བརྡ་རྙིང་བ།
སྒྲ་སྦྱོར་བམ་པོ་གཉིས་པ་ལག་བྲིས་མ།
བཀས་བཅད་གཉིས་པའི་སྐབས་སུ་བཅོས་པའི་བརྡ་རྙིང་།
གང་ལ་གལ་དང་། ཅི་ཕྱིར་ལ་ཇི་རོབ་དང་། ཇི་སྙམ་ལ་ཇི་ལྟར་དང་། རྩེ་མོ་ལ་སྤྱི་བོ་དང་། ཤིན་ཏུའམ་རབ་ཏུ་ལ་ཏེ་པོར་དང་། ཡང་། ཝཱ་ཌྷཾ་ཞེས་པ་བསྒྱུར་བའི་ཏེ་པོར་ནི། དམ་པ་དང་། སྲ་བ་དང་། དྲག་པ་དང་། ཚབས་ཆེ་བ་རྣམས་ལ་འཇུག་པ་དང་། རྐྱེན་སྨན་ལ་རྐྱེན་རྩི་དང་། ལྟག་པ་ལ་གླག་པ་དང་། སྤོས་དང་སྤོས་ཕོར་ལ་པོག་དང་པོག་ཕོར་དང་། བསལ་བ་ལ་བསྩལ་བ་དང་། སོགས་པ་ལ་སྩོགས་པ་དང་། བསུ་བ་ལ་བསྩུ་བ་དང་། དྲི་བསུང་ལ་དྲི་བསྩུང་དང་། བསངས་པ་ལ་བསྩངས་པ་དང་། ། རྫོཊ་སོ་ལ་རྫོགས་ཤོ། གཡོགས་པ་ལ་ཡོགས་པ་དང་། གོ་ཆ་ལ་གོ་ཅ་དང་། བྲག་ཆ་ལ་བྲག་ཅ་དང་། རིན་པོ་ཆེ་ལ་རིན་པོ་ཅེ་དང་། དཀོན་མཆོག་ལ་དཀོན་ཅོག་དང་། རིན་ཆེན་ལ་རིན་ཅེན་དང་། ཁྱིམ་ལ་སྡུམ་པ་དང་། དབུས་ལ་དབུང་དང་། འགྲོ་བ་ལ་བགོམ་པ་དང་། གྲུབ་པ་ལ་རེད་པ་དང་། འགྲེལ་བ་ལ་འགྲོལ་བར་བསྒྱུར་བ་ལ་སོགས་པ་མང་། ཡང་། དེ་དག་ཏུ་ད་དྲག་དང་། དཔྱིད་སླ་ར་བ་སོགས་དང་། དེའ་ལའ་ནིའ་ཞེས་པ་ལྟ་བུ་འ་ཡིག་གི་མཐའ་རྟེན་སྦྱར་བ་སོགས་བརྡ་སྤྲོད་པའི་དགོངས་པ་ཡིན་ཀྱང་དོན་ལ་ཐོབ་པ་གཞིར་བཅས་ནས་ཡི་གེ་ཉུང་བའི་སླད་དུ་བཞག་པ་དང་། ཡང་། མྱེད། མྱིན་སོགས་ཡ་བཏགས་པ་དང་། རལ་གྱི་སོགས་ནི་ལོ་ཙཱ་བ་ཁ་ཅིག་གིས་ཡུལ་སྐད་ཤོར་བར་གྲགས་པ་ཡིན་ནོ། །
བཀས་བཅད་གསུམ་པའི་སྐབས་སུ་བཅོས་པའི་བརྡ་རྙིང་།
གཉི་ཟླ་ལ་ཉི་ཟླ་དང་། བསྟན་བཅོས་ལ་བསྟན་ཆོས་དང་། སྟུག་པོ་ལ་འཐུག་པོ་དང་། ཉི་ཤུ་དང་སུམ་ཅུ་དང་སུམ་བརྒྱ་རྣམས་ལ། གཉིས་བཅུ་དང་གསུམ་བཅུ་དང་གསུམ་བརྒྱ་དང་། བསམ་གཏན་ལ་བསམ་བཏན་སོགས་འཆོས་པར་མཛད་ཀྱང་། བཀས་བཅད་བར་པ་བཞིན་དུ་གནས་པ་མང་ཞིང་། དེ་དག་གི་བརྡའི་ཁྱད་པར་གསུང་རབ་རྣམས་སུ་འབྱུང་བ་འདི་སྙེད་ཅིག་མཆིས་ཏེ། ཀྭ་དང་གག___ཀྱེ་དང་གང་། སྐྱོར་སྐྱོར___ཡང་ཡང་། བླ་འོག___སྟེང་འོག། བླ་སྐྱལ་བ___མི་ཟད་པ། རྩ་ལག___གཉེན། གཉའ་བོ___དཔང་པོ། རིད་པ་དང་སྦེག་པ___དངོས་ངན་པ་དང་ཤ་ཆུང་བའམ་སྐེམ་པ། གྱ་བ___ཉམས་པ། གྱག་པ___བརླག་པ། ཡེ་འབྱམ___སྟོང་ཉིད། དབལ___ཏོག་དང་རྩེ་མོ་དང་ཤ་ཉམས་དང་མེའི་དྲོད། ངོ་ག___སྣང་ངོ་། གམ་ཡོ___ཉེ་འཁོར། དམུས་བྱུང___ཚི་ཆད་དམ་ཡི་ཆད། ཐེན་ཆེར___ཅ་རེ། ག་ཞན___བཞད་གད་ཀྱི་སྒྲ། ཡ་ལད___གོ་ཆ་སྤྱི་དང་སྐབས་ཐོབ་ཀྱི་རྨོག་གི་མིང་ལ་འཇུག་པའང་ཡོད། གནའ___ཐོག་མའམ་སྔོན། ཡོད་དོ་ཅོག་དང་འགྱུར་རོ་ཅོག་ལྟ་བུའི་ཅོག___མཐའ་དག་གི་དོན། གྱུར་ཅིག་གུ་ལྟ་བུའི་གུ___སྨོན་པའི་ཚིག། ། སྦྲེབས་པ___སྐེམ་པ། གསང་ཁུང___བཤང་ལམ། མདུང་དོར___རྒྱན་འགྱེད། ཆམ་དུ___གཏན་དུ། ནོད་པ___ཐོབ་པའམ་བཞག་པ། ཐ་ཚིག___ཚིག་གི་དོན། བསྟི་བ___ངལ་གསོ་བ། བརྣག་པ___བསམ་པ། སྨྱང་བ___བརྐྱང་བ། ནམ་ཞར___ནམ་ཡང་། འོན་ཏང___འོན་ཀྱང་། བཀྲི་བ___དྲང་བའམ་འཁྲིད་པ། དབྲག___བར། གཟགས་པ___ཟགས་པ། ཕྱམ་ཕྱད___མཉམ་ཉིད། བགྲོ་བ___གླེང་བ། རྨ་ག་ཆད___ཡང་དག་པའམ་ཕལ་པོ་ཆེ་དང་སྙན་གྱི་གོང་རྒྱན། བསྟར་བ___བྱི་དོར་ལེགས་པ་དང་གཟབས་པ་དང་སྤྲས་པ་དང་། སེམས་ལ་སྒོམ་པ་དང་ཡོད་པ་ལ། གཏིང་ཕྱིན་པ___དཔྱིས་ཕྱིན་པ། བྲོ___མནའ། ཆང་ཁྱུ___ཚོགས་པ། སྤ་ལོ___སྤོབས་པ། ཐ་རམ___ངན་པ། བརྙང་བ___འཁྲུ་བ། དབྱེ___ཐང་། བསྙིལ་བ___དོར་བའམ་ཕྱིར་བསྐྲད་པ། ལག་པ་བསྙལ་བ___ལག་པ་བཀྲུས་པ། མཐོང་ག___བྲང་། གླམ་པ___སྣམ་བུ་འཐུག་པོ། ཁྲ་ཁྲོ་ཅན___སྤྲོ་ཐུང་བ། རུང་ཁུས་ཟ་བ___གཏུམ་པ། མགོ་ནན___ཐོག་མ། ཇེ___དང་པོ་དང་རེ་ཞིག་ཅེས་པ་ལའང་། གཞི་པོ___གཞི་མ། ཇི་འོས___འཚམ་པ། གནོང་མི་བཀུར་བ___ཉེས་པ་ཁས་མི་ལན་པ། བསྒོ་བ་རྣར་གཟོན་པ___བསྒོ་བ་ལ་མི་ཉན་པ། འཆབ་པ___གསང་བའམ་སྦེད་པ། འཛན་དཀའ___སྦྱོར་དཀའ། འཁུ་བ___ཞེ་སྡང་བ། བཅབས་པ___སྦས་པ། གྱ་ཙོམ___མ་བརྟགས་པ། རྣ་བླགས___རྣ་བ་གཏོད་པ། ཐ་ཆད་པ___ངན་པ། སྩེལ་བ___སེལ་བ། འཕྱེ་བ___འགྲོ་བ། སྨྲེང་ཚིག___གསང་ཚིག་དང་སྨྲ་བ་ཙམ་ལའང་། སྨྲེང་བ___སྨྲ་བ། སྨྲེ་བ___ངན་པར་སྨྲ་བ། སྨྲེ་སྔཊ་ཀྱང་དེ་ཉིད། རྨས་པ___དྲིས་པ། མི་འཇབ་པ___རྩུབ་པ། དྲལ་བ___བཅོམ་པའམ་ཞིག་པ། བླ་མཐང___སྟོད་སྨད་དམ་ཕྱི་ནང་། བསོད་པ___བཟང་པོའམ་ལེགས་པ། བསྟབས་པ___བྲིམས་པའམ་བྱིན་པ། སྟོབ་པ___འབྲིམ་པའམ་སྟེར་བ། སྟོབ་པ___མགྲོན་དུ་གཉེར་བ། བྱེར་བ___སོང་བ། བརྟ་བ___རྒྱས་པར་བྱ་བ། བརྟས་པ___རྒྱས་པ། ད་ཀོ___ད་ནི། འདི་ཀོ___འདི་ནི། བཀོན་པ___ཁྲོ་བ། ཇི་ག___བརྟག་པ། ཁྱོ་ཤུག___བཟའ་ཚོ། གཞོལ་བ___འབབ་པ། ཉིས་ན___རྣམ་པ་གཉིས་སུ་ན་ཞེས་པ་ལྟ་བུའམ།
ཡང་ན་ཐ་བ___རེངས་པ། མཐར་གྱིས___རིམ་གྱིས། གཞར་ཡང___སླར་ཡང་ངམ་ནམ་ཡང་། མནོས་པ___བསམས་པ། གྱ་ནོམ___ཕུན་སུམ་ཚོགས་པ། གྱ་ནོམ་སྣང་བ___ཡོད་པ་དང་ལེགས་པའི་དོན་ཡང་ཡིན། ཕྱད་པར___རྒྱུན་པར། བསྣམས་པ___ཐོགས་པ། ཤ་དག___ཤ་སྟག། འཇུད་པ___འཇུག་པ། རྔུབ་པ___འདུས་པའམ་འཇུག་པ། ཚམ་ངམ___འཇིགས་སྟངས། བབ་བབ་བམ་བབ་ཅོལ___མ་བསམ་པར་སྨྲ་བའམ་འཕྲལ་མ། ཕྱང་ཡར___འཕྲིན་ལས། སྣམ་ལོགས___ཟུར་དང་རྒྱབ། སྣྲེལ་ཞི___ལོགས་སམ་འཕྲེད་དམ་འཆོལ་པ་གོ་རིམས་སུ་མི་གནས་པ། ཉོད་པ___ཟས། རོད་པ___གོས། ཡོང་ཡེ___ངེས་པར་རམ་རྣམ་པ་ཀུན་ཏུའམ་རྣམ་པ་ཐམས་ཅད་ཀྱི་ཐམས་ཅད་དུ་ཞེས་པ་ལྟ་བུ། བསྟིར་མེད___མནར་མེད་དམ་ངལ་གསོ་མེད་པ། སྤྲིབས་པ___ལྟོགས་པ། བྲུ་བ་ཚ་བ___བཀྲེས་པ། བས་པ___ཟད་པའམ་མཐའ་དག་པ། བརྣན་པ___ངེས་བཟུང་། རམ་ཤག___འབྱོར་བ། མནངས___ནོམ་པའམ་སྲིད། མཐའ་གྲུ་དང་ཐག་གྲུ___རྒྱ་ཁྱོན། མནབ་རྩལ___ཁ་ཟས། གཡེར་པོ___མཁས་པའམ་གྲིམས་པ། ཁོས་རང་ཆབ་མི་འཚལ་བ___མདུན་མ་ཆུད་མི་ཟའོ། བསྐྱུད་པ___བརྗེད་པ། ཁད་ཀྱི___དལ་བུ། བྱུར___མྱ་ངན། ཡོལ་གོ___སྣོད། བསྙེངས་པ___འཇིགས་པ། བསྙེམས་པ___ང་རྒྱལ། ཡུག་པ་དང་ཡོབ་ཡོབ___རྐང་པ། སུག་པ___ལག་པ། ནེམ་ནུར___ཡིད་གཉིས། རྒྱ་ཅང___སྐ་རགས། གུར་བུ___གྲུ་བཞི། གྱི་ན་དང་གྱིན་འདར___དམན་པའམ་དོན་མེད་དམ་རང་བཞིན་པ། བརྟད་པ___གློ་བུར་བ། མི་ཡོགས་པ___མི་ཁེབས་པ། འུབས་པ___འདུས་པ། ཁུད་པ___སྐྱེས་སམ་རྫོངས། སླགས་པ___བཀོད་པ། ཕྱང་ཆད___ཐག་བཅད། ལ་གོར___མགྱོགས་པའམ་སྐྱེན་པ། མུར་འདུག___མུ་སྟེགས། ཅོ་འདྲི___མཐོ་འཚམ། གཞེར་བ___བསྟེན་པ། ཡེལ་འཕྱོས___ཟུང་འཇུག། འཆོས་པ___ཟོས་པ། འདུ་འཕྲོད___ཚོགས་པ། ཕྱ་ལེ་བ___མཉམ་པ། ཆིབ་པ___ཁྱབ་པ། ཁོས་པ___འདུན་པ། ངོ་མཐོན___ནན་གྱི། མོལ་པ___གཏམ་མམ་གྲོས། ཚུད་མོ་མཁན___རྐོས་མཁན། གོ་འདུན___ཚོགས་ཤིང་འདུ་བ། གཞུར་བརྟག___ཟུར་ཟ་བ། ཉེར་བསྡོགས___སྟ་གོན། མྱག་ཕྲན___མདའ། གོར་མ་ཆག་པ___ཐེ་ཚོམ་མེད་པ། གོར་མ་བཀུམ་པའང་དེ་ཉིད། གནམ་རུ___གཞུ། སྤྲུག་པ___ཟད་པ། བཀར་བཏགས___ཁྲིམས་བསྒྲགས་པ། ཕུང་ཀྲོལ___དོན་མེད་པ། ལྷཊ་པ___གཏད་པ། ཕྱར་གཡེང___རྣམ་གཡེང་དང་རང་ཉིད་འདོད་པའི་ཆོས་གཞན་ལ་ངོམ་ཞིང་སྒེག་པའི་དོན་ཡང་ཡིན། སྒམ་པ___ཟབ་པ། བགམ་པ___ཉམས་སད་པ། མནབས་པ___གྱོན་པ། རྩེག་ལོག___ཕྲན་ཚེགས་སམ་སྲེད་ཞེན་ཆེ་བ། ཚར་ཕྱིན___མཐར་ཕྱིན། དབབ་པ___འབེབས་པའམ་བཞག་པ། གཟས་པ___བརྡེག་པར་བརྩམས་པ། ཕོན་པོ___ཚོགས་པ། འཛེར་བ___སྨྲས་པའམ་ཟེར་བ། འཆེལ་བ___ཞེན་པའམ་འཆད་པ། ཐ་རམས___གཏམས་པ། ཕྱིས་བུ___སྣོད། རྩེར་ཕྱིབས___མཐར་ཕྱིན། གླལ་བ___ཁ་གདངས་སམ་རྣམ་པར་བསྒྱིངས་པ། ཀླུབས་པ___ཕུབ་པའམ་གྱོན་པ། གཡེམ་པ___འདོད་པ། མུ་ཅོར___ཁ་ཟེར་བ་དང་ཁ་དྲག། གནམ་པོ___དྲང་པོ། འཇུག་པར། ཀྱེ་མ་གཞན་གྱི་གནམ་པོ་ཉིད། ཅེས་པ་ལྟ་བུའོ། ཁོར་ཟུག___ཁོར་ཡུག། ཆབས་ཅིག་པ___ལྷན་ཅིག་པ། ཆུབ་པ___རྟོགས་པ། གོ་འདུན___སྣ་ཚོགས་སམ་གང་མོས། མོང་དུ་ཆུད་པ___ཁོང་དུ་ཆུད་པ། རླིབས་པ___རྒྱ་ཆེ་བ། མཆིལ་པ___ལྕགས་ཀྱུ། ལྕགས་ཀྱོ་ཞེས་པའང་དེ་ཉིད། འགྱེད་པ___འགྱོད་པ། ཟང་ཟིང___ཤའམ་ཟས། ཟང་ཟིང་སྦྱིན་པའང་གཙོ་བོར་ཤ་སྟེར་བའི་དོན་དུ་བཤད། འགྱེར་བ___སྤོང་བ། གེར་མ___རག་མ། རུམ___ལྟོ་བའམ་ཕག། ཕོམ་པ___བུམ་པ། རྟོན་པ___འདོད་པའམ་རྗེས་སུ་འབྲང་བ། དོན་ལ___མི་རྟོན་ཚིག་ལ་རྟོན། འཕྱོ་བ___ལྡིང་བ། འགེམས་པ___འཇོམས་པ། སྙུགས་སུ___ཡུན་དུ། དབྲོག་པ___འཕྲོག་པ། གླེབས་པ___མནན་པ། རྗེན་པ___གཅེར་བུའམ་རྐྱང་པ། གལ་གྱིས___ནན་གྱིས་སམ་རྒྱལ་གྱིས། འཇེན་པ___ལེན་པ་དང་བཅགས་པ་དང་དངོས་པོ་ཡིད་དང་རྣ་བར་འཐད་པ་ལྟ་བུ་ལའང་ཡོད། རླུགས་པ___ལུག་པ་སྟེ་ཟས་མ་ཞུ་བ་ཕྱིར་བྱུང་བ། ནོངས་པ___ཉེས་པ། འཕྱེ་བོ___གོང་པོའམ་ཡན་ལག་མེད་པར་ལྟོ་བས་འགྲོ་བ། ཚུར་ཤེག___ཚུར་ཤོག། ལྕེ་རྟེན___བརྗོད་པའམ་སྙད་འདོགས་པ། སྲིབས་པ___བསྒྲིབས་པའམ་གྲིབ་རི་དང་མཚན་མོ། སླག་པ___པགས་པའི་གོས། སྡོད་པ___འཕེན་པ། ཁོལ་མའམ་གླང་མིག___སྐར་ཁུང་། འདི་དཀར་གསལ་དང་མུན་དཀར་ཟེར་བ་དང་བསྟུན་ན་དས་འཕུལ་ཐོབ་པར་སྣང་ཡང་། འདུལ་བ་ལ་སྐར་ཚོད་བལྟ་བའི་རི་མིག་བཞག་པ་ལས་བཏགས་པའི་བརྡ་བཙན་པར་བྱས་པའོ། འགྲེམས་པ___འགྱེད་པ། གསེག་ཤང་དང་གསིལ་བྱེད___འཁར་གསིལ། སྤྱི་ཏོར་ཅན___གཙུག་ཏོར་ཅན། གསོང་པོར་སྨྲ་བ___སྔར་སྨྲ་བའམ་དྲང་པོར་སྨྲ་བ། དོ་ཀེར་ཅན___ཐོར་ཅོག་ཅན། དཔེ་མཁྱུད___ཆོས་སྟོན་འོས་པ་ལའང་སྦ་བ། འབེལ་བའི་གཏམ་དང་བཀའ་མཆིད___ཡང་དག་པའི་གཏམ། མཁྱུད་སྤྱད___མན་ངག་ཕྲན་བུ་སྦས་ཏེ་འཆད་པ། མྱུར་ཐུག___མཐར་ཐུག། ཕོལ་བ___རྟོགས་པ། ལ་ཟླས་པ___ཐག་བཅད་པ། ལ་ཟློ་བ___མཐའ་འགེགས་པའམ་ཐག་གཅོད་པ། མི་ཆ་བ___མི་ཤེས་པ། ཆ་མེད___རྒྱུས་མེད། གཏོལ་མེད་པ___ཐབས་མེད་པའམ་རྒྱུས་མེད་པ། ཅི་གར___ཇི་ལྟར། ཅི་ཆིབ___མཐར་ཕྱིན། གར་ཅིག___གང་ཞིག། སྨྱན་ཀ___གཉེན་ཀའབགས་པ___ཉམས་པ། དམུན་པ___བླུན་པོ། ཤོ་བེ___རྫུན། ཤོབ་ཀྱང་དེ་ཉིད། ཤིད་ཟན___རོ་ཟན་ནམ་གཤིན་ཟས་སམ་དད་ཟས། ཤིད___གཤིན་པོ་ལ་དམིགས་པའི་དགེ་བ་བསྒྲུབས་པ། ཕྲུ་མ___ཕོ་བྲང་ངམ་དམག་སྒར། སྤོང་བ___རྩེ་བ། བརྟུན་པ___བརྩོན་པ། སྒོ་འཕར___སྒོ་གླེགས། སྤྱོས་པ___སྡིགས་པའམ་ཁྲོས་པ། སྙེམ་པ___གཡེལ་བའམ་སྙོམས་ལས། དབྱེ་ཚོང___ཚོང་ཁང་། ཐང་ལ___བཀྲམ་པ། བསླན་པ___བསྡུས་པའམ་ཕྱོགས་གཏོགས། ཚོག་ཕོར___རྫོགས་པར། བདར་བ___བཅད་པའམ་གཞོགས་པ། གཟེངས་པ___བརྐྱང་པའམ་གཟི་བྱིན། འཆེག་པ___འཇིག་པ། གློས་པ___རྨོངས་པ། རྨེག་མེད___གཏན་མེད། གཡེན་སྤྱོ་བ___ཅོ་དྲིའམ་སྡང་བར་བྱེད་པ། གཡམ___ཞར། རྨེད་པ___གསོལ་བ། སློང་ཕོར___ལྷུང་བཟེད། བྱ་མ་རྟ___ཉན་རྣའམ་བང་ཆེན། བྲོ་འཚལ་བ___ནད་པ། ད་བུར___སྲེག་གནས། བསེལ་བ___སྐྱེལ་མའམ་འཇིགས་པ་ལས་སྐྱོབ་པ། གཙུག་ལག___སྡེ་སྣོད། བསོད་ཉམས___འདོད་པ་ལ་ལྷག་པར་ལོངས་སྤྱོད་པའི་མིང་། བསྙད་པ___བཤད་པ། གོ་རེ___རྫོགས་པ། བརླང་པོ___རྩུབ་མོ། གཞོགས་སྟེགས___ཟུར་མིག་གམ་སྐེག་ཆོས། ཤུར་བུ___སྐ་རགས། འཛན་མོ___བགྲོད་བྱ་སྟེ་བུད་མེད། འཇུད་མཐུན་དང་འདོད་འགྲོ་དང་གཟུགས་འཚོང___སྨད་འཚོང་། ལག་གི་བླ___ལས་དེ་དང་དེ་ལ་བསྐོས་པ། འཛན་ཕོ___བགྲོད་བྱེད་དེ་སྐྱེས་པ། སྐ་རགས་ཕོག་གུ་ཅན___སྐ་རགས་རྒྱན་ཅན། འཐབ་ཀྲོལ___གནོད་རྒྱུ། འགྲེ་བ___གཡོ་བ། དོ་ཟན___མཆིང་བུ། ལྕགས་ཕོད___སྐ་རགས་ཀྱི་རྒྱན། ཁོད་སྙོམ་པ___ཡིད་མི་དགའ་བའམ་སྒྱིད་ལུག་པ། དཀྱུས་མོ___མགྱོགས་པའམ་རྒྱུག་པ། དང་ལ___རྫིང་བུ། ཀླབ་པ___ལ་བ། དམ་རྒྱ___ཁྲིམས། ཞ་སྒྲེ___རྣ་མེད། ལྟག་སྒྲེ___ལྟག་ཐེར། གོར་མོ___སྡང་སེམས། རྣ་བྲང___མདེའུ། བཤུག་པ___བསླང་བ། པུས་མཁྱུད___སྒོམ་ཐག། གཡར___ཁའམ་གདོང་ངམ་མདུན། ཧྭགས___བུ་རམ་གྱི་དྭངས་མའི་ཤ་ཁ་ར་སྟེ་འགྲེལ་པ་ཟླ་ཟེར་དུ་གལ་ལ་ཞེས་ཀྱང་གྲགས་པ། ཐགས་རན___བཏགས་པ། རྨས་པ___ཉམས་པ། མངན___མཐུ། དངར___གྲལ་ལམ་ཕྲེང་བ། གསུག་པ___རྔན་པ། བརྔན་ཞེས་པ___མཆོད་པ། རྣམ་འདལ___རྣམ་འདུད། འགྱེད་པ___གཏོང་བ། དབྲེས་པ___བརྗེས་པ། བསེན་ཁུས་པ___གཉེན་བསླུས་པ། བརྒྱད་བཀག___ཁ་སྨྲས་སམ་བཀྱོན་པ། འོ___ནི་འདི། བཟླུགས་པ___ཞུས་པའམ་དྲིས་པ། པོ་ཟོས་ཀྱང___ཇི་ལྟར་ཐོགས་ཀྱང་ཞེས་པ་སྟེ་ཡུལ་སྐད་ལ་པོ་མཐོ་ཡང་ཟེར། སྤྱོན་པ___འབོད་པའི་བརྡ་ཚུར་ཤོག་ཅེས་པ་ལྟ་བུའོ། ། བྱོན་ཅེས་པ་སླེབ་ཟིན་པའི་དོན་ཏེ་དིང་སང་བརྡ་ནོར་མང་། འབྲོངས་པ___ཉེ་བར་བསྟེན་པ། བཤེས་སྤྲིང་དུ་མཐོ་རིས་བུ་མོས་འབྲོངས་ཤིང་ཞེས་པ་ལྟ་བུའོ། ། མི་སློན___མི་ཟློགས། སྨག___མུན་པ། གོ་ར___བཙོན་ར། ཡ་མ་བརླ___སྙིང་པོ་མེད་པའམ་མི་བདེན་པ། ཀླད་རོལ___ཕྱི་རོལ། ཆང་ཐུབ___གང་ཟག། དོག་མ___མདུན། གེལ་པ___ཡལ་ག། འཕག་པའམ་ཆ་བ___འཇུག་པ། རན་པ___ལྕུག་ཕྲན། རེང་བུ___འབྲེལ་མེད་དམ་རྐྱང་པ། མི་འགོང___མི་ཞུམ། ཐན་ཀོར___ཉེ་འཁོར། བོག་རེ___བ་གམ། མ་སྟེས་པ___མ་ལེགས་པ། སྟེས་དབང___སྟོབས་ཤུགས། གནའ་བོ___སྔོན། སྣ་བོ___གཙོ་བོ། མི་གུ___མི་ཞུམ། ཉེའུ་གྱི___བཅུད་ཚོར། ཉེན___རྨང་། བེ་ནོ___འཛིན་པ། སྲོ་གང___ཁྲུས། དཀུ་མཉེ། དྲིལ་ཕྱི། མེ། སྟན་རྣམས་ཀྱི་མིང་། འདི་ལ་བསྲོ་ཁང་ཞེས་པའང་སྣང་། ཇེང___རྒྱུད་མངས་སམ་དབྱངས། རྨང་ལམ___རྨི་ལམ། གྱ་ཐོ___རྣ་རྒྱན། ལན་བོན___ལན་སློན། མདོང་མོ___མཇུག་དོའི་ནང་། རྣིལ་ནད___སོ་རྙིལ་གྱི་ནད། རྔུབ་རེ___ཧུབ་རེ། ཆུ་བྲུབ་པ___ཁོལ་བའམ་རྦ་ཀློང་། ཉུག་རུམ___རླིག་ཕྱུང་སྟེ་བཙུན་མོའི་འཁོར་དུ་འབྱུང་བ། ཞོགས་མ___སྟེང་གཡོགས། གཞའ་བ___མགུ་བ། གཞའ་ཚོན___འཇའ་ཚོན། བསྐྱད་པ___བསད་པའམ་འགྲན་པ། ཕྱི་བི___ཕྱི་རོལ། ཕ་བི___ཕ་རོལ། དགོན་དུང___ཆུ་མེད་པ། ཚ་སྒོ་ཅན___བ་ཚྭ་ཅན། མོང་བརྟུལ___བླུན་པོ། ལུང་བོང་དང་བན་ཀླང___བ་གླང་། ཕོལ་མིག___འཁོར་ལོ། མཚུན___ལྷའམ་ཕ་མེས། འཆེས་པ___ཁས་ལེན་པ། འཕེའུ___གསོལ་བ། གཞའ་གསང___གཡུང་དྲུང་ངམ་འཕྲིན་ལས། དམ་དེམ___དམ་བཅའ། ཕྱང་སྤྲུལ___རྒྱན་ནམ་སྤུད་པ། དབུ་རྨོག___དབུ་འཕང་། ཡིད་སྨོ___ཡིད་དགའ། གཉི་ཟེར___ཉི་ཟེར། སྦོན་པ___ཟ་བ། རྙོང་བ___བརྐྱང་བ། འབྱེར་བ___འགྲོ་བ། འདྲིད་པ___སླུ་བ། གཟོད་མ___དང་པོ། རིལ___ཐམས་ཅད། གཟེབ___གུར། ཀློང་དུ་གྱུར་པ___དབང་དུ་གྱུར་པ། བཅིབས་པ___ཞོན་པ། མི་བཟད་པ___དྲག་པོ། དྲག་ཤུལ___མི་སྡུག་པ། གཅམ་བུ___བཅོས་མ། བརྐམ་པ___འདོད་ཞེན། བརྐམ་ཆགས___འདོད་ཆགས་ཆེ་བ། འཆོབས་ཤིག___གསོངས་ཤིག། གཉོད་ཀ___འཁོས་ཀགཡུང་བ___ཞན་པ། བརྟུན་ངེས་པ___གཟུ་ལམ་དང་རང་བཟོ། གཞིབ་པ___འཇིབ་པ། གླགས་པ___འཇུག་པའམ་འགྲོ་འཚམས། དོང་སྟེ___སོང་སྟེ། འདོང་བ___འགྲོ་བ། དཔེན་པ___མཁོ་བའམ་འཕངས་པའམ་ཡིད་དུ་འོང་བ། བཙོག་པོ___ཕོ་བཙོག། རྙོང___གལ། ཇིས་ན___ཅིས་ན། ཏ་ལ་ལ___སྒྲོན་མེ། བསྙུངས་པ___ཉུང་ངུར་བྱས་པ། བསྙེན་སྲིང___ཉེ་རིང་། སྤང་བྱེད___རྡོ་བ། ཀོས་ཐག___ཉམ་ཐག། སྔ་མཁོ___སྔར་བཞིན། སྨྱུར་ཏེ___མྱུར་དུ། འོན་ཅིག___བྱོན་ཅིག། ལྡེམ་པོ___དྲད་པོ་མིན་པ། ཉིང་ཏོར___ངེས་པར། བྱོས་ཤིག___གྱིས་ཤིག། རངས་པ___དགའ་བ་དང་རིལ་པོ། ཁོང་འཁྱིད___ཁོང་འབྱིན། གཏུ་ལུམ___བཟི་བ། གྱུ་བ___བཀུར་བ། ཕོ་ཐེག་ཆེ་བ___ཁེངས་པ་སྟེ་ལྟ་བ་མཐོ་བའི་དོན། ཕོག་སྙ་ཆེ་བ___སྲན་ཆེ་བ། རྨེ་བ___སྨྲ་བ། རྨུན་པོ___བླུན་པོ། འཕན་པ___ཆག་པའམ་ཉམས་པ། ཆུའི་དངོ___ཆུ་ངོགས། གྲིའི་དངོ___གྲིའི་སོ། ཡོན་ཁར་བ___ཡང་དག་མིན་པ། འོར་འགའ___རེས་འགའ། འབྲུས་འགོགས___བརྩོན་འགྲུས། འབོགས་པ___བརྒལ་བ། འབོག་པ___བརྒྱལ་བ། བྱ་རྐོན___བྱ་རྒྱ། གཉིག་ཏུ___གཅིག་ཏུ། བློང་བ___རྨུགས་ཤིང་སོང་བ། བློ་བློང___ཡི་མུག་གམ་རིག་པ་མི་གསལ་བ། བློང་བློང་ཡང་ཟེར། གཞེན་འདེབས་དང་གཞན་བསྐུལ___དྲན་བསྐུལ། ཆད་པའམ་བང་སོ___དུར་གྱི་གནས། ཕོལ་ཏེ___ཕན་ཏེ། འུང་ནས___འདི་ནས། ཉིད་གྲུལ___རིགས་ངན། རྔད་མོ___དམོད་མོ། རང་ཉམས___རང་བཞིན། འགྲན་དོ___འགྲན་ཟླ། ཡིབས་སུ___དབྱིབས་སུ། བླ་ཁྱད___དྲེགས་པ། འུང་ཏེང___འོན་ཀྱང་། འོར་པ___བོར་བ། ཕ་ལོགས___ཕ་རོལ། གྱིམ་ཤིང___རོལ་མོ། ཆོ་ལོ___རྒྱན་པོ། ཟུས་ནས___ཟུག་ནས། བློན་འདེབས___ཆོས་སྟོན་ནམ་ཟུར་ནས་གྲོས་འདེབས། གདས་པ___སྨྲ་བའམ་ཞུས་པའམ་ཞུ་བ། སྣ་རུ___ན་རོ། འགྲོངས___རྨའི་སྒོ། མཆིས་འབྲང___ཆུང་མ། མ་དྲངས་པ___མ་དུལ་བ། གཞོངས___ལྗོངས། བུས་པ___བྱིས་པ། འཇེབས་པ___འགྲོགས་པའམ་ལེགས་པའམ་སྙན་པ། ནན་ཏུར___ཆད་ལས། ཡུས་ཏེ___བདེན་ཏེ། ཞ་འབྲིང་དང་ཞམ་འབྲིང___ཞབས་འབྲིང་། རྨེན་ངན___ལྟས་ངན། གཏི་བ___སྨྲ་བ། སླད་བཞིན___ཕྱི་བཞིན། གཤོར་བ___རྩུབ་པ། འཕྱན་པ___འཁྱམ་པ། གཤོར་བ___སྣོད། ཀླག་ཅོར___ཅ་ཅོ། ཤེན་པ___བཤེན་པ། རྙིས་པ___རྙིངས་པ། སྨྱེ་བ___ཞན་པ། ལེའུ་གློན་པ___ལན་ལྡོན་པ། འདྲག་མཐིལ___ལག་མཐིལ། བུམ་བུ___བུམ་ཆུང་། རྩིག་གུ___རྩིག་པ། བྲུངས་ཀྱང___ཀུན་ཀྱང་། རེ་རྨ___བུད་མེད། ནན་ཐུར___ནན་ཏན། གཡུར་དང་ཡུར___གཉིད། སྒྲེའུ་ཆུང___འཛག་སྣོད། པར་ཏང་དང་དྲེའུ་རྔོག___སྟན་ཁྲ་བོ། སྨྱུགས་ནས___བཅུག་ནས། དཀུ་སྟེ___ལྷག་སྟེ། མ་ལ___ཀྱེ་མའམ་ཀྱི་འུད། ངོག་གོ___ནོན་ནོ། མདུན་བདར་བ___མདུན་ནས་བསྟོད་པའམ་མདུན་དུ་བགྱིས་པ། ཐོང་ཁོར___གར་བུ། ལག་ཏུབ___སྒྱོགས། ལྡོངས་པ___ལོང་བ། དམིགས་བུ___ལོང་ཁྲིད། ངོག་ན___སོང་ན། མོད་མི་དམའ་བ___དཔངས་མཐོ་བའམ་ཕྲ་མོ་མ་ཡིན་པ། རྙོང་ངམ་བྱུག་པའམ་སྐྱང་ནུལ___ཞལ་བ། ཞལ་ཞལ་ཀྱང་དེ་ཉིད། ཐན་སྐོར___ཉེ་སྐོར། ཡུགས་ཤིག___བྱུགས་ཤིག། ཟ་ཕོད་པ___ལྟོ་ཆེ་བ། ལྟུང་རུས___ལྟུང་འབྲས། འཛེར་ཏོ___ཟེར་ཏོ། དུགས་ཁང___ཁྲུས་ཁང་། དཔྱ་བ___འཕྱ་བ། སྔ་ཟ___སྔ་བ། ཚང་མང___ནགས་ཚང་ངམ་མེ་ཁང་། ཁུ་ཤ___ཤ་ཁུ། ཐམ་ལག___མན་ངག། ། ལས་ཀན___ཁ་ཁྱེར་རམ་སྟེགས་བུ། གཞགས་པ___བརྒྱན་པ། འདྲུབ་པ___འཚེམ་པ། དྲུབས་པ___བཙེམས་པ། དེ་མོ___དགོས་པ། རྣམ་ཕྱིས___ཕྱི་ས་ཁང་པ། སྐུན་བུ___གཞོང་བུ། ཡ་གད___རྐང་རྟེན་ནམ་སྐས། ཀ་ཅི་ཆོག___ཅི་ཡོད། ཐ་གི___ཞི་བ། རྒྱུ་ཁུ་ཅན___གཅེར་བུ་པ། གཟར་ཐག___དཔྱང་ཐག། སླས___བཙུན་མོའི་འཁོར། གྱོང་རལ___ས་ཞག། ། བཤུལ___ལམ། མད་པ___བདེན་པ། སྤྱན་པ___བྱ་ར་བ། ཆེམས་པ___འཕྲིན་པ། མདུན་ཁང་ངམ་བཀད་ས___འདུག་ས། འདུག་པ___ཚོགས་པ། ཚིག་གུ___འབྲས་བུའི་སྙིང་པོ། སྐྱེས་ཕྲན___དར་ལ་བབ་པ། ལྕེ་རྟེན___བརྗོད་པའམ་སྙད་འདོགས་པ། རེགས་པ___བྲེགས་པ། སྐྱོས་པ___ཉམས་པ། ཆུ་འདལ་བ___དལ་པོར་འདུག་པའི་ཆུ། ཉུལ་བ___བུལ་བའམ་འགོར་བ། གཞར་བ___མཐུན་པ། ཆན་པ___ཁྱེ་བོའམ་གྲི་གུག། ལྡང་སྐོ་སྐ་དང་བསེ་ཁ་སྒོ___སེང་གེ་ཤ་ར་བྷ་སྟེ་སེང་གེ་རྐང་པ་བརྒྱད་པའི་མིང་། ཆེད་འགའ___རེས་འགའ། སྐྱོ་སྔོགས___འཁྲུག་པ། བགས་ཀྱི___རིམ་གྱི། ནོད་པ___ལེན་པའམ་ཐོབ་པ། བརླ་བརྙན___སྣོན་པ། ཚང་ཐུར___གོས་ཤུབས། བརྙན་པ___གཡར་བ། བརྙས་པ___གཡས་པ། སྐབས་ཐོབ་ཉོས་པ་ལའང་། ཡུ་བུ___རང་རེའམ་བདག་ཅག། ཁོམ་པ___དལ་བ། ཕོ་ལོང___གྲུ་གུ། ཕྱག་ལས་ཁོམ___ར་རོ་བ། དགུམ་པ___གསོད་པ། འགུམ་པ___འཆི་བ། བཀུམ་པ་དང་གུམ་པ___བསད་པའམ་ཤི་བ། རྨེད་དུ___གསོལ་དུ། འཁོབ་པ___ངན་པའམ་མཐའ། ཛི___རླུང་། འཁྲུན་རིང___མཆུ་རིང་ངམ་དཀྱུས་རིང་། བརྣོགས་པ___བསྡམས་པའམ་སྦས་པ། མནགས་པ___བཟོད་པའམ་བསྲན་པ། དྲལ་པོ___མིང་པོ། ཆེ་ཞེ___ཨ་ཆེའམ་སྲིང་མོ། འབྱེས་པ___མཛེས་པའམ་མཚམས་ཕྱེད་པ། སྤུ་ལ་བབ་པ___རུང་བ། མི་ཆོག___མི་ཕོད། ཤིང་ཐགས___ཅོག། རྩང་ནན___བཏུང་བ། འཐམས་པ___བྱམས་པ། འཁམས་པ___བརྒྱལ་བ། སྡུམ་མཚེས___ཁྱིམ་མཚེས། དབང་ཐང་ཆེ་བ___སྐལ་བ་ཆེ་བའམ་དཔལ་ཆེ་བའམ་སྐལ་བ་བཟང་བ། མ་ནངས་པ___མ་ལངས་པ། ནངས་ཀྱི___སྔོན་གྱི། གཡེར་བག___སྣང་གཡེལ་ཅན། བརླམས་པ___བསྐྱོད་པ། སྒྲེ་བོ___ས་རྗེན། འོད་པ___ཡོད་པ། མིག་གི་རྔུ་མ___མིག་གི་དྲི་མའམ་སྐྱོ་མ། སྦལ་དུ___དོང་དུ། ཕྱུགས་ཕྱུང___གཞོན་ནུ་མ། སྣོག་གཟན___འཁུར་བ། བྱ་མོ་ཟབ___མཆོད་རྫས། ལན་ཀན___པུ་ཤུ། རྒྱུན་ལུགས___རྒྱུ་འགྲུལ། གཡར་འདྲེན___སྤྱན་འདྲེན། གཡར་ལེན___ཁས་ལེན། གཡར་དམ___དམ་བཅའ། གཡར་ལམ___མདུན། གཡར་ཁྲལ___ཁ་ཁྲལ་ལམ་ངོ་ཁྲལ། གཡར་ཚ___ངོ་ཚ། གཡར་ཁམས___སྐུ་ཁམས། གཡར་ངོ___གདོང་། སྒེའུ་ཆུང___འགྲོ་བ། སྒེའུ་གཤེར___ཁ་འདམ་སྟེ་བཅའ་སྒ་དང་རོ་ནུས་ཆ་མཐུན་ཞིག་གི་མིང་། དྲུང___རྩ་བ། འགྱུར་བྱེད___པྲ་ཆལ། མི་ངས___མི་ནད་དམ་རིམས་ནད། ཞལ་ཚུས___ཞལ་ཟས། ལོང་བུ___ཤིང་ཏོག། འོས་པ___གཅེར་བུ་པ། རྩེན་པ___རྩེ་བའམ་རོལ་བ། བླ་གབ___སྟེང་གཡོགས། ཐོམས་ཤིག___སོམས་ཤིག། མཐོལ་བ___སྨྲ་བའམ་མི་སྦེད་པ། བཤོས་པ___འཁྲིག་པ། གཏམ་འདྲེས་པ___ཕེབས་པར་སྨྲ་བ། སྨོན་འདྲིན___གྲོགས་པོ། ལྟག་འོག___སྔ་ཕྱིའམ་གོང་འོག། སྤུན་པ___བསྟུན་པ། ཐོག་ཐོག___དང་པོ། རེག་ཟིག___ཟིན་བྲིས། བོན་པ___ཟླས་པ། ནེའུ་ལྡང___ན་ཟླ། སྒོག་པ___སྒོག་སྐྱ་སྟེ་ར་སུ་ནའམ་ལ་ཤུ་ན། ཀུན་དོང___བཙོང་སྟེ་པ་ལཱ་ཎུ། ཀེའུ___རི་སྒོག། ཧབ་ཤང་མཚེའུ___དབང་ལག། ལིག་ཤི་ཝེར___ཛཱ་ཏི་སྟེ་སྣ་མའི་མེ་ཏོག། ཀྲུ་ཀྲུ་ཏྲེས___ཙི་ཏྲ་ཀཇ་ཧོང___བཙོད་མདོག། སླད་ཚ___མི་གཙང་བའམ་བཤང་བ། ཐོབ་ཀྱིས་འཇལ་བ___ཐབས་ཀྱིས་གཞན་ནོར་འགུགས་པ། ཤ་ཆགས་པ___བློ་ལ་ཡོད་པའམ་བབ་ཐོབ་ཡོད་བ་དང་འཐུག་པའམ་བརླིང་བ། ངག་འཁྱལ___འབྲེལ་མེད་དུ་སྨྲ་བ། ཀྱལ་ག___ཀུ་རེའི་ཚིག། བསྟང་བ___མགོན་ནམ་གྲོགས། བསྟིངས་ཚིག___སུན་འབྱིན་པའི་ཚིག་སྟེ་མི་ངན་པ་ལ་མི་ཡ་མཚན་ཅན་ཅེས་བརྗོད་པ་ལྟ་བུ། དུས་པོ་ཆེ___འཛིན་པ་ཆེ་བ། སྟོངས་པ___ཕན་པའམ་གྲོགས། དཀོར་དང་ཀ་ཅ___ནོར་གྱི་སྤྱིའི་མིང་། དཀྱེལ་ཆེ་བ___ཁོང་ཡངས་པ། ཆུ་གང___སྙིང་སྟོབས། བཀྲབས་པ___མང་པོའི་ནང་ནས་འདམས་པ། བསྐྲུན་པ___བསྐྱེད་པའམ་བཙུགས་པ། སྐྲུས་པ___གཅོད་པ། སྒྲུན་པ___འགྲན་པ། བསྐྲུ་བ___གཞན་ལ་ཐབས་ཀྱིས་འབྲིད་པ། བསྐ་བ___གར་བའམ་རོའི་ཁྱད་པར། སྐྱིན་གོར___གངས་སྦལ་ལམ་རྩངས་པ། མི་འགོང་བ___མི་སྐྲག་པ། དབོས་པ___སྦོས་པ། དངན་འཐེན___གཞན་གྱི་ནོར་ཁྱེར་བ་ཕྱིར་མི་གཏོད་པ། ཟིལ་དངར___བདུད་རྩི། བཅོམ་བསྐྱུངས___འཇིགས་ནས་སྐད་ཆུང་ངུར་སྨྲས་པའམ་ཁ་རོག་འདུག་པ། མན___ཚོད་དང་དུས། འཇུངས་པ___ཞེན་ཆགས་ཆེ་བ། ཉིང་ཤ___རང་གི་ཤ། ཇུ་བོ___རྡོ་ལག་ཉ___བྱིན་ལེན་མ་བྱས་པར་ལེན་པ། ཉེ་རེག___ཁྲུས། མཆིག་དང་མཆིག་གུ___མས་གཏུན་དང་ཡས་གཏུན། ཤ་ཀོན་ཞུགས་པ___ཁོན་ཡོད་པ། མཉེལ་བ___ངལ་བ། ཕྱག་བརྙན___འཁོར་གཡོག། སྤྱོ་བ་དང་བརྒྱད་པ___འཐབ་པའམ་སྨད་པ། སྐྲ་བརྙན___སྐྲ་ཚབ། སྒྲ་བརྙན___བྲག་ཆ། གཏམས་པ___ཁེངས་པའམ་བཅོལ་བ། བལྟམས་པ___སྐྱེས་པའམ་འཁྲུངས་པ། རྟུལ་ཕོད___སྙིང་སྟོབས་ཆེ་བ། བརྟུལ___བསྡུས་པའམ་འཇམ་པ། དགུང___གནམ། མཚན་མོ། དགུང་ལོ་སོགས། གདུགས___ཉི་མའམ་ཉིན་པར། འཁྲུན___འཕང་ངམ་སྲིད། ཁོ་ལག___ཞེང་ངམ་སྦོམས་བདའ་བ___ཞིམ་པ། འདྲེན་མ___སྣ་ཚོགས་འདྲེས་མའམ་ཁྲ་བོ། བླ་བརྡོལ___བླ་ཅོལ། མནག་དཀའ་དང་མནོག་ཆུང___སྲན་དཀའ་དང་ཁེ་ཆུང་བ། འཕྲལ་བ___དཔྲལ་བ། ཕྱང་ངེ་བ___འཇོལ་ལེ་བ། བྱུག་རིས___གྲལ། རྩེ་རྒོད___ལྷ་འབངས། ནང་བྱན___གཡོག། མཚག་བཟང་བ___ཉམ་རྒྱས་པའམ་ཡན་ལག་ང་ཉིང་ལག་རྒྱས་པ། མཚལ་ལུ___རྟིང་དཀར། འཚལ་མ___ས་སམ་ལྟོ། འཚལ___ཤེས་པའམ་ཆོག་པའམ་འདོད་པ། འཁུམས་པ___ཐོས་པའམ་ཤེས་པ། ནུ་རྫི___ཉིང་ཁུ། ཞེས་པ___སྡོད་པའམ་བཞུགས་པ། བསྐལ་བ___བར་ཆོད་པའམ་རྒྱང་རིང་བ། གཞིབ་པ___འཇིབ་པ། མ་རྟབས་པ___མི་རིངས་པ། རླམ་ཁྱེར___ཧམ་ཁྱེར། བརྟགས་པ___གུས་པའམ་སྒྲིན་པ། གསུད་པ___སྒྲེགས་པ། གཤུང་བ___ངོས་ཀྱིས་སྐྱོན་བརྗོད་པའམ་ཤུབ་བུས་སྨོད་པ། སྐྱེལ་བདར___སྐྱེལ་གླ། དྲི་དཀུ་བ___དྲི་མི་ཞིམ་པའམ་དྲི་ཚ་བ། འགོང་བ___སྨད་པ། མངག་གཞུག་དང་ཅི་བགྱི___གཡོག་པོ། ཤིན་ཏེ་མ་མེད་པ___སྙིགས་མ་མེད་པའམ་ཆུད་ཟ་བའམ་ཉམ་ཆུང་བ་མེད་པ། སག་རྩ་སྐྱེལ་བ___སྦུངས་སྐྱེད་པའམ་དམ་བཅའ་བརྟན་པ། སྐྱོ་མ___ཕྲ་མ་དང་ཕྱེ་བ། སྲིལ___སྲོག་ཆགས་མུག་པ། སྐྱུ་རུམ___ཚོད་མ། བྱ་ན___ཚོད་མའམ་སྤགས་མ། སྤུན་པ___བསྲེས་པ། སྤེན་ཏོག___རྒྱན། སྤ་བ___མཛེས་པའམ་བྱིན་ཆགས་པ། སྤྱོམས་པ___ངོམ་པའམ་བདག་བསྟོད། ལ་གཅན་པ___ལའི་ཚུགས་པ། ཤོ་གམ་པ___ཡུལ་གྱི་ཚུགས་པ། གྲུ་བཙས་པ___གྲུ་ཚུགས་པ། དོན་མཐུན___ཚོང་པ། འགྲོན་པོའང་དེ་ཉིད། སྟ་ཟུར___དཔྱི་མགོ། སྤོན་པ___གཏོང་བ། སྤུན་པ___རྫུན་པ། རྗེ་བཙན___རྗེ་བཙུན། དངགས___ངག། བླ___རུང་ངམ་བཟོད་དམ་ཆོག། ཀླད___གོང་ངམ་སྟེང་། དབྱིག___ནོར། སོ་སྟོ___སོ་ཟིང་། སྤྱི་ཅེར___སྤྱི་ཐེར། བཟླུམས་པ___བསྡུས་པ། བརྗེད་པ་དང་རིམ་གྲོ་དང་བཙུན་པར་བྱ་བ___བཀུར་སྟི་དང་མཆོད་པའི་མིང་གི་རྣམ་གྲངས། བཀུས་ཏེ་བོར་བ___ཁུ་བ་བཏོན་པའི་སྙིགས་ལྟ་བུ། ཆབ་མི་འཚལ་བ___ཆུད་མི་ཟ་བ། ཕྱིད___དར་ཡོལ་བའམ་རྒན་པོ། སླེ་འདམས་པ___མཚན་མ་ཆད་པ། མཚན་བར་རྡོལ་བ___མོ་མཚན་གྱི་ནད། སྤྱི་བརྟོལ་ཆེ་བ___དཔྲལ་ཀོ་འཐུག་པ། དམུས་པ___ཚི་ཆད་པ། སྨེག་པ___ཉམས་དང་འཁོས་ཀ་ཁ་ཅིག་ཏུ་རྩ་བའམ་ལྷག་མ། སྨྲིག___གོས་ཚོས་མ། ངུར་སྨྲིག___གོས་དམར་སེར་ལ་གྲགས་ཀྱང་ཚོས་སྙིགས་མས་བཙོས་པའི་དོན་ཡིན། ག་གོན་དང་ཚོན་མོ་སྟེང___ཞ་ཉེ། རོ་ཉེ___ཞ་ཉེ་ནག་པོར་ཡན་ལག་བརྒྱད་པའི་འགྲེལ་པ་ཟླ་ཟེར་ལས་བཤད། སྤྲབས་པ___ཟས། བཏོགས་པ___ཕྲོགས་པ། གོ་རེ་ལོང___གད་བྱེད་པ། སྨྲེ་ཞེས་པ___སྡུག་བསྔལ། ཡན་ལག་སྐྱེས___ཕོ་མཚན། རྨྱ་བ___ཉམས་པ། གཏམས་པ___བཤད་པའམ་བསྟན་པ། ཁུད་དུ་བྱས་པ་མང་པོའི་ཡིན་པ་བདག་ཉིད་གཅིག་པུས་དབང་དུ་བྱས་པ། དགའ་འདུན___སྐྱེས་པའམ་བུད་མེད་རྐྱང་པ་དགའ་སྤྲོ་ལ་ཚོགས་པ། ཚོགས་ཅན་མ___སྨད་འཚོང་མའི་ཚོགས་ལ་ཟེར་བའང་སྣང་། མཉེས་པ___ལེགས་པའམ་གྲོས་མཐུན་པ། མི་བཀྱིག་པ___མི་བརྒྱང་བའམ་མྱུར་བ། སྤུ་བསྙལ་བ___ཉེས་པ་བཤགས་པའམ་ཞེ་སྡང་ཞི་བ། སྤུ་སྙོལ་བ___ལུས་ངག་ཡིད་ཀྱི་ཞེ་སྡང་ཞི་བར་བྱེད་པ། ཆགས་རྒྱ___བུ་ལོན་བདའ་བའི་དཔང་རྒྱ་སྟེ་ཡི་གེ་བཅུག་པ། ཁ་ཕྱིན་པ___གྲོས་མཐུན་པ། བྲུ་བ___ལྟོགས་པའམ་བཀྲེས་པ། སྨན་བཏགས་པ___ཕན་བཏགས་པ། རྣལ་དུ་ཕབ་སྟེ___གཞན་གྱི་འཚེ་བ་མེད་པར་རང་དབང་དུ་གནས་པ། བཟེ་རེ་ཅན___སྲན་ཆུང་བའམ་གཞོན་ཤ་ཅན། ཆུམས་པ___ཆགས་པ། འཚལ་མ་འཚལ___ཟན་ཟ་བ། བརྙན་པ___གཡར་བ། བླ་ན___སྨྲ་བའམ་ཟེར། ཁ་དུམ་པ___འཆམས་པའམ་མཐུན་པ། ཆེ་བཞི___བདེན་དཔང་། སྐུགས་སུ་བཙུགས་པ___རྒྱལ་བཙུགས་པ། སྤྱོས་པ___འཐབ་པའམ་ཁ་སྨྲས། གཞོངས་སྤྱོད་པ___ལྗོངས་རྒྱུ་བ། ཆུང་པ___ཞིང་པ། དུས་ཀྱིས་འཆུ་བ___དབང་གིས་འཆུ་བ། བཟང་མཁན___གོས་བཟོ་བ། སྤང་བ___མི་འཇིགས་པ། འགྲོང་གིས་འགྲོང་ལ་སྦྱར་བ___ཕོ་མཚན་གྱིས་ཕོ་མཚན་ལ་སྦྱར་བ། སྨྱུགས་པ___བཅུག་པ། དཀྲེ___ཕོ་མཚན་གྱི་ཏོག། སྤོགས་འགྱིད་པ___ཚོང་ཁེ་བ་ན་རྒྱག་ཅིང་མཉམ་པ་དང་གྱོང་བྱུང་བ་ན་མི་རྒྱག་པ་དང་མོད་ཉོ་དཀོན་ཚོང་ལའང་། ཀོག་རྩེ___རྒྱའམ་རྙི་རྙོང་ངོ་། ཐོར་ཏོ___རྩེ་མོ། བཏུངས་པ___བསད་པ། སྐྲི་ཤིག___ཐོང་ཤིག། བཤེས་གཉེན___ཡོན་ཏན། དཔུང་ཚོགས་ཡན་ལག་བཞི་རྨོངས་བཏབ་བམ། ནམ་སྲོས་ཀྱི་བར་དུ་བྲོངས་ཤིག། ཆུ་ལོན___རགས། མ་རེག་ཙམ་དུ་དྲུང་དུ་བསྙེན་ཏེ___ཉེ་བ། གནས་ནས་སྤེད་པ___གནས་ནས་ཕྱུང་བ། ཉེ་ཞོ་མེད་པ___ལེགས་པའམ་སྐྱོན་མེད་པའམ་བཀྲ་ཤིས་པ་ལ་སོགས་པ།
རེག་ཟིག་ལས་དྲངས།
