ཟླ་བ་གཞོན་ནུ།
ཀྱེ་མ། འཇིག་རྟེན་ལགས། ངས་ཁྱེད་ཀྱི་མེ་ཏོག་བཏོགས་པ་ཡིན།
ངས་དེ་བདག་གི་སྙིང་ཁར་སྦྱར་བ་དང་ཚེར་མ་ཟུག་བྱུང་།
ཉི་མ་ནུབ་ཅིང་སྲོད་རུབ་དུས། ངས་མེ་ཏོག་རྙེད་ཟིན་པ་ཤེས་བྱུང་ལ།
ན་ཟུག་ད་དུང་ལྷག་ཡོད་པའང་རྟོགས་བྱུང་།
ཀྱེ་མ། འཇིག་རྟེན་ལགས། མེ་ཏོག་དེ་ལས་མང་བ་ཞིག
ཁྱེད་ཕྱོགས་ལ་དྲི་བསུང་དང་ལྷན་དུ་སྤོབས་པ་དང་བཅས་ཏེ་ཐོན་འོང་ངེས་ནའང་།
ངའི་མེ་ཏོག་སྒྲུག་པའི་དུས་ཚོད་ནི་ཡོལ་ཟིན་འདུག
མུན་ནག་གི་མཚན་རིང་བརྒྱུད་ནས་བདག་གི་རྒྱ་སེ་མེ་ཏོག་མེད་པར་གྱུར་མོད་ཀྱང་།
དེའི་ན་ཟུག་གི་ཚོར་བ་ད་དུང་ལྷག་ནས་འདུག
བསྒྱུར།
No comments:
Post a Comment