་། བརྒྱུད་པ་དང་། གྲགས་པ་དང་། སྡེ་སྣོད་དང་མཐུན་པ་དང་། རྟོག་གེའི་གཏན་ཚིགས་དང་། རིགས་པའི་གཏན་ཚིགས་དང་། རྣམ་པ་ཡོངས་སུ་རྟོག་པ་དང་། ལྟ་བ་ངེས་པར་སེམས་ཤིང་བཟོད་པ་དང་། རུང་བར་སྣང་བ་དང་། དགེ་སྦྱོང་འདི་ནི་བདག་ཅག་གི་བླ་མའོ་སྙམ་པ་ལ་མ་རྟེན་ཅིག

སྒྱུ་རྩལ་ཤེས་ཀྱི་བུ་རྣམས། ནམ་ཞིག་ཁྱེད་ཅག་ཉིད་ཀྱིས་འདི་ལྟར། ཆོས་འདི་དག་ནི་དགེ་བའོ། །ཆོས་འདི་དག་ནི་ཟག་པ་མེད་པའོ། །ཆོས་འདི་དག་ནི་མཁས་པ་རྣམས་ཀྱིས་བསྔགས་པའོ། །ཆོས་འདི་དག་ནི་ཡོངས་སུ་རྫོགས་པར་བླངས་ན་ཕན་པ་དང་བདེ་བར་འགྱུར་བར་ཤེས་པར་གྱུར་ན། སྒྱུ་རྩལ་ཤེས་ཀྱི་བུ་རྣམས། དེའི་ཚེ་ཁྱེད་ཅག་དེ་དག་ལ་བརྟེན་ཏེ་གནས་པར་གྱིས་ཤིག

སྒྱུ་རྩལ་ཤེས་ཀྱི་བུ་དག །འདི་ལ་ཅི་སྙམ་དུ་སེམས། སྐྱེས་བུ་ཞིག་ལ་སེམས་ལ་མ་ཆགས་པ་སྐྱེས་ན་ཕན་པའི་ཕྱིར་འགྱུར་རམ་མི་ཕན་པའི་ཕྱིར་འགྱུར།

བཙུན་པ། ཕན་པའི་ཕྱིར་ལགས་སོ། །

སྒྱུ་རྩལ་ཤེས་ཀྱི་བུ་དག །སྐྱེས་བུ་འདི་ནི་མ་ཆགས་པ་དང་། ཆགས་པས་ཟིལ་གྱིས་མ་མནན་ཅིང་སེམས་གཞན་གྱི་དབང་དུ་མ་གྱུར་ནས། སྲོག་གཅོད་པ་དང་། མ་བྱིན་པར་ལེན་པ་དང་། གཞན་གྱི་ཆུང་མར་བགྲོད་པ་དང་། རྫུན་སྨྲ་བ་རྣམས་མི་བགྱིད་ཅིང་། གཞན་དག་ལའང་དེ་ལྟར་བགྱིད་དུ་མི་འཇུག་པ་གང་ལ་དེ་དུས་ཡུན་རིང་བོར་ཕན་པ་དང་བདེ་བའི་ཕྱིར་འགྱུར་རོ། །

བཙུན་པ། དེ་དེ་བཞིན་ལགས་སོ། །

སྒྱུ་རྩལ་ཤེས་ཀྱི་བུ་དག །འདི་ལ་ཅི་སྙམ་དུ་སེམས། སྐྱེས་བུ་ཞིག་ལ་སེམས་ལ་ཞེ་སྡང་མེད་པ་སྐྱེས་ན་ཕན་པའི་ཕྱིར་འགྱུར་རམ་མི་ཕན་པའི་ཕྱིར་འགྱུར།

བཙུན་པ། ཕན་པའི་ཕྱིར་ལགས་སོ། །

སྒྱུ་རྩལ་ཤེས་ཀྱི་བུ་དག །སྐྱེས་བུ་འདི་ནི་ཞེ་སྡང་མེད་པ་དང་། ཞེ་སྡང་གིས་ཟིལ་གྱིས་མ་མནན་ཅིང་སེམས་གཞན་གྱི་དབང་དུ་མ་གྱུར་ནས། སྲོག་གཅོད་པ་དང་། མ་བྱིན་པར་ལེན་པ་དང་། གཞན་གྱི་ཆུང་མར་བགྲོད་པ་དང་། རྫུན་སྨྲ་བ་རྣམས་མི་བགྱིད་ཅིང་། གཞན་དག་ལའང་དེ་ལྟར་བགྱིད་དུ་མི་འཇུག་པ་གང་ལ་དེ་ནི་ཡུན་རིང་བོར་ཕན་པ་དང་བདེ་བའི་ཕྱིར་འགྱུར་རོ། །

སྒྱུ་རྩལ་ཤེས་ཀྱི་བུ་དག །འདི་ལ་ཅི་སྙམ་དུ་སེམས། སྐྱེས་བུ་ཞིག་ལ་སེམས་ལ་གཏི་མུག་མེད་པ་སྐྱེས་ན་ཕན་པའི་ཕྱིར་འགྱུར་རམ་མི་ཕན་པའི་ཕྱིར་འགྱུར།

བཙུན་པ། ཕན་པའི་ཕྱིར་ལགས་སོ། །

སྒྱུ་རྩལ་ཤེས་ཀྱི་བུ་དག །སྐྱེས་བུ་འདི་ནི་གཏི་མུག་མེད་པ་དང་། གཏི་མུག་གིས་ཟིལ་གྱིས་མ་མནན་ཅིང་སེམས་གཞན་གྱི་དབང་དུ་མ་གྱུར་ནས། སྲོག་གཅོད་པ་དང་། མ་བྱིན་པར་ལེན་པ་དང་། གཞན་གྱི་ཆུང་མར་བགྲོད་པ་དང་། རྫུན་སྨྲ་བ་རྣམས་མི་བགྱིད་ཅིང་། གཞན་དག་ལའང་དེ་ལྟར་བགྱིད་དུ་མི་འཇུག་པ་གང་ལ་དེ་ནི་ཡུན་རིང་བོར་ཕན་པ་དང་བདེ་བའི་ཕྱིར་འགྱུར་རོ། །

བཙུན་པ། དེ་དེ་བཞིན་ལགས་སོ། །

སྒྱུ་རྩལ་ཤེས་ཀྱི་བུ་དག །འདི་ལ་ཅི་སྙམ་དུ་སེམས། ཆོས་འདི་དག་ནི་དགེ་བ་ལགས་སམ་མི་དགེ་བ་ལགས།

བཙུན་པ། དགེ་བ་ལགས་སོ། །

ཟག་པ་དང་བཅས་པ་ལགས་སམ་ཟག་པ་དང་མ་བཅས་པ་ལགས།

བཙུན་པ། ཟག་པ་དང་མ་བཅས་པ་ལགས་སོ། །

མཁས་པས་སྨད་པ་ལགས་སམ་འོན་ཏེ་མཁས་པས་བསྔགས་པ་ལགས།

བཙུན་པ། མཁས་པས་བསྔགས་པ་ལགས་སོ། །

འདི་ལ་ཡོངས་སུ་རྫོགས་པར་བླངས་ཏེ་སྤྱད་ན་ཕན་པ་དང་བདེ་བའི་ཕྱིར་འགྱུར་རམ་མི་འགྱུར་བ་ཇི་ལྟར་སྣང་།

བཙུན་པ། བདག་ཅག་ལ་ཡོངས་སུ་རྫོགས་པར་བླངས་ཏེ་སྤྱད་ན་ཕན་པ་དང་བདེ་བའི་ཕྱིར་འགྱུར་བར་སྣང་ངོ་། །

སྒྱུ་རྩལ་ཤེས་ཀྱི་བུ་རྣམས། གང་ཞིག་བདག་གིས་ཁྱེད་ཅག་ལ་འདི་སྐད། སྒྱུ་རྩལ་ཤེས་ཀྱི་བུ་རྣམས། ཐོས་པས་མ་ཡིན། བརྒྱུད་པས་མ་ཡིན། དེ་སྐད་གྲགས་པས་མ་ཡིན། སྡེ་སྣོད་དང་མཐུན་པས་མ་ཡིན། རྟོག་གེའི་གཏན་ཚིགས་ཀྱིས་མ་ཡིན། རིགས་པའི་གཏན་ཚིགས་ཀྱིས་མ་ཡིན། རྣམ་པ་ཡོངས་སུ་རྟོག་པས་མ་ཡིན། ལྟ་བ་ངེས་པར་སེམས་ཤིང་བཟོད་པས་མ་ཡིན། རུང་བར་སྣང་བས་མ་ཡིན། དགེ་སྦྱོང་འདི་བདག་ཅག་གི་བླ་མའོ་སྙམ་པས་ཀྱང་མ་ཡིན་པར། སྒྱུ་རྩལ་ཤེས་ཀྱི་བུ་རྣམས། ནམ་ཞིག་ཁྱེད་ཅག་ཉིད་ཀྱིས་འདི་ལྟར། ཆོས་འདི་དག་ནི་མི་དགེ་བའོ། ། ཆོས་འདི་དག་ནི་ཟག་པ་དང་བཅས་པའོ། ། ཆོས་འདི་དག་ནི་མཁས་པ་རྣམས་ཀྱིས་སྨད་པའོ། །ཆོས་འདི་དག་ནི་ཡོངས་སུ་རྫོགས་པར་བླངས་ན་ཕན་པ་མ་ཡིན་པ་དང་སྡུག་བསྔལ་བར་འགྱུར་བར་ཤེས་པ་དེའི་ཚེ། སྒྱུ་རྩལ་ཤེས་ཀྱི་བུ་རྣམས། དེ་དག་སྤོངས་ཤིག་ཅེས་གང་སྨྲས་པ་དེ་ནི་འདི་ལ་བརྟེན་ནས་སྨྲས་སོ། །

སྒྱུ་རྩལ་ཤེས་ཀྱི་བུ་རྣམས། ཁྱེད་ཅག་ཐོས་པ་དང་། བརྒྱུད་པ་དང་། གྲགས་པ་དང་། སྡེ་སྣོད་དང་མཐུན་པ་དང་། རྟོག་གེའི་གཏན་ཚིགས་དང་། རིགས་པའི་གཏན་ཚིགས་དང་། རྣམ་པ་ཡོངས་སུ་རྟོག་པ་དང་། ལྟ་བ་ངེས་པར་སེམས་ཤིང་བཟོད་པ་དང་། རུང་བར་སྣང་བ་དང་། དགེ་སྦྱོང་འདི་ནི་བདག་ཅག་གི་བླ་མའོ་སྙམ་པ་ལ་མ་རྟེན་ཅིག སྒྱུ་རྩལ་ཤེས་ཀྱི་བུ་རྣམས། ནམ་ཞིག་ཁྱེད་ཅག་ཉིད་ཀྱིས་འདི་ལྟར། ཆོས་འདི་དག་ནི་དགེ་བའོ། །ཆོས་འདི་དག་ནི་ཟག་པ་མེད་པའོ། །ཆོས་འདི་དག་ནི་མཁས་པ་རྣམས་ཀྱིས་བསྔགས་པའོ། །ཆོས་འདི་དག་ནི་ཡོངས་སུ་རྫོགས་པར་བླངས་ན་ཕན་པ་དང་བདེ་བར་འགྱུར་བར་ཤེས་པར་གྱུར་ན། སྒྱུ་རྩལ་ཤེས་ཀྱི་བུ་རྣམས། དེའི་ཚེ་ཁྱེད་ཅག་དེ་དག་ལ་བརྟེན་ཏེ་གནས་པར་གྱིས་ཤིག །

སྒྱུ་རྩལ་ཤེས་ཀྱི་བུ་དག །འཕགས་པའི་ཉན་ཐོས་དེ་ནི་དེ་ལྟར་བརྣབ་སེམས་དང་བྲལ་བ། གནོད་སེམས་དང་བྲལ་བ། མི་རྨོངས་པ། ཤེས་བཞིན་དང་ལྡན་པ། དྲན་པ་དང་ལྡན་པ་སྟེ། བྱམས་པ་དང་མཚུངས་པར་ལྡན་པའི་སེམས་ཀྱིས་ཕྱོགས་གཅིག་ལ་ཁྱབ་པར་བྱས་ཏེ་གནས་སོ། །དེ་བཞིན་དུ་གཉིས་པ་དང་། གསུམ་པ་དང་། བཞི་བ་དང་། དེ་ལྟར་སྟེང་དང་། འོག་དང་། ཐད་ཀ་དང་། ཐམས་ཅད་དུ་བདག་དང་འདྲ་བར་འཇིག་རྟེན་ཐམས་ཅད་ལ་བྱམས་པ་དང་མཚུངས་པར་ལྡན་པའི་སེམས་ཡངས་པ། རྒྱ་ཆེན་པོར་གྱུར་པ། ཚད་མེད་པ། འཁོན་པ་མེད་པ། གནོད་པ་མེད་པས་ཁྱབ་པར་བྱས་ཏེ་གནས་སོ། །སྙིང་རྗེ་དང་མཚུངས་པར་ལྡན་པའི་སེམས་ཀྱིས་ཕྱོགས་གཅིག་ལ་ཁྱབ་པར་བྱས་ཏེ་གནས་སོ། །དེ་བཞིན་དུ་གཉིས་པ་དང་། གསུམ་པ་དང་། བཞི་བ་དང་། དེ་ལྟར་སྟེང་དང་། འོག་དང་། ཐད་ཀ་དང་། ཐམས་ཅད་དུ་བདག་དང་འདྲ་བར་འཇིག་རྟེན་ཐམས་ཅད་ལ་བྱམས་པ་དང་མཚུངས་པར་ལྡན་པའི་སེམས་ཡངས་པ། རྒྱ་ཆེན་པོར་གྱུར་བ། ཚད་མེད་པ། འཁོན་པ་མེད་པ། གནོད་པ་མེད་པས་ཁྱབ་པར་བྱས་ཏེ་གནས་སོ། །དགའ་བ་དང་མཚུངས་པར་ལྡན་པའི་སེམས་ཀྱིས་ཕྱོགས་གཅིག་ལ་ཁྱབ་པར་བྱས་ཏེ་གནས་སོ། །དེ་བཞིན་དུ་གཉིས་པ་དང་། གསུམ་པ་དང་། བཞི་བ་དང་། དེ་ལྟར་སྟེང་དང་། འོག་དང་། ཐད་ཀ་དང་། ཐམས་ཅད་དུ་བདག་དང་འདྲ་བར་འཇིག་རྟེན་ཐམས་ཅད་ལ་བྱམས་པ་དང་མཚུངས་པར་ལྡན་པའི་སེམས་ཡངས་པ། རྒྱ་ཆེན་པོར་གྱུར་བ། ཚད་མེད་པ། འཁོན་པ་མེད་པ། གནོད་པ་མེད་པས་ཁྱབ་པར་བྱས་ཏེ་གནས་སོ། །བཏང་སྙོམས་དང་མཚུངས་པར་ལྡན་པའི་སེམས་ཀྱིས་ཕྱོགས་གཅིག་ལ་ཁྱབ་པར་བྱས་ཏེ་གནས་སོ། །དེ་བཞིན་དུ་གཉིས་པ་དང་། གསུམ་པ་དང་། བཞི་པ་དང་། དེ་ལྟར་སྟེང་དང་། འོག་དང་། ཐད་ཀ་དང་། ཐམས་ཅད་དུ་བདག་དང་འདྲ་བར་འཇིག་རྟེན་ཐམས་ཅད་ལ་བཏང་སྙོམས་དང་མཚུངས་པར་ལྡན་པའི་སེམས་ཡངས་པ། རྒྱ་ཆེན་པོར་གྱུར་བ། ཚད་མེད་པ། འཁོན་པ་མེད་པ། གནོད་པ་མེད་པས་ཁྱབ་པར་བྱས་ཏེ་གནས་སོ། །

སྒྱུ་རྩལ་ཤེས་ཀྱི་བུ་དག །འཕགས་པའི་ཉན་ཐོས་དེ་ནི་དེ་ལྟར་འཁོན་པ་མེད་པའི་སེམས་དང་། གནོད་པ་མེད་པའི་སེམས་དང་། ཀུན་ནས་ཉོན་མོངས་པ་མེད་པའི་སེམས་དང་། རྣམ་པར་དག་པའི་སེམས་དང་ལྡན་པ་ཡིན་ནོ། །དེ་ལ་མཐོང་བའི་ཆོས་འདི་ཉིད་ལ་དབུགས་དབྱུང་བཞི་ཐོབ་པར་འགྱུར་རོ། །གལ་ཏེ་འཇིག་རྟེན་ཕ་རོལ་ཡོད་ཅིང་། ལེགས་པར་བྱས་པ་དང་ཉེས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པ་ཡོད་ན། བདག་ལུས་ཞིག་ནས་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་རོ་སྙམ་པ་ནི། དེར་ཐོབ་པའི་དབུགས་དབྱུང་དང་བོའོ། །

གལ་ཏེ་འཇིག་རྟེན་ཕ་རོལ་མེད་ཅིང་། ལེགས་པར་བྱས་པ་དང་ཉེས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པ་མེད་ནའང་། བདག་གིས་ཚེ་འདི་ཉིད་ལ་འཁོན་པ་མེད་པ་དང་། གནོད་པ་མེད་པ་དང་། མྱ་ངན་མེད་པར་བདག་ཉིད་བདེ་བར་བསྐྱང་བར་བྱའོ་སྙམ་པ་ནི། དེ་ལ་ཐོབ་པའི་དབུགས་དབྱུང་གཉིས་པའོ། །

གལ་ཏེ་བྱེད་པ་བོ་ལ་སྡིག་པར་འགྱུར་ནའང་། བདག་གིས་སུ་ལའང་སྡིག་པར་མི་སེམས་པས། སྡིག་པའི་ལས་མི་བྱེད་པ་བདག་ལ་སྡུག་བསྔལ་གྱིས་ཇི་ལྟར་རེག་པར་འགྱུར་སྙམ་པ་ནི། དེ་ལ་ཐོབ་པའི་དབུགས་དབྱུང་གསུམ་པའོ། །

གལ་ཏེ་བྱེད་པ་བོ་ལ་སྡིག་པར་མི་འགྱུར་ནའང་། བདག་གིས་གཉིས་ཀའི་ཆ་ནས་རྣམ་པར་དག་པར་བདག་ཉིད་མཐོང་བར་བྱའོ་སྙམ་པ་ནི། དེ་ལ་ཐོབ་པའི་དབུགས་དབྱུང་བཞི་བའོ། །

སྒྱུ་རྩལ་ཤེས་ཀྱི་བུ་དག །འཕགས་པའི་ཉན་ཐོས་དེ་ནི་དེ་ལྟར་འཁོན་པ་མེད་པའི་སེམས་དང་། གནོད་པ་མེད་པའི་སེམས་དང་། ཀུན་ནས་ཉོན་མོངས་པ་མེད་པའི་སེམས་དང་། རྣམ་པར་དག་པའི་སེམས་དང་ལྡན་པ་ཡིན་ནོ། །དེ་ལ་མཐོང་བའི་ཆོས་འདི་ཉིད་ལ་དབུགས་དབྱུང་བཞི་བོ་འདི་དག་ཐོབ་པར་འགྱུར་རོ། །

བཅོམ་ལྡན་འདས། དེ་དེ་བཞིན་ནོ། །བདེ་བར་གཤེགས་པ། དེ་དེ་བཞིན་ནོ། །

བཙུན་པ། འཕགས་པའི་ཉན་ཐོས་དེ་ནི་དེ་ལྟར་འཁོན་པ་མེད་པའི་སེམས་དང་། གནོད་པ་མེད་པའི་སེམས་དང་། ཀུན་ནས་ཉོན་མོངས་པ་མེད་པའི་སེམས་དང་། རྣམ་པར་དག་པའི་སེམས་དང་ལྡན་པ་ཡིན་ནོ། །དེ་ལ་མཐོང་བའི་ཆོས་འདི་ཉིད་ལ་དབུགས་དབྱུང་བཞི་ཐོབ་པར་འགྱུར་རོ། །

གལ་ཏེ་འཇིག་རྟེན་ཕ་རོལ་ཡོད་ཅིང་། ལེགས་པར་བྱས་པ་དང་ཉེས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པ་ཡོད་ན། བདག་ལུས་ཞིག་ནས་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་རོ་སྙམ་པ་ནི། དེ་ལ་ཐོབ་པའི་དབུགས་དབྱུང་དང་བོའོ། །

གལ་ཏེ་འཇིག་རྟེན་ཕ་རོལ་མེད་ཅིང་། ལེགས་པར་བྱས་པ་དང་ཉེས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པ་མེད་ནའང་། བདག་གིས་ཚེ་འདི་ཉིད་ལ་འཁོན་པ་མེད་པ་དང་། གནོད་པ་མེད་པ་དང་། མྱ་ངན་མེད་པར་བདག་ཉིད་བདེ་བར་བསྐྱང་བར་བྱའོ་སྙམ་པ་ནི། དེ་ལ་ཐོབ་པའི་དབུགས་དབྱུང་གཉིས་པའོ། །

གལ་ཏེ་བྱེད་པ་བོ་ལ་སྡིག་པར་འགྱུར་ནའང་། བདག་གིས་སུ་ལ་ཡང་སྡིག་པར་མི་སེམས་པས། སྡིག་པའི་ལས་མི་བྱེད་པ་བདག་ལ་སྡུག་བསྔལ་གྱིས་ཇི་ལྟར་རེག་པར་འགྱུར་སྙམ་པ་ནི། དེ་ལ་ཐོབ་པའི་དབུགས་དབྱུང་གསུམ་པའོ། །

གལ་ཏེ་བྱེད་པ་བོ་ལ་སྡིག་པར་མི་འགྱུར་ནའང་། བདག་གིས་གཉིས་ཀའི་ཆ་ནས་རྣམ་པར་དག་པར་བདག་ཉིད་མཐོང་བར་བྱའོ་སྙམ་པ་ནི། དེ་ལ་ཐོབ་པའི་དབུགས་དབྱུང་བཞི་བའོ། །

བཙུན་པ། འཕགས་པའི་ཉན་ཐོས་དེ་ནི་དེ་ལྟར་འཁོན་པ་མེད་པའི་སེམས་དང་། གནོད་པ་མེད་པའི་སེམས་དང་། ཀུན་ནས་ཉོན་མོངས་པ་མེད་པའི་སེམས་དང་། རྣམ་པར་དག་པའི་སེམས་དང་ལྡན་པ་ཡིན་ནོ། །དེས་ཚེ་འདི་ཉིད་ལ་དབུགས་དབྱུང་བཞི་བོ་འདི་དག་ཐོབ་པར་འགྱུར་རོ། །

བཙུན་པ། མངོན་པར་འཕགས་སོ། །བདག་ཅག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བཅོམ་ལྡན་འདས་ཀྱིས་བདག་ཅག་དེང་སླན་ཆད་ཇི་སྲིད་འཚོ་བའི་བར་དུ་དགེ་བསྙེན་དུ་གཟུང་དུ་གསོལ། །

 

ལྔ་བའོ*། །

 

ཡང་གླེ་རྡོ་རྗེ་སྐྱབས་ཀྱིས་ཟླ་ཚེས་བཟང་བོར་པཱ་ལིའི་སྐད་ནས་བོད་སྐད་དུ་འཕགས་པའི་ཡུལ་གྱི་གྲོང་ཁྱེར་གྱི་གཙོ་བོ་ལྡི་ལིར་གསར་བར་རྫོགས་པར་བསྒྱུར་བ་དགེའོ། །

 


*འཕགས་པ་གནས་བརྟན་པའི་མདོ་སྡེའི་སྡེ་སྣོད་ཀྱི་ཡན་ལག་ཕྱི་མའི་སྡེ་ལས། སུམ་ཚན་གྱི་ཆེན་པོའི་ཚོམས་ཀྱི་ལྔ་བའོ། །


Sep 20, 2026

སྐར་མཁན་མཽད་གལ་གྱི་བུའི་མདོ།



དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །

 

རྒྱ་གར་སྐད་དུ། གཎཀམོགྒལླཱནསུཏྟཾ།

བོད་སྐད་དུ། སྐར་མཁན་མཽད་གལ་གྱི་བུའི་མདོ།


འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། ཤར་གྱི་ཀུན་དགའ་ར་བ་རི་དྭགས་འཛིན་གྱི་མའི་ཁང་བཟངས་ན་བཞུགས་སོ། །དེའི་ཚེ་བྲམ་ཟེ་སྐར་མཁན་མཽད་གལ་གྱི་བུ་བཅོམ་ལྡན་འདས་ག་ལ་བར་ཤིན་ཏུ་ཉེ་བར་དོང་སྟེ། དོང་ནས་ཀྱང་བཅོམ་ལྡན་འདས་དང་ལྷན་ཅིག་དྲན་པ་ཡང་དག་པར་འཇོག་བཞིན་ཞེ་ས་དང་བཅས་ཏེ་ཡང་དག་པར་དགའ་བར་འགྱུར་བའི་གཏམ་དག་བྱས་ནས། ཕྱོགས་གཅིག་ཏུ་འདུག་གོ ། ཕྱོགས་གཅིག་ཏུ་བསྡད་ནས་ཀྱང་བྲམ་ཟེ་སྐར་མཁན་མཽད་གལ་གྱི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ། གོའུ་ཏ་མ། འདི་ལྟ་སྟེ། དཔེར་ན། རི་དྭགས་འཛིན་གྱི་མའི་ཁང་བཟངས་འདིའི་རྡོ་སྐས་མཐའ་མ་བར་གྱིས་བསླབ་པ་མཐར་གྱིས་པ་དང་། བྱ་བ་མཐར་གྱིས་པ་དང་། ལམ་མཐར་གྱིས་པ་སྟོན་པར་བྱེད་དོ། །ཀྱེ་གོའུ་ཏ་མ། བྲམ་ཟེའི་ཁ་ཏོན་ལ་ཡང་བསླབ་པ་མཐར་གྱིས་པ་དང་། བྱ་བ་མཐར་གྱིས་པ་དང་། ལམ་མཐར་གྱིས་པ་སྟོན་པར་བྱེད་དོ། །ཀྱེ་གོའུ་ཏ་མ། འཕོང་རྩལ་ལ་ཡང་བསླབ་པ་མཐར་གྱིས་པ་དང་། བྱ་བ་མཐར་གྱིས་པ་དང་། ལམ་མཐར་གྱིས་པ་སྟོན་པར་བྱེད་དོ། །ཀྱེ། གོའུ་ཏ་མ། བདག་ཅག་སྐར་མཁན་རྩིས་ཀྱིས་འཚོ་བ་རྣམས་ཀྱི་གྲངས་ལའང་བསླབ་པ་མཐར་གྱིས་པ་དང་། བྱ་བ་མཐར་གྱིས་པ། ལམ་མཐར་གྱིས་པ་སྟོན་པར་བགྱིད་དོ། །ཀྱེ། གོའུ་ཏ་མ། བདག་གིས་སློབ་མ་རྣམས་ལ་ཐོག་མར་འདི་ལྟར་བརྩི་བར་བྱེད་དེ། གཅིག་གཅིག་གི་གཅིག གཉིས་གཅིག་གི་གཉིས། གསུམ་གཅིག་གི་གསུམ། བཞི་གཅིག་གི་བཞི། ལྔ་གཅིག་གི་ལྔ། དྲུག་གཅིག་གི་དྲུག །བདུན་གཅིག་གི་བདུན། བརྒྱད་གཅིག་གི་བརྒྱད། དགུ་གཅིག་གི་དགུ། བཅུ་གཅིག་གི་བཅུའོ། །ཀྱེ། གོའུ་ཏ་མ། བདག་གིས་བརྒྱ་བར་དུའང་བརྩི་བར་བགྱིད་དོ། །དེ་ལས་མང་བ་ཡང་བརྩི་བར་བགྱིད་དོ། །ཀྱེ། གོའུ་ཏ་མ། ཅི་ཁྱོད་ཀྱིས་ཆོས་འདུལ་བ་ལ་འདི་བཞིན་དུ་བསླབ་པ་མཐར་གྱིས་པ་དང་། བྱ་བ་མཐར་གྱིས་པ་དང་། ལམ་མཐར་གྱིས་པ་རྣམས་རབ་ཏུ་སྟོན་པར་བྱེད་ནུས་སམ། 

བྲམ་ཟེ། ཆོས་འདུལ་བ་ལ་ཡང་འདི་ལྟར་བསླབ་པ་མཐར་གྱིས་པ་དང་། བྱ་བ་མཐར་གྱིས་པ་དང་། ལམ་མཐར་གྱིས་པ་རྣམས་རབ་ཏུ་སྟོན་པར་མཛད་ནུས་སོ། །འདི་ལྟ་སྟེ། དཔེར་ན། རྟ་འདུལ་མཁན་མཁས་པས་རྟ་ཅང་ཤེས་བཟང་པོ་རྙེད་པ་ཐོག་མ་ཉིད་དུ་ཁ་ལ་སྲབ་སྐོན་པར་བྱེད་དུ་འཇུག་པ་དང་། དེ་ནས་བྱ་བ་གཞན་བྱེད་དུ་འཇུག་པ་དེ་ལྟར་དུ། བྲམ་ཟེ། དེ་བཞིན་གཤེགས་པས་ཀྱང་སྐྱེས་བུ་གདུལ་བར་བྱ་བ་རྙེད་པ་ཐོག་མ་ཉིད་དུ་རྣམ་པར་གདུལ་དུ་འཇུག་སྟེ། དགེ་སློང་། ཁྱོད་ཚུར་ཤོག འདུལ་བ་དང་ལྡན་པར་བྱའོ། ། སོ་སོ་ཐར་པའི་སྡོམ་པ་ལ་སྤྱད་པར་བྱའོ། །སྤྱོད་པ་དང་སྤྱོད་ཡུལ་ཕུན་སུམ་ཚོགས་པ་དང་ལྡན་པར་བྱའོ། །རྡུལ་གྱི་ཚད་ཀྱི་སྤང་བྱའང་འཇིག་པར་བལྟ་བར་བྱའོ། །བསླབ་པ་རྣམས་དང་བསླབ་པའི་གནས་རྣམས་ཡང་དག་པར་སྤྱད་པར་བྱའོ། །བྲམ་ཟེ། ནམ་ཞིག་དགེ་སློང་རྣམས་ཚུལ་ཁྲིམས་དང་ལྡན་པར་གྱུར། སོ་སོ་ཐར་པའི་སྡོམ་པ་ལ་སྤྱོད་པར་གྱུར། སྤྱད་པ་དང་སྤྱོད་ཡུལ་ཕུན་སུམ་ཚོགས་པ་དང་ལྡན་པར་གྱུར། རྡུལ་གྱི་ཚད་ཀྱི་སྤང་བྱར་ཡང་འཇིག་པར་ལྟ། བསླབ་པ་རྣམས་དང་བསླབ་པའི་གནས་རྣམས་ལ་ཡང་དག་པར་སྤྱོད་པར་གྱུར་བ་ན། དེ་བཞིན་གཤེགས་པས་དེ་དག་ལ་གཞན་རྣམས་གདུལ་དུ་གཞུག་སྟེ། དགེ་སློང་དག ཁྱོད་འདིར་ཤོག དབང་པོ་རྣམས་ཀྱིས་ཡོངས་སུ་སྒོ་བསྡམ་པར་བྱའོ། །མིག་གིས་གཟུགས་མཐོང་ནས་མཚན་མར་མ་འཛིན་པར་མ་འགྱུར་ཞིག མངོན་རྟགས་སུ་འཛིན་པར་མ་འགྱུར་ཞིག །གང་གི་ཕྱིར་མིག་གི་དབང་པོ་བསྡམས་པར་མ་གྱུར་པར་སྤྱོད་པ་དག་ལ་བརྣབ་སེམས་དང་། ཡིད་མི་བདེ་བ་སྡིག་པ་མི་དགེ་བའི་ཆོས་རྣམས་ལ་སེམས་ཟག་པ་དང་བྲལ་བར་བྱ་བའི་ཕྱིར་དེ་དག་ལ་འབད་པ་དང་། སྡོམ་ཞིང་སྲུང་སྟེ། མིག་གི་དབང་པོ་ལ་མིག་གི་དབང་པོ་བསྡམས་ཏེ་གནས་པར་བྱའོ། །རྣ་ཡིས་སྒྲ་ཐོས་ནས་མཚན་མར་མ་འཛིན་པར་མ་འགྱུར་ཞིག མངོན་རྟགས་སུ་འཛིན་པར་མ་འགྱུར་ཞིག །གང་གི་ཕྱིར་རྣའི་དབང་པོ་བསྡམས་པར་མ་གྱུར་པར་སྤྱོད་པ་དག་ལ་བརྣབ་སེམས་དང་། ཡིད་མི་བདེ་བ་སྡིག་པ་མི་དགེ་བའི་ཆོས་རྣམས་ལ་སེམས་ཟག་པ་དང་བྲལ་བར་བྱ་བའི་ཕྱིར་དེ་དག་ལ་འབད་པ་དང་། སྡོམ་ཞིང་སྲུང་སྟེ། རྣའི་དབང་པོ་ལ་རྣའི་དབང་པོ་བསྡམས་ཏེ་གནས་པར་བྱའོ། །སྣ་ཡིས་དྲི་ཚོར་ནས་མཚན་མར་མ་འཛིན་པར་མ་འགྱུར་ཞིག མངོན་རྟགས་སུ་འཛིན་པར་མ་འགྱུར་ཞིག །གང་གི་ཕྱིར་སྣའི་དབང་པོ་བསྡམས་པར་མ་གྱུར་པར་སྤྱོད་པ་དག་ལ་བརྣབ་སེམས་དང་། ཡིད་མི་བདེ་བ་སྡིག་པ་མི་དགེ་བའི་ཆོས་རྣམས་ལ་སེམས་ཟག་པ་དང་བྲལ་བར་བྱ་བའི་ཕྱིར་དེ་དག་ལ་འབད་པ་དང་། སྡོམ་ཞིང་སྲུང་སྟེ། སྣའི་དབང་པོ་ལ་སྣའི་དབང་པོ་བསྡམས་ཏེ་གནས་པར་བྱའོ། །ལྕེ་ཡིས་རོ་ཚོར་ནས་མཚན་མར་མ་འཛིན་པར་མ་འགྱུར་ཞིག མངོན་རྟགས་སུ་འཛིན་པར་མ་འགྱུར་ཞིག །གང་གི་ཕྱིར་ལྕེའི་དབང་པོ་བསྡམས་པར་མ་གྱུར་པར་སྤྱོད་པ་དག་ལ་བརྣབ་སེམས་དང་། ཡིད་མི་བདེ་བ་སྡིག་པ་མི་དགེ་བའི་ཆོས་རྣམས་ལ་སེམས་ཟག་པ་དང་བྲལ་བར་བྱ་བའི་ཕྱིར་དེ་དག་ལ་འབད་པ་དང་། སྡོམ་ཞིང་སྲུང་སྟེ། ལྕེའི་དབང་པོ་ལ་ལྕེའི་དབང་པོ་བསྡམས་ཏེ་གནས་པར་བྱའོ། །ལུས་ཀྱིས་རེག་བྱ་མྱང་ནས་མཚན་མར་མ་འཛིན་པར་མ་འགྱུར་ཞིག མངོན་རྟགས་སུ་འཛིན་པར་མ་འགྱུར་ཞིག །གང་གི་ཕྱིར་ལུས་ཀྱི་དབང་པོ་བསྡམས་པར་མ་གྱུར་པར་སྤྱོད་པ་དག་ལ་བརྣབ་སེམས་དང་། ཡིད་མི་བདེ་བ་སྡིག་པ་མི་དགེ་བའི་ཆོས་རྣམས་ལ་སེམས་ཟག་པ་དང་བྲལ་བར་བྱ་བའི་ཕྱིར་དེ་དག་ལ་འབད་པ་དང་། སྡོམ་ཞིང་སྲུང་སྟེ། ལུས་དབང་པོ་ལ་ལུས་ཀྱི་དབང་པོ་བསྡམས་ཏེ་གནས་པར་བྱའོ། །ཡིད་ཀྱིས་ཆོས་རྣམ་པར་ཤེས་ནས་མཚན་མར་མ་འཛིན་པར་མ་འགྱུར་ཞིག མངོན་རྟགས་སུ་འཛིན་པར་མ་འགྱུར་ཞིག །གང་གི་ཕྱིར་ཡིད་ཀྱི་དབང་པོ་བསྡམས་པར་མ་གྱུར་པར་སྤྱོད་པ་དག་ལ་བརྣབ་སེམས་དང་། ཡིད་མི་བདེ་བ་སྡིག་པ་མི་དགེ་བའི་ཆོས་རྣམས་ལ་སེམས་ཟག་པ་དང་བྲལ་བར་བྱ་བའི་ཕྱིར་དེ་དག་ལ་འབད་པ་དང་། སྡོམ་ཞིང་སྲུང་སྟེ། ཡིད་ཀྱི་དབང་པོ་ལ་ཡིད་ཀྱི་དབང་པོ་བསྡམས་ཏེ་གནས་པར་བྱའོ། །
བྲམ་ཟེ། ནམ་ཞིག་དགེ་སློང་རྣམས་དབང་པོའི་སྒོ་ཡོངས་སུ་བསྡམས་ཤིང་གནས་པ་དང་། དེ་བཞིན་གཤེགས་པས་དེ་རྣམས་ལ་གཞན་གདུལ་དུ་གཞུག་སྟེ། དགེ་སློང་ཁྱོད། ཚུར་ཤོག ཟས་ཀྱི་ཚོད་རིག་པར་འགྱུར་བར་བྱའོ། །སོ་སོ་བརྟགས་པས་ཚུལ་བཞིན་དུ་ཟས་བཟའ་བར་བྱ་སྟེ། རྩེ་བའི་ཕྱིར་མ་ལགས། རྒྱགས་པའི་ཕྱིར་མ་ལགས། འཚག་གི་ཕྱིར་མ་ལགས། རྣམ་པར་བརྒྱན་པའི་ཕྱིར་མ་ལགས་ཀྱི། ཇི་ལྟར་སྲིད་དུ་ལུས་གནས་ཤིང་རྟེན་པ་དང་། བཀྲེས་པ་བཟློག་པ་དང་། ཚངས་པར་སྤྱོད་པ་རྗེས་སུ་གཟུང་བའི་ཕྱིར་རོ། །ཚོར་བ་སྔ་མ་བཟློག་ཅིག་ཚོར་བ་གསར་པ་སྐྱེད་པར་བྱ་བའི་ཕྱིར་དང་། བདག་གང་དུ་སྐྱེ་བར་འགྱུར་ན། དེར་བདེ་བ་ལ་རེག་པར་གནས་པར་བྱ་བའི་ཕྱིར་རོ། །བྲམ་ཟེ། ནམ་ཞིག་དགེ་སློང་རྣམས་ཟས་ཀྱི་ཚོད་རིག་པར་གྱུར་ན། དེ་བཞིན་གཤེགས་པས་དེ་རྣམས་ལ་གཞན་ལ་གདུལ་དུ་གཞུག་སྟེ། དགེ་སློང་དག །ཁྱོད་ཚུར་ཤོག མི་ཉལ་བའི་སྦྱོར་བ་ལ་བརྩོན་པར་བྱའོ། །མཚན་ཉིན་མོ་རྒྱུ་བ་དང་གནས་པ་དག་ལ་ཆོས་རྣམས་ལ་སེམས་སྒྲིབ་པ་མེད་ཅིང་ཡོངས་སུ་དག་གོ །མཚན་མོའི་ཐུན་དང་པོ་ལ་རྒྱུ་བ་དང་གནས་པ་དག་ལས་ཆོས་རྣམས་ལ་སེམས་སྒྲིབ་པ་མེད་ཅིང་ཡོངས་སུ་དག་ནས་མཚན་མོའི་ཐུན་བར་པ་ལ་སེང་གེ་ཉལ་སྟབས་ཀྱིས་གློ་གཡས་པ་ཕབ་སྟེ། རྐང་པས་རྐང་པ་མནན་ནས། དྲན་པ་དང་ཤེས་བཞིན་གྱིས་སྣང་བའི་འདུ་ཤེས་དང་ལྡན་པའི་འདུ་ཤེས་ཡིད་ལ་བྱེད་ཅིང་ཉལ་བར་བྱེད་དོ། །མཚན་མོའི་ཐུན་ཐ་མ་ལ་མྱུར་བ་མྱུར་བར་ལངས་ནས་རྒྱུ་བ་གནས་པ་དག་ལ་ཆོས་རྣམས་ལ་སེམས་སྒྲིབ་པ་མེད་ཅིང་ཡོངས་སུ་དག་གོ །བྲམ་ཟེ། དགེ་སློང་རྣམས་མི་ཉལ་བའི་སྦྱོར་བ་དང་རྗེས་སུ་ལྡན་པར་གྱུར་ན། དེ་བཞིན་གཤེགས་པས་དེ་རྣམས་ལ་གཞན་གདུལ་དུ་གཞུག་སྟེ། དགེ་སློང་དག ཁྱོད་ཚུར་ཤོག དྲན་པ་དང་ཤེས་བཞིན་དང་ཡང་དག་པར་ལྡན་པར་བྱའོ། །སྔོན་དུ་སྐྱོད་པ་དང་ཕྱིར་ལྡོག་པ་ན་ཡང་དྲན་པ་ཉེ་བར་བཞག་པ་དང་ལྡན་པས་བྱའོ། །སྔོན་དུ་ལྟ་བ་དང་ཕྱིར་ལྟ་བ་ན་ཡང་དྲན་པ་ཉེ་བར་བཞག་པ་དང་ལྡན་པས་བྱའོ། །ཕྱིར་དགྱེ་བ་དང་མར་སྒུར་བ་ན་ཡང་དྲན་པ་ཉེ་བར་བཞག་པ་དང་ལྡན་པས་བྱའོ། །ཕྱིའི་ལྷུང་བཟེད་དང་ཆོས་གོས་དང་སྣམ་སྦྱར་འཛིན་པ་ན་ཡང་དྲན་པ་ཉེ་བར་བཞག་པ་དང་ལྡན་པས་བྱའོ། །ཟ་བ་དང་། འཐུང་བ་དང་། ལྡོད་པ་དང་། མྱོང་བ་ན་ཡང་དྲན་པ་ཉེ་བར་བཞག་པ་དང་ལྡན་པས་བྱའོ། །བཤང་བ་དང་གཅི་བ་ན་ཡང་དྲན་པ་ཉེ་བར་བཞག་པ་དང་ལྡན་པས་བྱའོ། །འགྲོ་བ་དང་། ལང་བ་དང་། སྡོད་པ་དང་། ཉལ་བ་དང་། སད་པ་དང་། བཤད་པ་དང་། ཁ་རོག་གེར་འདུག་པ་ན་ཡང་དྲན་པ་ཉེ་བར་བཞག་པ་དང་ལྡན་པས་བྱའོ། །བྲམ་ཟེ། ནམ་ཞིག་དགེ་སློང་རྣམས་དྲན་པ་དང་ཤེས་བཞིན་ཡང་དག་པ་དང་ལྡན་པར་གྱུར་ན། དེ་བཞིན་གཤེགས་པས་དེ་རྣམས་ལ་གཞན་གདུལ་དུ་གཞུག་སྟེ། དགེ་སློང་དག ཁྱོད་ཚུར་ཤོག གནལ་མལ་དབེན་པ་བསྟེན་པར་བྱའོ། །ནགས་དང་། ཤིང་དྲུང་དང་། རི་དང་། ཕུག་དང་། རིའི་ཁང་པ་དང་། དུར་ཁྲོད་དང་། ནགས་ཁྲོད་དང་། བླ་གབ་མེད་པ་དང་། རྩྭ་སྤྱིལ་བསྟེན་པར་བྱའོ། །དེ་དག་ཟས་ཟོས་ནས་བསོད་སྙོམས་ལས་སླར་ལོག་སྟེ། སྐྱིལ་མོ་ཀྲུང་བཅས་ནས་འདུག་ཅིང་ལུས་དྲང་པོར་བསྲང་སྟེ། དྲན་པ་མངོན་དུ་བཞག་ནས། དེ་དག་འཇིག་རྟེན་པའི་ཆགས་པ་སྤངས་ཏེ། ཆགས་པ་དང་བྲལ་བའི་སེམས་མང་པོར་སྤྱོད་ཅིང་། ཆགས་པའི་སེམས་ཡོངས་སུ་སྦྱོང་ངོ་། །གནོད་སེམས་སྤངས་ཏེ་གནོད་པ་དང་བྲལ་བ་སེམས་ཅན་ཐམས་ཅད་ལ་ཕན་པ་དང་རྗེས་སུ་བརྩེ་བའི་སེམས་མང་པོར་སྤྱོད་ཅིང་། གནོད་སེམས་ཀྱི་སྐྱོན་དང་བཅས་པའི་སེམས་ཡོངས་སུ་སྦྱོང་ངོ་། །རྨུག་གཉིད་སྤངས་ཏེ་རྨུག་གཉིད་དང་བྲལ་བ་སྣང་བའི་སེམས་དང་བཅས་ཏེ་རང་ཉིད་རབ་ཏུ་ཤེས་པར་བྱེད་ཅིང་། རྨུགས་གཉིད་ཀྱི་སེམས་ཡོངས་སུ་སྦྱོང་ངོ་། །རྒོད་འགྱོད་སྤངས་ཏེ། དྲེགས་པ་མེད་པ་ནང་གི་ཡོངས་སུ་ཞི་བའི་སེམས་མང་པོར་སྤྱོད་ཅིང་། རྒོད་འགྱོད་ཀྱི་སེམས་ཡོངས་སུ་སྦྱོང་ངོ་། །ཐེ་ཚོམ་སྤངས་ཏེ། ཐེ་ཚོམ་ལས་ཡོངས་སུ་བརྒལ་བར་སྤྱོད་ཅིང་། དགེ་བའི་ཆོས་རྣམས་ལ་འདི་ལྟ་བུའམ་ཇི་ལྟ་བུ་ཞེས་བྱ་བའི་ཐེ་ཚོམ་གྱི་སེམས་ཡོངས་སུ་སྦྱོང་ངོ་།།


དེ་དག་སྒྲིབ་པ་ལྔ་པོ་འདི་དག་སྤངས་ཏེ། སེམས་ཀྱི་ཉེ་ཉོན་དག་ཤེས་རབ་ཀྱིས་སྟོབས་མེད་པར་བྱས་ཏེ། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་ལས་དབེན་པ། རྟོག་པ་དང་བཅས་དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་། བདེ་བའི་བསམ་གཏན་དང་པོ་མངོན་དུ་བསྒྲུབས་ནས་གནས་སོ། །དེ་དག་རྣམ་པར་རྟོག་པ་དང་། རྣམ་པར་དཔྱོད་པ་ཞི་བར་བྱ་བའི་ཕྱིར། ནང་གི་སེམས་ལ་རབ་ཏུ་དགའ་བ་གཅིག་ཏུ་དམིགས་པས་རྣམ་པར་མི་རྟོག །རྣམ་པར་མི་དཔྱོད་པའི་ཏིང་ངེ་འཛིན་ལས་སྐྱེས་པའི་དགའ་བ་དང་། བདེ་བའི་བསམ་གཏན་གཉིས་པ་མངོན་དུ་བསྒྲུབས་ཏེ་གནས་སོ། །དེ་དག་དགའ་བ་སྤངས་ནས་བཏང་སྙོམས་དང་། དྲན་པ་དང་། རབ་ཏུ་ཤེས་པ་དང་། བདེ་བས་ལུས་ལ་སོ་སོར་མྱོང་བར་གནས་ཏེ། གང་འཕགས་པ་དག་གིས་གསུངས་པའི་དྲན་པ་དང་ལྡན་པའི་བཏང་སྙོམས་པར་བྱས་ཏེ། བདེ་བར་གནས་སོ་ཞེས་བྱ་བའི་བསམ་གཏན་གསུམ་པ་མངོན་དུ་བསྒྲུབས་ཏེ་གནས་སོ། །དེ་དག་བདེ་བ་ཡང་སྤངས། སྡུག་བསྔལ་བ་ཡང་སྤངས་ཏེ། ཡིད་བདེ་བ་དང་། ཡིད་མི་བདེ་བ་ནི་སྔར་སྤངས་པས་ན་སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་བཏང་སྙོམས་དང་། དྲན་པ་ཡོངས་སུ་དག་པ་བསམ་གཏན་བཞི་བ་མངོན་པར་བསྒྲུབས་ནས་གནས་སོ། །

བྲམ་ཟེ། དགེ་སློང་གང་དག་སློབ་པ་ཡིན་པ་རྣམས་ཀྱིས་མ་ཐོབ་པའི་ཡིད་ཀྱིས་བླ་ན་མེད་པའི་གྲུབ་པ་དང་བདེ་བ་དོན་གཉེར་བས་སྤྱོད་པ་ཡིན་ལ། དེ་དག་ལ་བདག་གི་རྗེས་སུ་བསྟན་པ་འདི་ལྟ་བུའོ། །གཞན་ཡང་དགེ་སློང་གང་དག་དགྲ་བཅོམ་པ། ཟག་པ་ཟད་པ། བྱ་བ་བྱས་པ། ཁུར་བོར་བ། རང་གི་དོན་རྗེས་སུ་ཐོབ་པ། སྲིད་པར་སྦྱོར་བ་ཡོངས་སུ་བས་པ། བཀའ་ཡང་དག་པས་སེམས་ཤིན་ཏུ་རྣམ་པར་གྲོལ་བ་དེ་དག་ཆོས་འདི་དག་ལ་མཐོང་ཆོས་བདེ་བར་སྤྱོད་པ་དང་དྲན་པ་ཉེ་བར་གཞག་པའི་ཕྱིར་ཉིད་དུ་ཡོངས་སུ་སྒྲུབ་པར་འགྱུར་རོ། །

དེ་སྐད་ཅེས་བཀའ་སྩལ་པ་དང་། བྲམ་ཟེ་སྐར་མཁན་མཽད་གལ་གྱི་བུས་བཅོམ་ལྡན་འདས་ལ་འདི་སྐད་ཅེས་གསོལ་པ། ཅི་གོའུ་ཏ་མའི་ཉན་ཐོས་རྣམས་གོའུ་ཏ་མ་ཁྱོད་ཀྱིས་ཇི་ལྟར་གདམས་པ་དང་རྗེས་སུ་བསྟན་པ་བཞིན་དུ་ཐམས་ཅད་མཐར་ཐུག་མྱ་ངན་མེད་པ་འཐོབ་པར་འགྱུར་རམ། ཡང་ལ་ལ་ལ་ཐོབ་པར་མི་འགྱུར། བྲམ་ཟེ། བདག་གི་ཉན་ཐོས་རྣམས་ལས་ལ་ལ་བདག་གིས་ཇི་ལྟར་གདམས་པ་དང་རྗེས་སུ་བསྟན་པ་བཞིན་དུ་ཐམས་ཅད་མཐར་ཐུག་མྱ་ངན་ལས་འདས་པར་འགྱུར་ལ། ལ་ལ་མྱ་ངན་ལས་འདས་པར་མི་འགྱུར་རོ། །བཙུན་པ། རྒྱུ་ཅི་དང་རྐྱེན་ཅིས་གང་མྱ་ངན་ལས་འདས་པ་ཡོད་པ་དང་། མྱ་ངན་ལས་འདས་པར་འགྲོ་བའི་ལམ་ཡོད་པ་དང་། ཡང་དག་པར་འཛིན་དུ་འཇུག་པ་པོ་གོའུ་ཏ་མ་བཞུགས་པ་དང་། གོའུ་ཏ་མའི་ཉན་ཐོས་རྣམས་གོའུ་ཏ་མ་ཁྱོད་ཀྱིས་ཇི་ལྟར་གདམས་པ་དང་རྗེས་སུ་བསྟན་བཞིན་དུའང་ལ་ལ་ལ་མཐར་ཐུག་མྱ་ངན་མེད་པ་འཐོབ་པར་འགྱུར་བ་དང་། ཡང་ལ་ལ་ལ་ཐོབ་པར་མི་འགྱུར། 


བྲམ་ཟེ། དེ་ལ་བདག་ཁྱོད་ལ་འདི་ལྟར་སླར་འདྲི་བར་བགྱི་ཡི། ཇི་ལྟར་ནུས་པ་ལྟར་དུ་ཁྱོད་ཀྱིས་བདག་ལ་སྨྲོས་ཤིག བྲམ་ཟེ། ཁྱོད་ཇི་སྙམ་དུ་སེམས། ཁྱོད་རྒྱལ་པོའི་ཁབ་ཏུ་འགྲོ་བའི་ལམ་སྟོན་པ་ལ་མཁས་སམ། ཀྱེ། བདག་རྒྱལ་པོའི་ཁབ་ཏུ་བགྲོད་པའི་ལམ་སྟོན་པ་ལ་མཁས་པ་ཉིད་དོ། །བྲམ་ཟེ། དེ་ལ་ཁྱོད་ཇི་སྙམ་དུ་སེམས། སྐྱེས་བུ་རྒྱལ་པོའི་ཁབ་ལ་བགྲོད་པར་འདོད་པ་ཞིག་འདིར་འོངས་ཏེ། དེ་ཁྱོད་ལ་ཤིན་ཏུ་ཉེ་བར་བཅར་ཏེ་སྨྲས་པ། བཙུན་པ། བདག་རྒྱལ་པོའི་ཁབ་ཏུ་བགྲོད་པར་འདོད་ན། རྒྱལ་པོའི་ཁབ་དེ་ལ་བགྲོད་པའི་ལམ་བདག་ལ་སྟོན་པར་མཛོད།  དེ་ལ་ཁྱོད་འདི་སྐད་ཅེས་སྨྲས་པ། ཀྱེ། སྐྱེས་བུ། ལམ་འདི་རྒྱལ་པོའི་ཁབ་ལ་འགྲོ་བ་སྟེ། དེ་ནས་ཡུད་ཙམ་སོང་ཞིག དེ་ནས་ཡུད་ཙམ་སོང་ཞིག་དང་ཁྱོད་ཀྱིས་མིང་ལ་ག་གེ་མོ་བྱ་བ་གྲོང་ཞིག་མཐོང་བར་འགྱུར་རོ། ། དེ་ནས་ཡུད་ཙམ་སོང་བར་གྱུར་ན་མིང་ལ་ག་གེ་མོ་བྱ་བའི་གྲོང་རྡལ་ཞིག་མཐོང་བར་འགྱུར་རོ། ། དེ་ནས་ཡུད་ཙམ་ཞིག་སོང་ཞིག དེ་ནས་ཡུད་ཙམ་ཞིག་སོང་ན་ཁྱོད་ཀྱིས་རྒྱལ་པོའི་ཁབ་ཀྱི་ཉམས་དགའ་བའི་ཀུན་དགའ་ར་བ་དང་། ཉམས་དགའ་བའི་ནགས་དང་། ཉམས་དགའ་བའི་ས་དང་། ཉམས་དགའ་བའི་རྫིང་བུ་དག་མཐོང་བར་འགྱུར་རོ། ། དེ་ལ་ཁྱོད་ཀྱིས་འདི་ལྟར་གདམས་པ་དང་རྗེས་སུ་བསྟན་པ་བཞིན་དུའང་། ལམ་ལོག་པར་ཞུགས་ནས་ནུབ་ཏུ་གདོང་ཕྱོགས་ཏེ་སོང་བར་གྱུར་ཏོ། །དེ་ནས་ཡང་རྒྱལ་པོའི་ཁབ་ཏུ་བགྲོད་པར་འདོད་པའི་སྐྱེས་བུ་གཞན་ཞིག་འོངས་ཏེ། དེ་ཁྱོད་ལ་ཤིན་ཏུ་ཉེ་བར་བཅར་ཏེ་སྨྲས་པ། བཙུན་པ། བདག་རྒྱལ་པོའི་ཁབ་ཏུ་བགྲོད་པར་འདོད་ན། རྒྱལ་པོའི་ཁབ་དེ་ལ་བགྲོད་པའི་ལམ་བདག་ལ་སྟོན་པར་མཛོད།  དེ་ལ་ཁྱོད་འདི་སྐད་ཅེས་སྨྲས་པ། ཀྱེ། སྐྱེས་བུ། ལམ་འདི་རྒྱལ་པོའི་ཁབ་ལ་འགྲོ་བ་སྟེ། དེ་ནས་ཡུད་ཙམ་སོང་ཞིག དེ་ནས་ཡུད་ཙམ་སོང་ཞིག་དང་ཁྱོད་ཀྱིས་མིང་ལ་ག་གེ་མོ་བྱ་བ་གྲོང་ཞིག་མཐོང་བར་འགྱུར་རོ། ། དེ་ནས་ཡུད་ཙམ་སོང་བར་གྱུར་ན་མིང་ལ་ག་གེ་མོ་བྱ་བའི་གྲོང་རྡལ་ཞིག་མཐོང་བར་འགྱུར་རོ། ། དེ་ནས་ཡུད་ཙམ་ཞིག་སོང་ཞིག དེ་ནས་ཡུད་ཙམ་ཞིག་སོང་ན་ཁྱོད་ཀྱིས་རྒྱལ་པོའི་ཁབ་ཀྱི་ཉམས་དགའ་བའི་ཀུན་དགའ་ར་བ་དང་། ཉམས་དགའ་བའི་ནགས་དང་། ཉམས་དགའ་བའི་ས་དང་། ཉམས་དགའ་བའི་རྫིང་བུ་དག་མཐོང་བར་འགྱུར་རོ། ། དེ་ལ་ཁྱོད་ཀྱིས་འདི་ལྟར་གདམས་པ་དང་རྗེས་སུ་བསྟན་པ་བཞིན་དུ་བདེ་བར་རྒྱལ་པོའི་ཁབ་ཏུ་ཕྱིན་པར་གྱུར་ཏོ། །

བྲམ་ཟེ། རྒྱུ་ཅི་དང་རྐྱེན་ཅིས་གང་རྒྱལ་པོའི་ཁབ་ཡོད་པ་དང་། རྒྱལ་པོའི་ཁབ་ཏུ་བགྲོད་པའི་ལམ་ཡོད་པ་དང་། ཡང་དག་པར་འཛིན་དུ་འཇུག་པ་པོ་ཁྱོད་ཡོད་པ་དང་། ཁྱོད་ཀྱིས་ཇི་ལྟར་གདམས་པ་དང་རྗེས་སུ་བསྟན་བཞིན་དུའང་སྐྱེས་བུ་གཅིག་ལམ་ལོག་པར་ཞུགས་ནས་ནུབ་ཏུ་གདོང་ཕྱོགས་ནས་ཕྱིན་པར་གྱུར་ལ། གཅིག་བདེ་བར་རྒྱལ་པོའི་ཁབ་ཏུ་བདེ་བར་ཕྱིན་པར་གྱུར་ཏམ། ཀྱེ། གོའུ་ཏ་མ། བདག་གིས་དེ་ལ་ཅི་ཞིག་བྱ། བདག་ནི་ལམ་སྟོན་པ་པོ་ཙམ་ལགས་སོ། །

བྲམ་ཟེ། དེ་བཞིན་དུ། མྱ་ངན་ལས་འདས་པ་ཡོད་པ་དང་། མྱ་ངན་ལས་འདས་པར་འགྲོ་བའི་ལམ་ཡོད་པ་དང་། ཡང་དག་པར་འཛིན་དུ་འཇུག་པ་པོ་གོའུ་ཏ་མ་བཞུགས་པ་དང་། བདག་གི་ཉན་ཐོས་རྣམས་ལ་བདག་གིས་ཇི་ལྟར་གདམས་པ་དང་རྗེས་སུ་བསྟན་བཞིན་དུའང་། ལ་ལ་ལ་མཐར་ཐུག་མྱ་ངན་མེད་པ་འཐོབ་པར་འགྱུར་བ་དང་། ཡང་ལ་ལ་ལ་ཐོབ་པར་མི་འགྱུར་བ་འདིར་བདག་གིས་ཅི་ཞིག་བྱ། བྲམ་ཟེ། དེ་བཞིན་གཤེགས་པ་ནི་ལམ་སྟོན་པ་པོའོ། །


དེ་སྐད་ཅེས་བཀའ་སྩལ་པ་དང་། བྲམ་ཟེ་སྐར་མཁན་མཽད་གལ་གྱི་བུས་བཅོམ་ལྡན་འདས་ལ་འདི་སྐད་ཅེས་གསོལ་པ།  ཀྱེ། གོའུ་ཏ་མ། སྐྱེས་བུ་གང་དག་དད་པ་མེད་པ། དད་པས་མ་ཡིན་པར་འཚོ་འཚོས་ཙམ་གྱི་སླད་དུ་ཁྱིམ་ནས་ཁྱིམ་མེད་པར་རབ་ཏུ་བྱུང་བ། གཡོ་དང་སྒྱུ་དང་ཁེངས་པ་དང་རྒྱགས་པ་དང་། མི་བརྟན་པ་དང་། མུ་ཅོར་སྒྲོག་པ་དང་། རྒྱས་པར་སྨྲ་བ་དང་། དབང་པོའི་སྒོ་མ་བསྡམས་པ་དང་། ཟས་ཀྱི་ཚོད་མི་རིག་པ་དང་། མི་ཉལ་བའི་སྦྱོར་བ་དང་མི་ལྡན་པ་དང་། དགེ་སྦྱོང་གི་ཆོས་ལ་ལྟོས་པ་མེད་པ་དང་། བསླབ་པ་ལ་མི་གུས་པ་དང་། མང་པོ་ཅན་དང་། ལེ་ལོ་ཅན་དང་། འཇུག་པ་ལ་སྔོན་དུ་འགྲོ་བ་དང་། ཪབ་ཏུ་དབེན་པ་ལ་མངོན་པར་མི་དགའ་བ་དང་། བརྩོན་འགྲུས་ཞན་པ་དང་། བརྗེས་ངས་པ་དང་། ཤེས་བཞིན་མ་ཡིན་པ་དང་། མཉམ་པར་མ་གཞག་པ་དང་། སེམས་རྣམ་པར་འཕྲུལ་བ་དང་། ཤེས་རབ་འཆལ་བ་དང་། ལུག་ལྟར་གླེན་པ་དེ་དག་དང་། གོའུ་ཏ་མ། ལྷན་ཅིག་གནས་པར་མ་མཛད་ཅིག 


གཞན་ཡང་། རིགས་ཀྱི་བུ་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བ། གཡོ་མེད་པ་དང་། སྒྱུ་མེད་པ་དང་། ཁེངས་པ་མེད་པ་དང་། རྒྱགས་པ་མེད་པ་དང་། བརྟན་པ་དང་། མུ་ཅོར་སྒྲོག་པ་མ་ཡིན་པ་དང་། རྒྱས་པར་སྨྲ་བ་མ་ཡིན་པ་དང་། དབང་པོའི་སྒོ་བསྡམས་པ་དང་། ཟས་ཀྱི་ཚོད་རིག་པ་དང་། མི་ཉལ་བའི་སྦྱོར་བ་དང་ལྡན་པ་དང་། དགེ་སྦྱོང་གི་ཆོས་ལ་ལྟོས་པ་དང་། བསླབ་པ་ལ་གུས་པ་དང་། མང་པོ་ཅན་མ་ཡིན་པ་དང་། ལེ་ལོ་ཅན་མ་ཡིན་པ་དང་། འཇུག་པ་ལ་མངོན་པར་མི་དགའ་བ་དང་། ཪབ་ཏུ་དབེན་པ་ལ་སྔོན་དུ་འགྲོ་བ་དང་། བརྩོན་འགྲུས་རྩོམ་པ་དང་། བདག་ཉིད་སྤངས་པ་དང་། ཤེས་བཞིན་དང་། མཉམ་པར་གཞག་པ་དང་། སེམས་རྩེ་གཅིག་པ་དང་། ཤེས་རབ་ལྡན་པ་དང་། ལུག་ལྟར་གླེན་པ་མ་ཡིན་པ་དེ་དག་དང་། གོའུ་ཏ་མ། ལྷན་ཅིག་གནས་པར་མཛོད། ཀྱེ། གོའུ་ཏ་མ། འདི་ལྟ་སྟེ། དཔེར་ན། རྩ་བ་དྲི་མ་ཅན་གང་དག་ལས་དུས་དང་རྗེས་སུ་འབྲང་བའི་ཙན་དན་ནི་མཆོག་ཏུ་བརྗོད་པ་དང་། སྙིང་པོ་དྲི་མ་ཅན་གང་དག་ལས་ཙན་དན་དམར་པོ་ནི་མཆོག་ཏུ་བརྗོད་པ་དང་། མེ་ཏོག་དྲི་མ་ཅན་གང་དག་ལས་མེ་ཏོག་བཱ་རྴི་ཀཱི་ནི་མཆོག་ཏུ་བརྗོད་པ་དེ་ལྟར་དུ། གོའུ་ཏ་མ་ཁྱོད་ཀྱི་གདམས་པ་ནི་ཆོས་རྣམས་ལས་མཆོག་ཏུ་གྱུར་པའོ། །ཀྱེ། གོའུ་ཏ་མ། ངོ་མཚར་རྨད་དུ་བྱུང་ངོ་། ། ཀྱེ། གོའུ་ཏ་མ། ངོ་མཚར་རྨད་དུ་བྱུང་ངོ་། །འདི་ལྟ་སྟེ། དཔེར་ན།  མགོ་མཇུག་ལྡོག་པ་རྣམས་མགོ་འཇུག་མ་ལོག་པར་མཛད། བསྒྲིབས་པར་གྱུར་པ་རྣམས་རྣམ་པར་ཕྱེ་བར་མཛད།  རྨོངས་པ་རྣམས་ལ་ལམ་བསྟན་པར་མཛད། སྨག་ལ་སྣུམ་གྱི་སྒྲོན་མེ་བཏེགས་པར་མཛད་ནས། མིག་དང་ལྡན་པ་རྣམས་ཀྱིས་གཟུགས་རྣམས་མཐོང་བར་མཛད་དོ། །གོའུ་ཏ་མ་ཁྱོད་ཀྱིས་རྣམ་གྲངས་དུ་མའི་སྒོ་ནས་ཆོས་རབ་ཏུ་གསལ་བར་མཛད་དོ། །དེ་བས་འདིར་བདག་གོའུ་ཏ་མ་ཁྱོད་ལ་སྐྱབས་སུ་མཆིའོ། ། ཆོས་དང་དགེ་འདུན་ལའང་སྐྱབས་སུ་མཆིའོ། ། བདག་གོའུ་ཏ་མ་ཁྱོད་ཀྱི་དགེ་བསྙེན་དུ་གཟུང་དུ་གསོལ་ལ། དེང་སླན་ཆད་ཇི་སྲིད་འཚོ་བའི་བར་དུ་བདག་སྐྱབས་སུ་མཆིའོ། །



སྐར་མཁན་མཽད་གལ་གྱི་བུ་ཞེས་བྱ་བའི་མདོ་ཡོངས་སུ་རྫོགས་སོ། །

གངས་ཅན་གྱི་ལོ་ཙཱ་བ་ཟླ་བ་གཞོན་ནུའམ་ཡང་གླེ་རྡོ་རྗེ་སྐྱབས་ཀྱིས་བསྒྱུར་བ་དགེའོ། །

 

Apr 28, 2026

གསོ་སྦྱོང་གཞག་པའི་གཞི་འཆད་པ།

  

༄། །གསོ་སྦྱོང་གཞག་པའི་གཞི་འཆད་པ།

पोषधस्थापनवस्तु

 


 

पोषधस्थापनवस्तु

 

पोषधस्थापनवस्तूद्दानम् ।

 

अशुद्धपोषधाद्भिक्षुर्मौद्गल्यायणेन नाशितः।

ततः शास्त्राणि विगर्हित्वा संघेन पृष्टः पोषधः॥१।।

एषा उद्दानगाथा चंपायां पोषधसूत्रे विस्तरेण।

तच्च पोषधसूत्रं मध्यमागमे संगीतनिपाते पठ्यते॥२।।

उद्दानम् ।

चोदनात्स्मारणाच्चैव अवकाशोऽवचनीयतः ।

अववादः प्रस्थापनं पोषधश्च प्रवारणा॥३।।

 

उक्तं भगवता संघस्थविरेण त्वर्धमासं प्रातिमोक्षसूत्रोद्देश उद्देष्टव्य इति। उपधिवारिकः संघस्थविरस्य पुरस्तात्स्थित्वा कथयति। स्थविर प्रातिमोक्षसूत्रोद्देशमुद्दिशेति। स कथयति। आयुष्मन्न शुद्धा तावद्भिक्षुपर्षत् । कोऽत्र स्थविरेणापरिशुद्धो दृष्टः। त्वमेव तावत्। कथमहं स्थविरेण दृष्टः। दिव्येन चक्षुषा। हन्तेदानीं नष्टाः स्मः। यत्र भिक्षवो दिव्येन चक्षुषा दृष्ट्वा चोदयन्ति स्मारयन्ति । इत्येतत्प्रकरणं भिक्षवो भगवतं आरोचयन्ति । भगवानाह । असंव्यवहार्यं भिक्षवो दिव्यचक्षुः। तस्मान्न भिक्षुणा दिव्येन चक्षुषा दृष्ट्वा भिक्षुश्चोदयितव्यः स्मारयितव्यः। भिक्षुर्दिव्येन चक्षुषा दृष्ट्वा भिक्षुं चोदयति स्मारयति सातिसारो भवति ।

यथा दिव्येन चक्षुषा एवं दिव्येन श्रोत्रेण ।

पुनरप्यसावुपधिवारिकः संघस्थविरस्य पुरस्तात्स्थित्वा कथयति । स्थविर प्रातिमोक्षसूत्रोद्देशमुद्दिशेति । स कथयति । आयुष्मन्नपरिशुद्धा तावद्भिक्षुपर्षत् । स्थविर कोऽत्रापरिशुद्धः । त्वमेव तावत् । स्थविर कथम् नाम त्वया संघमध्ये मम शिरसि मुष्टिर्निपातिता । अहो बताहं त्वया एकान्ते चोदितः स्यामिति । स तूष्णीमवस्थितः । एतत्प्रकरणं भिक्षवो भगवत आरोचयन्ति । भगवानाह । एकान्ते चोदयितव्यो न संघमध्ये । सचेदेकान्ते चोद्यमानो न स्मरति स्मारयितव्यः । स्मारितश्चेत्कोपमापद्यते । अवकाशः कारयितव्यः । अवकाशं कार्यमाणोऽन्येनान्यं प्रतिसरति । भगवानाह । अवचनीयः कर्तव्यः । अवचनीयः कृतः । तथाप्यन्येनान्यं प्रतिसरति । भगवानाह । अववादोऽस्य स्थापयितव्यः पोषधः प्रवारणा च ।

एकमधार्मिकं पोषधस्थापनमेकं धार्मिकम् । द्वे अधार्मिके द्वे धार्मिके । त्रीण्यधार्मिकाणि त्रीणि धार्मिकाणि । चत्वार्यधार्मिकाणि चत्वारि धार्मिकाणि । पंचाधार्मिकाणि पंच धार्मिकाणि । षडधार्मिकाणि षड्धार्मिकाणि । सप्ताधार्मिकाणि सप्त धार्मिकाणि । अष्टावधार्मिकाणि अष्टौ धार्मिकाणि । नवाधार्मिकाणि नव धार्मिकाणि । दशाधार्मिकाणि दश धार्मिकाणि पोषधस्थापनानि।

एकमधार्मिकं पोषधस्थापनमेकं धार्मिकम् । अधार्मिकं कतरत् । अमूलकेन कृतेन पोषधं स्थापयति अधार्मिकं पोषधस्थापनम् । धार्मिकं पोषधस्थापनम् कतरत् । समूलकेन कृतेन पोषधं स्थापयति धार्मिकं पोषधस्थापनम् । इदमेकमधार्मिकं पोषधस्थापनमेकं धार्मिकम् ।

द्वे अधार्मिके पोषधस्थापने द्वे धार्मिके । कतमे । अमूलकेनाकृतेनामूलकेन कृतेन पोषधं स्थापयति अधार्मिकं पोषधस्थापनम् । समूलकेनाकृतेन समूलकेन कृतेन पोषधं स्थापयति धार्मिकं पोषधस्थापनम् । इमे द्वे अधार्मिके पोषधस्थापने द्वे धार्मिके ।

त्रीण्यधार्मिकाणि त्रीणि धार्मिकाणि पोषधस्थापनानि । कतमानि । अमूलकेन कृतेन अमूलकेनाकृतेन अमूलकेन कृताकृतेन पोषधं स्थापयति अधार्मिकं पोषधस्थापनम् । समूलकेन कृतेन समूलकेनाकृतेन समूलकेन कृताकृतेन पोषधं स्थापयति धार्मिकं पोषधस्थापनम् । इमानि त्रीण्यधार्मिकाणि पोषधस्थापनानि त्रीणि धार्मिकाणि ।

चत्वार्यधार्मिकाणि चत्वारि धार्मिकाणि पोषधस्थापनानि । कतमानि । अमूलिकया शीलविपत्त्या दृष्टिविपत्त्या आचारविपत्त्या आजीवविपत्त्या पोषधं स्थापयत्यधार्मिकं पोषधस्थापनम् । समूलिकया शीलविपत्त्या दृष्टिविपत्त्या आचारविपत्त्या आजीवविपत्त्या पोषधं स्थापयति धार्मिकं पोषधस्थापनम् । इमानि चत्वार्यधार्मिकाणि पोषधस्थापनानि चत्वारि धार्मिकाणि ।

पंचाधार्मिकाणि पंच धार्मिकाणि पोषधस्थापनानि । कतमानि । अमूलिकया पाराजिकया संघावशेषया पायन्तिकया प्रतिदेशनिकया दुष्कृतया पोषधं स्थापयत्यधार्मिकं पोषधस्थापनम् । समूलिकया पाराजिकया संघावशेषया पायन्तिकया प्रतिदेशनिकया दुष्कृतया पोषधं स्थापयति धार्मिकं पोषधस्थापनम् । इमानि पंचाधार्मिकाणि पोषधस्थापनानि पंच धार्मिकाणि ।

षडधार्मिकाणि पोषधस्थापनानि षड् धार्मिकाणि पोषधस्थापनानि । कतमानि । अमूलकेन कृतेन अमूलकेनाकृतेन अमूलकेन कृताकृतेन । अमूलकेन कृतेन सावशेषेण अमूलकेनाकृतेन सावशेषेण अमूलकेन कृताकृतेन सावशेषेण पोषधं स्थापयत्यधार्मिकं पोषधस्थापनम् । समूलकेन कृतेन समूलकेनाकृतेन समूलकेन कृताकृतेन । समूलकेन कृतेन सावशेषेण समूलकेनाकृतेन सावशेषेण समूलकेन कृताकृतेन सावशेषेण पोषधं स्थापयति धार्मिकं पोषधस्थापनम् । इमानि षड् अधार्मिकाणि पोषधस्थापनानि षड् धार्मिकाणि ।

सप्ताधार्मिकाणि पोषधस्थापनानि सप्त धार्मिकाणि पोषधस्थापनानि । कतमानि । अमूलिकया शीलविपत्त्या दृष्टिविपत्त्या आचारविपत्त्या आजीवविपत्त्या अमूलकेन दृष्टेन श्रुतेन परिशंकितेन पोषधं स्थापयत्यधार्मिकं पोषधस्थापनम् । समूलकिकया शीलविपत्त्या दृष्टिविपत्त्या आचारविपत्त्या आजीवविपत्त्या समूलकेन दृष्टेन श्रुतेन परिशंकितेन पोषधं स्थापयति धार्मिकं पोषधस्थापनम् । इमानि सप्ताधार्मिकाणि सप्त धार्मिकाणि पोषधस्थापनानि ।

अष्टावधार्मिकाणि अष्टौ धार्मिकाणि पोषधस्थापनानि । कतमानि । अमूलिकया पाराजिकया संघावशेषया पायन्तिकया प्रतिदेशनिकया दुष्कृतया अमूलकेन दृष्टेन श्रुतेन परिशंकितेन पोषधं स्थापयत्य् अधार्मिकं पोषधस्थापनम् । समूलिकया पाराजिकया संघावशेषया पायन्तिकया प्रतिदेशनिकया दुष्कृतया समूलकेन दृष्टेन श्रुतेन परिशंकितेन पोषधं स्थापयति धार्मिकं पोषधस्थापनम् । इमानि अष्टावधार्मिकाणि पोषधस्थापनानि अष्टौ धार्मिकाणि ।

नवाधार्मिकाणि नव धार्मिकाणि पोषधस्थापनानि । कतमानि । अमूलकेन कृतेन अमूलकेनाकृतेन अमूलकेन कृताकृतेन । अमूलकेन कृतेन सावशेषेण अमूलकेनाकृतेन सावशेषेण अमूलकेन कृताकृतेन सावशेषेण । अमूलकेन कृतेन निरवशेषेण अमूलकेनाकृतेन निरवशेषेण अमूलकेन कृताकृतेन निरवशेषेण पोषधं स्थापयत्यधार्मिकं पोषधस्थापनम् । समूलकेन कृतेन समूलकेनाकृतेन समूलकेन कृताकृतेन । समूलकेन कृतेन सावशेषेण समूलकेनाकृतेन सावशेषेण समूलकेन कृताकृतेन सावशेषेण । समूलकेन कृतेन निरवशेषेण समूलकेनाकृतेन निरवशेषेण समूलकेन कृताकृतेन निरवशेषेण पोषधं स्थापयति धार्मिकं पोषधस्थापनम् । इमानि नवाधार्मिकाणि पोषधस्थापनानि नव धार्मिकाणि ।

दशाधार्मिकाणि दश धार्मिकाणि पोषधस्थापनानि । कतमानि । पाराजिको न भवति । पाराजिककथा न विप्रकृता भवति । शिक्षा न प्रत्याख्याता भवति । शिक्षाप्रत्याख्यानकथा न न विप्रकृता भवति । संघो न प्रत्याख्यातो भवति । संघप्रत्याख्यानकथा न विप्रकृता भवति । शीलविपन्नो न भवति न दृष्टिविपन्नो नाचारविपन्नो नाजीवविपन्नः ।

कथं पाराजिको न भवति । यैराकारैर्यैर्लिङ्गैर्यैर्निमित्तैः पाराजिकामापत्तिमापद्यते तं च भिक्षुः पश्यति न तैराकारैर्न तैर्लिङ्गैर्न तैर्निमित्तैः पाराजिकामापत्तिमापद्यमानम् । स चादृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं पाराजिको न भवति ।

कथं पाराजिककथा न विप्रकृता भवति । यथापि तत्संबहुला भिक्षवः संनिषण्णा भवन्ति संनिपतिताः । सा च कथा न लज्जा भवति न तन्मया न विप्रकृता । ते च भिक्षवः उत्थायासनेभ्यो नाना विप्रक्रामन्ति । स चादृष्ट्वा अश्रुत्वा अपरिशंक्य च पोषधं स्थापयति । अधार्मिकं पोषधस्थापनम् । एवं पाराजिककथा न विप्रकृता भवति ।

कथं शिक्षा न प्रत्याख्याता भवति । यैराकारैर्यैर्लिङ्गैर्यैर्निमित्तैः शिक्षाप्रत्याख्यानं क्रियते तं च भिक्षुः पश्यति न तैराकारैर्न तैर्लिङ्गैर्न तैर्निमित्तैः शिक्षाप्रत्याख्यानं कुर्वाणम् । स चादृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं शिक्षा प्रत्याख्याता न भवति ।

कथं शिक्षाप्रत्याख्यानकथा न विप्रकृता भवति । यथापि तत्संबहुला भिक्षवः संनिषण्णा भवन्ति संनिपतिताः । सा च कथा न लज्जा भवति न तन्मया न विप्रकृता भवति । ते च भिक्षवः उत्थायासनेभ्यो नाना विप्रक्रामन्ति । स चादृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं शिक्षाप्रत्याख्यानकथा न विप्रकृता भवति ।

कथं संघो न प्रत्याख्यातो भवति । यैराकारैर्यैर्लिङ्गैर्यैर्निमित्तैः संघः प्रत्याख्यायते तं च भिक्षुः पश्यति न तैराकारैर्न तैर्लिङ्गैर्न तैर्निमित्तैः संघप्रत्याख्यानं कुर्वन्तम् । स चादृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं संघो न प्रत्याख्यातो न भवति ।

कथं संघप्रत्याख्यानकथा न विप्रकृता भवति । यथापि तत्संबहुला भिक्षवः संनिषण्णा भवन्ति संनिपतिताः । सा च कथा न लज्जा भवति न तन्मया न विप्रकृता भवति । ते च भिक्षवः उत्थायासनेभ्यो नाना विप्रक्रामन्ति । स चादृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं संघप्रत्याख्यानकथा न विप्रकृता भवति ।

कथं न शीलविपन्नो भवति । चतुर्णां पाराजिकानामन्यतमान्यतमामापत्तिमापन्नो भवति । तस्य च भिक्षुरदृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं न शीलविपन्नो भवति ।

कथं न दृष्टिविपन्नो भवति । द्वाषष्टेर्दृष्टिगतानामन्यतरान्यतरां दृष्टिमनभिनिविष्टो भवति । तस्य च भिक्षुरदृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं न दृष्टिविपन्नो भवति ।

कथं नाचारविपन्नो भवति । आनुलोमिकैः शिक्षानुकूलैर्वचनपथैरुच्यमानः सम्यक्प्रतिपद्यते । तस्य च भिक्षुरदृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं नाचारविपन्नो भवति ।

कथं नाजीवविपन्नो भवति । आजीवोऽस्य परिशुद्धो भवति । तस्य च भिक्षुरदृष्ट्वा अश्रुत्वा अपरिशंक्य पोषधं स्थापयति । अधार्मिकं पोषधस्थापनम् । एवं नाजीवविपन्नो भवति ।

शुक्लपक्षे पाराजिको भवति । पाराजिककथा विप्रकृता भवति । शिक्षा प्रत्याख्याता भवति । शिक्षाप्रत्याख्यानकथा विप्रकृता भवति । संघः प्रत्याख्यातो भवति । संघप्रत्याख्यानकथा विप्रकृता भवति । शीलविपन्नो भवति दृष्टिविपन्न आचारविपन्न आजीवविपन्नश्च।

कथं पाराजिको भवति । यैराकारैर्यैर्लिङ्गैर्यैर्निमित्तैः पाराजिकामापत्तिमापद्यते । तं च भिक्षुः पश्यति न तैराकारैस्तैर्लिङ्गैस्तैर्निमित्तैः पाराजिकामापत्तिमापद्यमानम् । स दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं पाराजिको न भवति ।

कथं पाराजिककथा विप्रकृता भवति । यथापि तत्संबहुला भिक्षवः संनिषण्णा भवन्ति संनिपतिताः । सा च कथा लज्जा भवति तन्मया विप्रकृता । ते च भिक्षवस्तथा संनिषण्णा एव । स च दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं पाराजिककथा विप्रकृता भवति ।

कथं शिक्षा प्रत्याख्याता भवति । यैराकारैर्यैर्लिङ्गैर्यैर्निमित्तैः शिक्षाप्रत्याख्यानं क्रियते तं च भिक्षुः पश्यति तैराकारैस्तैर्लिङ्गैस्तैर्निमित्तैः शिक्षाप्रत्याख्यानं कुर्वाणम् । स च दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं शिक्षा प्रत्याख्याता भवति ।

कथं शिक्षाप्रत्याख्यानकथा विप्रकृता भवति । यथापि तत्संबहुला भिक्षवः संनिषण्णा भवन्ति संनिपतिताः । सा च कथा लज्जा भवति तन्मया विप्रकृता भवति । ते च भिक्षवस्तथा संनिषण्णा एव । स च दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं शिक्षाप्रत्याख्यानकथा विप्रकृता भवति ।

कथं संघो प्रत्याख्यातो भवति । यैराकारैर्यैर्लिङ्गैर्यैर्निमित्तैः संघः प्रत्याख्यायते तं च भिक्षुः पश्यति तैराकारैस्तैर्लिङ्गैस्तैर्निमित्तैः संघप्रत्याख्यानं कुर्वाणम् । स च दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं संघः प्रत्याख्यातो भवति ।

कथं संघप्रत्याख्यानकथा विप्रकृता भवति । यथापि तत्संबहुला भिक्षवः संनिषण्णा भवन्ति संनिपतिताः । सा च कथा लज्जा भवति तन्मया विप्रकृता भवति । ते च भिक्षवस्तथा संनिषण्णा एव । स च दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं संघप्रत्याख्यानकथा विप्रकृता भवति ।

कथं शीलविपन्नो भवति । चतुर्णां पाराजिकानाम् अन्यतमान्यतमामापत्तिम् आपन्नो भवति । तस्य च भिक्षुर्दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं शीलविपन्नो भवति ।

कथं दृष्टिविपन्नो भवति । द्वाषष्टेर्दृष्टिगतानाम् अन्यतरान्यतरां दृष्टिमभिनिविष्टो भवति । तस्य च भिक्षुर्दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवं दृष्टिविपन्नो भवति ।

कथमाचारविपन्नो भवति । आनुलोमिकैः शिक्षानुकूलैर्वचनपथैरुच्यमानो न सम्यक्प्रतिपद्यते । तस्य च भिक्षुर्दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवमाचारविपन्नो भवति ।

कथमाजीवविपन्नो भवति । आजीवोऽस्यापरिशुद्धो भवति । तस्य च भिक्षुर्दृष्ट्वा श्रुत्वा परिशंक्य पोषधं स्थापयति । धार्मिकं पोषधस्थापनम् । एवमाजीवविपन्नो भवति ।

इमानि दशाधार्मिकाणि दश धार्मिकाणि पोषधस्थापनानि । यथा पोषधस्थापनमेवं प्रवारणास्थापनम् ।

पंचेमे भिक्षवः संघाः । कतमे पंच । अलज्जिसंघः एडमूकसंघः गणसंघः संवृतिसंघः परमार्थसंघश्च ।

अलज्जिसंघः कतमः । यत्र सर्वे भिक्षवो दुःशीलाः पापधर्माणः । एडमूकसंघः कतमः । यत्र न सूत्रधरो न विनयधरो न मातृकाधरः । गणसंघः कतमः । यत्र गणसंबन्धेन कर्माणि क्रियन्ते । संवृतिसंघः कतमः । सर्वे पृथग्जनकल्याणकाः । परमार्थसंघः कतमः । शैक्षाशैक्षा अष्टौ महापुरुषपुद्गलाः । तत्र ये पूर्वकास्त्रयः संघाः अलज्जिनः संघः एडमूकसंघः गणसंघश्च लभ्यमेभिरधर्मेण कर्मणा कर्तुम् । योऽयं संवृतिसंघो लभ्यमनेन धर्मसंज्ञिना अधर्मेण कर्मणा कर्तुम् । यस्त्वयं परमार्थसंघो न लभ्यमनेनाधर्मेण कर्मणा कर्तुम् ।

 

पोषधस्थापनवस्तु समाप्तम् ॥

 

 


༄། །གསོ་སྦྱོང་གཞག་པའི་གཞི་འཆད་པ།

 

གསོ་སྦྱོང་གཞག་པའི་གཞིའི་སྡོམ་ནི།

མ་དག་གསོ་སྦྱོང་དགེ་སློང་དང་། །མཽད་གལ་གྱིས་ནི་ཉམས་པ་དང་། །

དེ་ནས་སྟོན་པས་སྨད་པ་དང་། །དགེ་འདུན་གྱིས་བོར་གསོ་སྦྱོང་ངོ་།༡།

འདི་ནི་སྡོམ་གྱི་ཚིགས་བཅད་ཡིན། །ཙམ་པའི་ཡུལ་དུ་རྒྱས་པར་གསུངས། །

གསོ་སྦྱོང་མདོ་དེའང་ལུང་བར་མའི། །བསྡུ་བའི་ལེ་འུ་ལས་འབྱུང་བའོ།༢།

སྡོམ་ནི།

གླེང་དང་དྲན་པ་ཉིད་དང་ནི། །སྐབས་དང་སྨྲར་ནི་མི་གཞུག་དང་། །

གདམས་པ་རབ་ཏུ་གཞག་པ་དང་། །གསོ་སྦྱོང་དང་ནི་དགག་དབྱེའོ།༣།

བཅོམ་ལྡན་འདས་ཀྱིས་དགེ་འདུན་གྱི་གནས་བརྟན་གྱིས་ཟླ་བ་ཕྱེད་ཀྱི་སོ་སོར་ཐར་བའི་མདོ་གདོན་པ་གདོན་པར་བྱའོ་ཞེས་གསུངས་པས་དགེ་བསྐོས་ཀྱིས་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ་སྨྲས་པ། གནས་བརྟན་སོ་སོར་ཐར་པའི་མདོ་གདོན་པ་ཐོན་ཅིག །དེས་སྨྲས་པ། ཚེ་དང་ལྡན་པ་རེ་ཤིག་དགེ་སློང་གི་འཁོར་མ་དག་གོ། །འདི་ན་གནས་བརྟན་གྱིས་སུ་ཞིག་མ་དག་པར་གཟིགས། རེ་ཤིག་ཁྱོད་ཉིད་ཡིན་ནོ། །གནས་བརྟན་གྱིས་བདག་ལ་ཇི་ལྟར་གཟིགས། ལྷའི་མིག་གིས་སོ། །ད་འདིར་དགེ་སློང་རྣམས་ཀྱིས་ལྷའི་མིག་གིས་མཐོང་ནས་གླེང་བར་བྱེད། དྲན་པར་བྱེད་པ་ནི་ཀྱི་ཧུད་བདག་མ་རུང་ངོ་སྙམ་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་བསྩལ་བ། དགེ་སློང་དག་ལྷའི་མིག་ནི་ཐ་སྙད་དུ་བྱ་བ་མ་ཡིན་ཏེ། དེ་ལྟ་བས་ན་དགེ་སློང་གིས་ལྷའི་མིག་གིས་བལྟས་ཏེ་དགེ་སློང་ལ་གླེང་བ་དང་དྲན་པར་མི་བྱའོ། །དགེ་སློང་གིས་ལྷའི་མིག་གིས་བལྟས་ཏེ་(༢༠༡ན)དགེ་སློང་ལ་གླེང་བ་དང་དྲན་པར་བྱེད་ན་འགལ་ཚབས་ཅན་དུ་འགྱུར་རོ། །

ལྷའི་མིག་གིས་ཇི་ལྟ་བར་ལྷའི་རྣ་བས་ཀྱང་དེ་བཞིན་ནོ། །

ཡང་དགེ་སློང་དེས་དགེ་འདུན་གྱི་གནས་བརྟན་གྱི་མདུན་དུ་འདུག་ནས་སྨྲས་པ། གནས་བརྟན་སོ་སོར་ཐར་བའི་མདོ་གདོན་པ་ཐོན་ཅིག །དེས་སྨྲས་པ། ཚེ་དང་ལྡན་པ་རེ་ཤིག་དགེ་སློང་གི་འཁོར་མ་དག་གོ །གནས་བརྟན་འདི་ན་མ་དག་པ་སུ་ཞིག་ལགས། རེ་ཤིག་ཁྱོད་ཉིད་ཡིན་ནོ། །གནས་བརྟན་ཁྱོད་ཀྱིས་དགེ་འདུན་གྱི་དབུས་སུ་བདག་གི་མགོར་གཏུན་ཤིང་གིས་བརྡེག་པ་ཇི་ག་སྲིད་ལགས་སམ། ཨེ་མའོ་ཀྱི་ཧུད་ཁྱོད་ཀྱིས་བདག་ལ་ལྐོག་ཏུ་གླེངས་སོ་ཆོག །དེ་ཅང་མི་སྨྲ་བར་འདུག་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་བསྩལ་བ། ལྐོག་ཏུ་གླེང་བར་བྱ་སྟེ་དགེ་འདུན་གྱི་དབུས་སུ་ནི་མ་ཡིན་ནོ། །གལ་ཏེ་ལྐོག་ཏུ་གླེངས་པ་ན་མི་དྲན་ན་དྲན་པར་བྱའོ། །དྲན་པར་བྱས་པ་ལས་གལ་ཏེ་ཁྲོ་བར་བྱེད་ན་སྐབས་འབྱེད་དུ་གཞུག་གོ །སྐབས་འབྱེད་དུ་བཅུག་པ་ལས་གཞན་ནས་གཞན་དུ་སྒྱུར་བར་བྱེད་ནས་བཅོམ་ལྡན་འདས་ཀྱིས་བཀའ་བསྩལ་བ། སྨྲར་མི་གཞུག་གོ །སྨྲར་མ་བཅུག་ཀྱང་དེ་བཞིན་དུ་གཞན་ནས་གཞན་དུ་བསྒྱུར་ནས་བཅོམ་ལྡན་འདས་ཀྱིས་བཀའ་བསྩལ་བ། འདི་གདམས་ངག་དང་། གསོ་སྦྱོང་དང་། དགག་དབྱེ་གཞག་པར་བྱའོ། །

ཆོས་མ་ཡིན་པ་གཅིག་དང་ཆོས་ཀྱི་གཅིག་གི་གསོ་སྦྱོང་གཞག་པ་དང་། ཆོས་མ་ཡིན་པའི་གཉིས་དང་ཆོས་ཀྱི་གཉིས་དང་ཆོས་མ་ཡིན་པའི་གསུམ་དང་ཆོས་ཀྱི་གསུམ་དང་། ཆོས་མ་ཡིན་པའི་བཞི་དང་ཆོས་ཀྱི་བཞི་དང་། ཆོས་མ་ཡིན་པའི་ལྔ་དང་ཆོས་ཀྱི་ལྔ་དང་། ཆོས་མ་ཡིན་པའི་དྲུག་དང་ཆོས་ཀྱི་དྲུག་དང་། ཆོས་མ་ཡིན་པའི་བདུན་དང་ཆོས་ཀྱི་བདུན་དང་། ཆོས་མ་ཡིན་པའི་བརྒྱད་དང་ཆོས་ཀྱི་བརྒྱད་དང་། ཆོས་མ་ཡིན་པའི་དགུ་དང་ཆོས་ཀྱི་དགུ་དང་། ཆོས་མ་ཡིན་པའི་བཅུ་དང་ཆོས་ཀྱི་བཅུའི་གསོ་སྦྱོང་གཞག་པའོ། །

ཆོས་མ་ཡིན་པའི་གཅིག་དང་ཆོས་ཀྱི་གཅིག་གི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་(༢༠༡བ)པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པའི་གསོ་སྦྱོང་གཅིག་དང་ཆོས་ཀྱི་གསོ་སྦྱོང་གཞག་པ་གཅིག་ཡིན་ནོ། །

ཆོས་མ་ཡིན་པའི་གཉིས་དང་ཆོས་ཀྱི་གཉིས་ཀྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང་གཞི་མེད་པའི་མ་བྱས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང་གཞི་དང་བཅས་པའི་མ་བྱས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པའི་གཉིས་དང་ཆོས་ཀྱི་གཉིས་ཀྱི་གསོ་སྦྱོང་གཞག་པ་ཡིན་ནོ། །

ཆོས་མ་ཡིན་པའི་གསུམ་དང་ཆོས་ཀྱི་གསུམ་གྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང་། གཞི་མེད་པའི་མ་བྱས་པ་དང་། གཞི་མེད་པའི་བྱས་པ་དང་། མ་བྱས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང་། གཞི་དང་བཅས་པའི་མ་བྱས་པ་དང་། གཞི་དང་བཅས་པའི་བྱས་པ་དང་མ་བྱས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པ་གསུམ་དང་ཆོས་ཀྱི་གསུམ་གྱི་གསོ་སྦྱོང་གཞག་པ་ཡིན་ནོ། །

ཆོས་མ་ཡིན་པའི་བཞི་དང་ཆོས་ཀྱི་བཞིའི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པ་བཞི་དང་། ཆོས་ཀྱི་བཞིའི་གསོ་སྦྱོང་གཞག་པ་ཡིན་ནོ། །

ཆོས་མ་ཡིན་པ་ལྔ་དང་ཆོས་ཀྱི་ལྔའི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཕས་ཕམ་པ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པ་དང་། ཉེས་བྱས་(༢༠༢ན)ཀྱིས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཕས་ཕམ་པ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པ་དང་། ཉེས་བྱས་ཀྱིས་གསོ་སྦྱོང་གཞག་པ་ནི་ཆོས་ཀྱིས་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པའི་ལྔ་དང་ཆོས་ཀྱི་ལྔའི་གསོ་སྦྱོང་གཞག་པ་ཡིན་ནོ། །

ཆོས་མ་ཡིན་པའི་དྲུག་དང་ཆོས་ཀྱི་དྲུག་གི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང་། གཞི་མེད་པའི་མ་བྱས་པ་དང་། གཞི་མེད་པའི་བྱས་པ་དང་། མ་བྱས་པ་དང་། གཞི་མེད་པའི་ལྷག་མ་དང་བཅས་པ་བྱས་པ་དང་། གཞི་མེད་པའི་ལྷག་མ་དང་བཅས་པ་མ་བྱས་པ་དང་། གཞི་མེད་པའི་ལྷག་མ་དང་བཅས་པ་བྱས་པ་དང་མ་བྱས་པའི་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང་། གཞི་དང་བཅས་པའི་མ་བྱས་པ་དང་། གཞི་དང་བཅས་པའི་བྱས་པ་དང་། མ་བྱས་པ་དང་། གཞི་དང་བཅས་པའི་ལྷག་མ་དང་བཅས་པ་བྱས་པ་དང་། གཞི་དང་བཅས་པའི་ལྷག་མ་དང་བཅས་པ་མ་བྱས་པ་དང་། གཞི་དང་བཅས་པའི་ལྷག་མ་དང་བཅས་པ་བྱས་པ་དང་། མ་བྱས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་སྟེ། འདི་དག་ནི་ཆོས་མ་ཡིན་པའི་དྲུག་དང་ཆོས་ཀྱི་དྲུག་གི་གསོ་སྦྱོང་གཞག་པ་ཡིན་ནོ། །

ཆོས་མ་ཡིན་པའི་བདུན་དང་ཆོས་ཀྱི་བདུན་གྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པ་དང་། གཞི་མེད་པའི་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་བའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པ་དང་། གཞི་དང་བཅས་པའི་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་དག་ནི་ཆོས་མ་ཡིན་པའི་བདུན་དང་ཆོས་ཀྱི་བདུན་གྱི་གསོ་སྦྱོང་གཞག་པ་ཡིན་ནོ། །(༢༠༢བ)

ཆོས་མ་ཡིན་པའི་བརྒྱད་དང་། ཆོས་ཀྱི་བརྒྱད་ཀྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཕས་ཕམ་པ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པ་དང་། ཉེས་བྱས་དང་། གཞི་མེད་པའི་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཕས་ཕམ་པ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པ་དང་། ཉེས་བྱས་དང་། གཞི་དང་བཅས་པའི་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ཡིན་ཏེ། འདི་དག་ནི་ཆོས་མ་ཡིན་པའི་བརྒྱད་དང་། ཆོས་ཀྱི་བརྒྱད་ཀྱི་གསོ་སྦྱོང་གཞག་པ་ཡིན་ནོ། །

ཆོས་མ་ཡིན་པའི་དགུ་དང་ཆོས་ཀྱི་དགུའི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང་། གཞི་མེད་པའི་མ་བྱས་པ་དང་། གཞི་མེད་པའི་བྱས་པ་དང་མ་བྱས་པ་དང་། གཞི་མེད་པའི་ལྷག་མ་དང་བཅས་པ་བྱས་པ་དང་། གཞི་མེད་པའི་ལྷག་མ་དང་བཅས་པ་མ་བྱས་པ་དང་གཞི་མེད་པའི་ལྷག་མ་དང་བཅས་པ་བྱས་པ་དང་མ་བྱས་པ་དང་། གཞི་མེད་པའི་ལྷག་མ་མེད་པ་བྱས་པ་དང་། གཞི་མེད་པའི་ལྷག་མ་མེད་པ་མ་བྱས་པ་དང་། གཞི་མེད་པའི་ལྷག་མ་མེད་པ་བྱས་པ་དང་མ་བྱས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང་། གཞི་དང་བཅས་པའི་མ་བྱས་པ་དང་། གཞི་དང་བཅས་པའི་བྱས་པ་དང་མ་བྱས་པ་དང་། གཞི་དང་བཅས་པའི་ལྷག་མ་དང་བཅས་པ་བྱས་པ་དང་། གཞི་དང་བཅས་པའི་ལྷག་མ་དང་བཅས་པ་མ་བྱས་པ་དང་། གཞི་དང་བཅས་པའི་ལྷག་མ་དང་བཅས་པ་བྱས་པ་དང་མ་བྱས་པ་དང་། གཞི་དང་བཅས་པའི་ལྷག་མ་མེད་པ་བྱས་པ་དང་། གཞི་དང་བཅས་པའི་ལྷག་མ་མེད་པ་མ་བྱས་པ་དང་། གཞི་དང་བཅས་པའི་ལྷག་མ་མེད་པ་བྱས་པ་དང་མ་བྱས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་དག་ནི་ཆོས་མ་ཡིན་པའི་དགུ་དང་ཆོས་ཀྱི་དགུའི་གསོ་སྦྱོང་གཞག་པ་ཡིན་ནོ། །

ཆོས་མ་ཡིན་པའི་བཅུ་དང་ཆོས་ཀྱི་བཅུའི་གསོ་སྦྱོང་གཞག་པ་གང་ཞེ་ན། ཕས་ཕམ་པ་མ་ཡིན། ཕས་ཕམ་པའི་གཏམ་གྱི་གླེང་གཞི་མ་ཡིན། བསླབ་པ་སྤོང་བ་མ་ཡིན། བསླབ་པ་སྤོང་བའི་གཏམ་གྱི་གླེང་གཞི་མ་ཡིན། (༢༠༣ན)དགེ་འདུན་སྤོང་པ་མ་ཡིན། དགེ་འདུན་སྤོང་བའི་གཏམ་གྱི་གླེང་གཞི་མ་ཡིན། ཚུལ་ཁྲིམས་ཉམས་པ་མ་ཡིན། ལྟ་བ་ཉམས་པ་མ་ཡིན། སྤྱོད་པ་ཉམས་པ་མ་ཡིན། འཚོ་བ་ཉམས་པ་མ་ཡིན་ནོ། །

ཕས་ཕམ་པ་མ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གིས་ཕས་ཕམ་པའི་ལྟུང་བ་འབྱུང་བར་འགྱུར་བའི་རྣམ་པ་དེ་དག་གིས་དེ་ལ་ཕས་ཕམ་པའི་ལྟུང་བ་བྱུང་བར་མ་མཐོང་ཞིང་། རྟགས་དེ་དག་གིས་མ་ཡིན། མཚན་མ་དེ་དག་གིས་མ་ཡིན་ལ། དེས་མ་མཐོང་བ་དང་། མ་ཐོས་པ་དང་། མི་དོགས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ཕས་ཕམ་པ་མ་ཡིན་པའོ། །

ཕས་ཕམ་པའི་གཏམ་གྱི་གླེང་གཞི་མ་ཡིན་པ་ཇི་ལྟ་བུ་ཞེ་ན། འདི་ལྟ་སྟེ་དགེ་སློང་རབ་ཏུ་མང་བོ་ཚོགས་ཤིང་འདུས་ལ་གཏམ་སྨྲ་བ་དེ་ཡང་དེ་ལས་བྱུང་བ་མ་ཡིན། དེ་གླེང་བའི་སྐབས་ལ་བབ་པ་མ་ཡིན་ཞིང་དགེ་སློང་དེ་རྣམས་ཀྱང་སྟན་ལས་ལངས་ནས་སོ་སོར་དོང་བ་དང་། དེས་མ་མཐོང་བ་དང་། མ་ཐོས་པ་དང་། མི་དོགས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ཕས་ཕམ་པའི་གཏམ་གྱི་གླེང་གཞི་མ་ཡིན་པའོ། །

བསླབ་པ་སྤོང་བ་མ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གིས་བསླབ་པ་སྤོང་བར་བྱེད་པའི་རྣམ་པ་དེ་དག་གིས་དེ་བསླབ་པ་སྤོང་བར་མ་མཐོང་ཞིང་རྟགས་དེ་དག་གིས་མ་ཡིན། མཚན་མ་དེ་དག་གིས་མ་ཡིན་ལ། དེས་མ་མཐོང་བ་དང་། མ་ཐོས་པ་དང་། མི་དོགས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་བསླབ་པ་སྤོང་བ་མ་ཡིན་པའོ། །

བསླབ་པ་སྤོང་བའི་གཏམ་གྱི་གླེང་གཞི་མ་ཡིན་པ་ཇི་ལྟ་བུ་ཞེ་ན། འདི་ལྟ་སྟེ་དགེ་སློང་རབ་ཏུ་མང་པོ་ཚོགས་ཤིང་འདུས་ལ་གཏམ་སྨྲ་བ་དེ་ཡང་དེ་ལས་བྱུང་བ་མ་ཡིན། དེ་གླེང་བའི་སྐབས་ལ་(༢༠༤བ)བབ་པ་མ་ཡིན་ཞིང་དགེ་སློང་དེ་རྣམས་ཀྱང་སྟན་ལས་ལངས་ནས་སོ་སོར་དོང་བ་དང་། དེས་མ་མཐོང་བ་དང་། མ་ཐོས་པ་དང་། མི་དོགས་པར་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་བསླབ་པ་སྤོང་བའི་གཏམ་གྱི་གླེང་གཞི་མ་ཡིན་པའོ། །

དགེ་འདུན་སྤོང་བ་མ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གིས་དགེ་འདུན་སྤོང་བར་བྱེད་པའི་རྣམ་པ་དེ་དག་གིས་དགེ་འདུན་སྤོང་བར་བྱེད་པར་མ་མཐོང་ཞིང་རྟགས་དེ་དག་གིས་མ་ཡིན། མཚན་མ་དེ་དག་གིས་མ་ཡིན་ལ། དེས་མ་མཐོང་བ་དང་། མ་ཐོས་པ་དང་། མི་དོགས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་དགེ་འདུན་སྤོང་བ་མ་ཡིན་པའོ། །

དགེ་འདུན་སྤོང་བའི་གཏམ་གྱི་གླེང་གཞི་མ་ཡིན་པ་ཇི་ལྟ་བུ་ཞེ་ན། འདི་ལྟ་སྟེ་དགེ་སློང་རབ་ཏུ་མང་བོ་ཚོགས་ཤིང་འདུས་ལ་གཏམ་སྨྲ་བ་དེ་ཡང་དེ་ལས་བྱུང་བ་མ་ཡིན་ཏེ། དེ་གླེང་བའི་སྐབས་ལ་བབ་པ་མ་ཡིན་ཞིང་དགེ་སློང་དེ་རྣམས་ཀྱང་སྟན་ལས་ལངས་ནས་སོ་སོར་དོང་བ་དང་། དེས་མ་མཐོང་བ་དང་། མ་ཐོས་པ་དང་། མི་དོགས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་དགེ་འདུན་སྤོང་བའི་གཏམ་གྱི་གླེང་གཞི་མ་ཡིན་པའོ། །

ཚུལ་ཁྲིམས་ཉམས་པ་མ་ཡིན་པ་ཇི་ལྟ་བུ་ཞེ་ན། ཕས་ཕམ་པ་བཞི་རྣམས་ལས་གང་ཡང་རུང་བའི་ལྟུང་བ་མ་བྱུང་བར་དགེ་སློང་དེ་ལ་མ་མཐོང་བ་དང་། མ་ཐོས་པ་དང་། མི་དོགས་པར་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ཚུལ་ཁྲིམས་ཉམས་པ་མ་ཡིན་པའོ། །

ལྟ་བ་ཉམས་པ་མ་ཡིན་པ་ཇི་ལྟ་བུ་ཞེ་ན། ལྟ་བའི་རྣམ་པ་དྲུག་བཅུ་རྩ་གཉིས་ལས་གང་ཡང་རུང་བའི་ལྟ་བས་མངོན་པར་མ་ཞེན་པར་དགེ་སློང་དེ་ལ་མ་མཐོང་བ་དང་། མ་ཐོས་པ་དང་། མི་དོགས་པར་གསོ་སྦྱོང་གཞག་པ་ནི་ཆོས་མ་ཡིན་(༢༠༤ན)པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ལྟ་བ་ཉམས་པ་མ་ཡིན་པའོ། །

སྤྱོད་པ་ཉམས་པ་མ་ཡིན་པ་ཇི་ལྟ་བུ་ཞེ་ན། བསླབ་པའི་གཞི་རྗེས་སུ་མཐུན་ཞིང་འཚམ་པའི་ཚིག་གི་ལམ་དག་གིས་སྨྲས་ན་ཡང་དག་པར་སྒྲུབ་པ་དེ་ལ་དགེ་སློང་གིས་མ་མཐོང་བ་དང་། མ་ཐོས་པ་དང་། མི་དོགས་པར་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་སྤྱོད་པ་ཉམས་པ་མ་ཡིན་པའོ། །

འཚོ་བ་ཉམས་པ་མ་ཡིན་པ་ཇི་ལྟ་བུ་ཞེ་ན། དེའི་འཚོ་བ་ཡོངས་སུ་དག་པ་ཡིན་ན། དེ་ལ་དགེ་སློང་གིས་མ་མཐོང་བ་དང་། མ་ཐོས་པ་དང་། མི་དོགས་པར་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་འཚོ་བ་ཉམས་པ་མ་ཡིན་པའོ། །

དཀར་པོའི་ཕྱོགས་ལ་ཕས་ཕམ་པ་ཡིན་པ་དང་། ཕས་ཕམ་པའི་གཏམ་གྱི་གླེང་གཞི་ཡིན་པ་དང་། བསླབ་པ་སྤོང་བ་ཡིན་པ་དང་། བསླབ་པ་སྤོང་བའི་གཏམ་གྱི་གླེང་གཞི་ཡིན་པ་དང་། དགེ་འདུན་སྤོང་བ་ཡིན་པ་དང་། དགེ་འདུན་སྤོང་བའི་གཏམ་གྱི་གླེང་གཞི་ཡིན་པ་དང་། ཚུལ་ཁྲིམས་ཉམས་པ་ཡིན་པ་དང་། ལྟ་བ་ཉམས་པ་ཡིན་པ་དང་། སྤྱོད་པ་ཉམས་པ་ཡིན་པ་དང་། འཚོ་བ་ཉམས་པ་ཡིན་ནོ། །

ཕས་ཕམ་པ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གིས་ཕས་ཕམ་པའི་ལྟུང་བ་བྱུང་བའི་རྣམ་པ་དེ་དག་དང་། རྟགས་དེ་དག་དང་། མཚན་མ་དེ་དག་གིས་དེ་ཕས་ཕམ་པའི་ལྟུང་བ་བྱུང་བར་མཐོང་ལ། དེས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ཕས་ཕམ་པ་ཡིན་ནོ།

ཕས་ཕམ་པའི་གཏམ་གྱི་གླེང་གཞི་ཡིན་པ་ཇི་ལྟ་བུ་ཞེ་ན། འདི་ལྟ་སྟེ་དགེ་སློང་རབ་ཏུ་མང་པོ་ཚོགས་ཤིང་འདུས་ལ་གཏམ་སྨྲ་བ་དེ་ཡང་དེ་ལས་བྱུང་བ་ཡིན། དེ་གླེང་བའི་སྐབས་ལ་བབ་པ་ཡིན་ཞིང་དགེ་སློང་དེ་རྣམས་ཀྱང་དེ་བཞིན་དུ་འདུག་བཞིན་ལ། དེས་མཐོང་བ་དང་།(༢༠༤བ) ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ཕས་ཕམ་པའི་གཏམ་གྱི་གླེང་གཞི་ཡིན་ནོ། །

བསླབ་པ་སྤོང་བ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གིས་བསླབ་པ་སྤོང་བར་བྱེད་པའི་རྣམ་པ་དེ་དག་དང་། རྟགས་དེ་དག་དང་། མཚན་མ་དེ་དག་གིས་དེ་བསླབ་པ་སྤོང་བར་བྱེད་པར་མཐོང་ལ། དེས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་བསླབ་པ་སྤོང་བ་ཡིན་ནོ། །

བསླབ་པ་སྤོང་བའི་གཏམ་གྱི་གླེང་གཞི་ཡིན་པ་ཇི་ལྟ་བུ་ཞེ་ན། འདི་ལྟ་སྟེ་དགེ་སློང་རབ་ཏུ་མང་བོ་ཚོགས་ཤིང་འདུས་ལ་གཏམ་སྨྲ་བ་དེ་ཡང་དེ་ལས་བྱུང་བ་ཡིན་ཏེ། དེ་གླེང་བའི་སྐབས་ཡིན་ཞིང་། དགེ་སློང་དེ་རྣམས་ཀྱང་དེ་བཞིན་དུ་འདུག་བཞིན་ལ། དེས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་བསླབ་པ་སྤོང་བའི་གཏམ་གྱི་གླེང་གཞི་ཡིན་ནོ། །

དགེ་འདུན་སྤོང་བ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གི་དགེ་འདུན་སྤོང་བར་བྱེད་པའི་རྣམ་པ་དེ་དག་དང་། རྟགས་དེ་དག་དང་། མཚན་མ་དེ་དག་གིས་དགེ་འདུན་སྤོང་བར་བྱེད་པར་མཐོང་ལ། དེས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་དགེ་འདུན་སྤོང་བ་ཡིན་ནོ། །

དགེ་འདུན་སྤོང་བའི་གཏམ་གྱི་གླེང་གཞི་ཡིན་པ་ཇི་ལྟ་བུ་ཞེ་ན། འདི་ལྟ་སྟེ་དགེ་སློང་རབ་ཏུ་མང་པོ་ཚོགས་ཤིང་འདུས་ལ་གཏམ་སྨྲ་བ་དེ་ཡང་དེ་ལས་བྱུང་བ་ཡིན། དེ་གླེང་བའི་སྐབས་ལ་བབ་པ་ཡིན་ཞིང་། དགེ་སློང་དེ་རྣམས་ཀྱང་དེ་བཞིན་དུ་འདུག་བཞིན་ལ། དེས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་དགེ་འདུན་སྤོང་བའི་གཏམ་གྱི་གླེང་གཞི་ཡིན་ནོ། །

ཚུལ་ཁྲིམས་ཉམས་པ་ཡིན་པ་ཇི་ལྟ་བུ་ཞེ་ན། ཕས་ཕམ་པ་བཞི་ལས་གང་ཡང་རུང་(༢༠༥ན)བའི་ལྟུང་བ་བྱུང་བར་གྱུར་ལ། དེ་ལ་དགེ་སློང་གིས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ཚུལ་ཁྲིམས་ཉམས་པ་ཡིན་ནོ། །

ལྟ་བ་ཉམས་པ་ཡིན་པ་ཇི་ལྟ་བུ་ཞེ་ན། ལྟ་བའི་རྣམ་པ་དྲུག་བཅུ་རྩ་གཉིས་ལས་གང་ཡང་རུང་བའི་ལྟ་བར་མངོན་པར་ཞེན་པར་གྱུར་ལ། དེ་ལ་དགེ་སློང་གིས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་ལྟ་བ་ཉམས་པ་ཡིན་ནོ། །

སྤྱོད་པ་ཉམས་པ་ཡིན་པ་ཇི་ལྟ་བུ་ཡིན་ཞེ་ན། བསླབ་པའི་རྗེས་སུ་མཐུན་ཞིང་འཚམ་པའི་ཚིག་གི་ལམ་དག་གིས་སྨྲས་ན་ཡང་དག་པ་མི་སྒྲུབ་པ་དེ་ལ་དགེ་སློང་གིས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་སྤྱོད་པ་ཉམས་པ་ཡིན་ནོ། །

འཚོ་བ་ཉམས་པ་ཡིན་པ་ཇི་ལྟ་བུ་ཞེ་ན། དེའི་འཚོ་བ་མ་དག་པར་གྱུར་ལ། དེ་ལ་དགེ་སློང་གིས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་འཚོ་བ་ཉམས་པ་ཡིན་ནོ། །

འདི་དག་ནི་ཆོས་མ་ཡིན་པའི་བཅུ་དང་ཆོས་ཀྱི་བཅུའི་གསོ་སྦྱོང་གཞག་པ་ཡིན་ནོ། །གསོ་སྦྱོང་གཞག་པ་ཇི་ལྟ་བ་བཞིན་དུ་དགག་དབྱེ་གཞག་པ་ཡང་དེ་བཞིན་ནོ། །

དགེ་སློང་དག་དགེ་འདུན་ནི་ལྔ་བོ་འདི་དག་ཡིན་ཏེ། ལྔ་གང་ཞེ་ན། ངོ་ཚ་མེད་པའི་དགེ་འདུན་དང་། ལུག་ལྟར་ལྐུགས་པའི་དགེ་འདུན་དང་། ཚོགས་ཀྱི་དགེ་འདུན་དང་། ཀུན་རྫོབ་ཀྱི་དགེ་འདུན་དང་། དོན་དམ་པའི་དགེ་འདུན་ནོ། །

ངོ་ཚ་མེད་པའི་དགེ་འདུན་གང་ཞེ་ན། གང་ན་དགེ་སློང་ཐམས་ཅད་ཚུལ་ཁྲིམས་འཆལ་ཞིང་སྡིག་པའི་ཆོས་དང་ལྡན་པའོ། །ལུག་ལྟར་ལྐུགས་པའི་དགེ་འདུན་གང་ཞེ་ན། གང་ན་མདོ་སྡེ་འཛིན་པ་མ་ཡིན། འདུལ་བ་འཛིན་པ་མ་ཡིན། མ་མོ་འཛིན་པ་མ་ཡིན་པའོ། །ཚོགས་ཀྱི་དགེ་འདུན་གང་ཞེ་ན། གང་ན་ཚོགས་དང་འབྲེལ་བས་ལས་རྣམས་བྱེད་པའོ། །ཀུན་རྫོབ་ཀྱི་དགེ་འདུན་གང་ཞེ་ན། (༢༠༥བ) སོ་སོའི་སྐྱེ་བོ་དགེ་བ་དང་ལྡན་པ་ཐམས་ཅད་དོ། །དོན་དམ་པའི་དགེ་འདུན་གང་ཞེ་ན། སློབ་པ་དང་མི་སློབ་པའི་སྐྱེས་བུ་གང་ཟག་བརྒྱད་དོ། །དེ་ལ་དགེ་འདུན་གོང་མ་གསུམ་པོ་ངོ་ཚ་མེད་པའི་དགེ་འདུན་དང་། ལུག་ལྟར་ལྐུགས་པའི་དགེ་འདུན་དང་། ཚོགས་ཀྱི་དགེ་འདུན་གང་དག་ཡིན་པ་འདི་དག་གིས་ནི་ཆོས་མ་ཡིན་པའི་ལས་བྱེད་པ་ཐོབ་བོ། །ཀུན་རྫོབ་ཀྱི་དགེ་འདུན་གང་ཡིན་པ་འདིས་ནི་ཆོས་ཀྱི་ལས་དང་ཆོས་མ་ཡིན་པའི་ལས་བྱེད་པ་འཐོབ་བོ། །དོན་དམ་པའི་དགེ་འདུན་གང་ཡིན་པ་འདིས་ནི་ཆོས་མ་ཡིན་པའི་ལས་བྱེད་པ་མི་འཐོབ་བོ། །

 

གསོ་སྦྱོང་གཞག་པའི་གཞི་རྫོགས་སོ།། །།

 

སློབ་དཔོན་ཟླ་བ་གཞོན་ནུས་གཅིག་ཞུས།