श्रीवैशम्पायन उवाच
श्रुत्वा धर्मानशेषेण पावनानि च सर्वशः ।
युधिष्ठिरः शान्तनवं पुनरेवाभ्यभाषत ॥
བི་ཤཾ་པ་ཡ་ནས་སྨྲས་པ།
ཆོས་རྣམས་མ་ལུས་ཐོས་ནས་ནི། །ཐམས་ཅད་དག་པའི་དབང་གིས་ན། །
སླར་ཡང་ཞི་བ་གསར་བ་བཞིན། །མངོན་པར་བཤད་དོ་གཡུལ་ངོར་བརྟན། །
युधिष्ठिर उवाच
किमेकं दैवतं लोके किं वाप्येकं परायणम् ।
स्तुवन्तः कं कमर्चन्तः प्राप्नुयुर्मानवाः शुभम् ॥
को धर्मः सर्वधर्माणां भवतः परमो मतः ।
किं जपन्मुच्यते जन्तुर्जन्मसंसारबन्धनात् ॥
གཡུལ་ངོར་བརྟན་པས་སྨྲས་པ།
འཇིག་རྟེན་དུ་ནི་ལྷ་གཅིག་པུ། །དཔུང་གཉེན་གཅིག་པུའང་སུ་ཞིག་ཡིན། །
བསྟོད་འོས་སུ་ཞིག་མཆོད་འོས་སུ། །མི་རྣམས་ཀྱིས་ཐོབ་དགེ་བའོ། །
ཁྱོད་ཀྱིས་ཆོས་རྣམས་ཐམས་ཅད་ལས། །མཆོག་ཏུ་འདོད་པའི་ཆོས་ཅི་ཞིག །
སྐྱེ་བོ་འཁོར་བར་འཁོར་བ་ཡི། །འཆིང་བ་ཅི་ཡིས་གྲོལ་བར་འགྱུར། །
भीष्म उवाच
जगत्प्रभुं देवदेवमनन्तं पुरुषोत्तमम् ।
स्तुवन नामसहस्रेण पुरुषः सततोत्थितः ॥
तमेव चार्चयन्नित्यं भक्त्या पुरुषमव्ययम् ।
ध्यायन स्तुवन नमस्यंश्च यजमानस्तमेव च ॥
འཇིགས་སྡེས་སྨྲས་པ།
འགྲོ་བའི་གཙོ་བོ་ལྷ་ཡི་ལྷ། །མཐའ་ཡས་སྐྱེས་བུ་རྣམས་ཀྱི་མཆོག །
རྟག་ཏུ་ལངས་ནས་མཚན་སྟོང་གིས། །སྐྱེས་བུ་རྣམས་ཀྱིས་བསྟོད་པ་ཅན། །
མི་ཟད་སྐྱེ་བུ་དད་པ་ཡིས། །དེ་ཉིད་རྟག་ཏུ་མཆོད་བྱ་དང་། །
བསྟོད་བྱ་ཕྱག་འཚལ་མཆོད་སྦྱིན་དང་། །བསམ་པར་བྱ་བའང་དེ་ཉིད་དོ། །
ཞེས་པ་འདི་ཡང་ཀརྨ་བསྟན་པའི་ཉིན་བྱེད་ཀྱིས། བསོད་ནམས་རྒྱལ་མཚན་གྱི་བཞེད་ངོར་ཉམས་མཚར་དུ་རིག་བྱེད་ཀྱི་གཞུང་དུམ་བུ་ལས་བསྒྱུར་བའོ། །ཛ་ག་ཏཾ། འདི་དག་ནི་ཕྱི་རོལ་བའི་ལྷ་དག་གི་གཞུང་དུ་སྣང་ངོ་། །
སི་ཏུའི་བཀའ་འབུམ་པོད་ཇ་བ་ལས་ཟླ་བ་གཞོན་ནུས་ཁོལ་དུ་ཕྱུང་ཞིང་རྒྱ་དཔེ་དང་གཏུགས་པའོ། ། (སི་འགྱུར་ཇི་བཞིན་བཀོད)
