ཏུན་ཧོང་ཡིག་རྙིང་ཁྲོད་ཀྱི་བོད་བཙན་པོའི་ལོ་རྒྱུས་ལས་ཤོག་ལྷེ་མཐའ་མ།
བལྟམ། ཡུམ་མང་མོ་རྗེ་ནོངས་ཕར་ལོ་གཆྀག།
༄༅།
ལུགྀ་ལོ་ལ། བཙན་པོེ་པོ་བྲང་དབྱརད་ར་མཚར་ན་བཞུགསྟེ།
བློན་ཆེན་པོ་ཆུང་བཟང་གྱྀས། དབྱར་འདུན་
བྲེང་དུ་བསྡུསྟེ།
ཕ་ལོས་གྱྀ་བྱང་བུ་བོར། དགུན་ཕོ་བྲང་བྲག་མར་ན་བཞུགས། སྐྱྀ་རྣམསུ་རྒོད་གཡུང་གྱྀ་ཕ་ལོས་
ཅེན་པོ་བཀུག།
བྲག་མར་དུ་རྒྱའྀ་པོ་ཉ་ཀྭག་ཅུང་ལང་པྱག་འཙལད་པར་ལོ་གཅིག།
༄༅།
སྤྲེའུ་ལོ་ལ། བཙན་པོ་དབྱརད་བྱང་རོལ་དུ་གཤེགས་པ་ལས་སླར་འཁོར་ཏེ།
པོ་བྲང་ར་མཚར་ཏུ་བཏབ། རྒྱའྀ་
པོ་ཉ། ཅང་འགྭན་འགེདྔ།
དུར་གྱྀས་གྱྀ་པོ་ཉ་པྱག་འཚལད། ཡུལ་ཡུལ་དམག་མྱྀ་ཁྲམ་སྐྱ་བརྩྀས། དགུན་པོ་བྲང་
བྲག་མར་ན་བཞུགས།
དགུན་འདུན་སྐྱྀ་ཤོ་མ་རར། བློན་ཆེན་པོ་ཅུང་བཟང་དྔ་བློན་སྐྱེས་བཟང་གཉྀས་གྱྀས་བསྡུསྟེ་
དམག་མྱྀ་མཁོས་ཆེན་པོ་བགྱྀསྟེ་
། བཙན་པོ་བྐས་ཁྲམ་དམར་པོ་ཤོག་ཤོག་སེར་པོ་ལ་སྤོས་པར་ལོ་ཆྀག།
༄༅།
བྱ་གགྀ་ལོ་ལ། བཙན་པོ་དབྱརད་འོ་དང་ན་བཞུགས་ཤྀང།
དགུན་བྲག་མར་ན་བཞུགས། དགུན་འདུན་
དྲ་བྱེར་འདུས།
བྲུང་པ་ཞང་ཏྲེ་གོང་ཕྱུང་སྟེ། ཅོག་རོ་རྨ་གོང་བཅུག་པ་དྔ། སེང་གོ་འཕན་ལ་སྐྱེས་ཕྱུང་སྟེ།
མྱང་
འདུས་ཁོང་བཅུག་པའྀ་རྩིས་བགྱྀསྟེ།
ཇོ་མོ་ཁྲྀ་བཙུན་གྱྀ་མདད་བཏང་བར་ལོ་གཆྀག།
༄༅།
ཁྱྀ་ལོ་ལ། བཙན་པོ་དབྱརད་ཕོ་བྲང་ན་མར་ན་བཞུགས།
དགུན་བྲག་མར་ན་བཞུགསྟེ། བློན་ཆེན་པོ་ཅུང་བཟང་དྔ་
བློན་སྐྱེས་བཟང་ལྡོང་ཙབ་གཉྀས་གྱིས།
དགུན་འདུན་སྐྱྀ་བྱར་ལྀངས་ཙལ་དུ་བསྡུསྟེ། རུ་བཞྀའི་འབྲོག་སོག་
ཁུངས།
དབྱིན་ཇིའི་དཔེ་མཛོད་དང་། ཨོཋིདིཨོ་གཉིས་ཡིན།
No comments:
Post a Comment