སུམ་པ་མ་ཤགས་ཆེད་པོ་བཞུགས།
སྤྱི་ལོ་~༨༠༠-~༡༠༠༠
སུམ་པ་མ་ཤགས་ཆེད་པོ་ཞེས་བྱ་བ།
༡། ༅།།ཿཿ།།སུམ་པ་མ་ཤགས་ཆེད་པོ་ཞེས་བྱ་བ། །ཕྱི་རབས་ཀྱི་དཔེར་བཞག་པའི་
༢། མདོ། །སྐྱེས་བུ་འ༹ཛངས་པའི་སེམས་ནི་ནམ་ཀ་ཡང་ཡི་གེར་སྣང་ལ་། །རྟ་མགྱོགས་
༣། པའི་བང་རླབས་ནི་།ངམ་འགྲོག་ཀྱང་ཐང་བུར་འདུག་གོ་། །ཉ་མ་ཤར་བས་ནི་མྱི་སྣང་
༤། པའི་བག་མྱེད་དོ། །ཕོ་འ༹ཛངས་པའི་སེམས་ལ་ནི་མི་དྲན་པའི་བག་མྱེད་། །ཕོ་འ༹ཛངས་
༥། པ་ནི་རིང་དུ་འགྲོགས་ཤིང་མཛའ༹་ལ་། །གསེར་གྱི་སྦྲམ་འབུ་ནི་སྲང་ལ་བཏབ་ཅིང་ལྕི་འོ། །
༦། བུ་ཚ་བསྐྱེད་སྟེ་སློབས་སྦྱོངས་མ་བྱས་ན་ནི་གཏི་མུག་གི་གཞི་སྟེ་། །བསྐྱེད་པའི་དོན་མྱེད་
༧། ལ་། །ལྟོ་རྒྱབ་ཀྱི་གྲོན་ཆེ་འོ༹་། །ཁང་པ་རྩིགས་སྟེ་སྒོ་མ་བཏགས་ན་ནི་རྐུན་མའི་སྲང་
༨། སྟེ་། །མཁར་ལན་གྱི་ཚེགས་ཆེ་ལ་། །བྱས་པའི་དོན་མྱེད་དོ་། །མྱི་གཡོན་ཅན་གྱི་
༩། ཚིག་སྐྱེ་རེ་ལ་ནི་ཡིད་མ་གཞག་ལ་། །རླུང་ལངས་པའི་སྤྲིན་ལ་ནི་མཚན་མར་མ་
༡༠། བཟུང་། །གཅེས་པའི་གྲོས་དང་བློ་འ༹དོད་ན་། །རྒད་པོ་ཡ་རབ་ལ་དྲིས་དང་། །འ༹ཛངས་(༡)
༡༡། ཤིང་རྒྱ་ཆེ་བ་མ་ཡིན་ཡང་། །གོམས་པའི་ཤས་ཡོད་པས་བློ་ཆེད་པོ་འབྱུང་ངོ་། །ནད་ཀྱི་
༡༢། དཔྱད་འདོད་དང་། །གཅོང་ཅན་མང་པོ་ཁ་སྡུས་དང་ནད་དཔྱད་རྣོ་འོ༹་། །ངན་འ༹ཛངས་
༡༣། མ་ཆེ་།ཚིགས་མ་ཕྲ་།གཏོག་འདོད་མ་མང་། །བློ་མ་རྒོད་། །མྱི་འཛངས་པ་ནི་མ་བསྐོས་པར་
༡༤། མྱི་འཇུག་ལ་། །ལྷ་གཉེན་པོ་ནི་མྱི་མཆོད་པོར་མི་འ༹གོ་། །མྱི་ཕ་རོལ་ཕོ་གང་དང་ཕྲད་ཀྱང་
༡༥། རུང་སྟེ་། །ཐོག་མ་ཨ་ཅང་གྱེང་བུ་དང་གྱོང་བུ་ཡང་མི་བྱ་། །ཕྱི་ནས་གཅམ་འབུ་དང་འ༹ཛངས་
༡༦། ཀྱིས་ཀྱང་མི་བསུ་། །གྲོགས་སུ་དང་འ༹གྲོགས་ཀྱང་རུང་སྟེ་། །ཕ་རོལ་ཉམ་དྲོད་དང་སྦྱར་ནས་།
༡༧། ལུས་སུ་ཅི་བྱ་བ་ཡང་བརྩོན་འགྲུས་གྱི་སྤུན་དུ་གཏོང་ངོ་། །འ༹ཛངས་ཀྱི་འ༹ཕྲུལ་བྱང་ན་ནི་། །
༡༨། ཆུང་ནས་ཡིག་རྩིས་བསླབ་ལ་། །དཔའ༹་བའི༹་ལས་འ༹དོར་དང་། །ཉམ་རྩལ་འདོར་བུར་སྦྱང་
༡༩། དཔོན་བླ་མའི་འ༹དྲུང་དུ་འདུག་ན་། །གཅམ་འ༹བུ་གསུང་ལ་མ་རྒྱུག་། ཞ་འབྲིང་སྤྱན་ལམ་(༢)
༢༠། དུ་ཆུད་ན་། །ཆུ་གང་ལུགས་ཀྱིས་བསྲུང་ལ་། །འ༹ཕྲ་མ་དང་སྐྱེ་རེ་ཡང་མ་སྨྲ་། །མྱི་ངན་པ་ཕུ་སྐྱབས་
༢༡། བཟང་པོ་རྙེད་དང་ཚིག་བཙན་ངག་དུ་གཏོང་ལ་། །གླང་རང་དབྱར་ཀྱི་སྔོ་ཟོས་དང་། དོ་གཡོག་
༢༢། ལ་ཚོལ་། །རི་ངོས་གཟར་པོ་ལ་ལྦབ་འ༹དྲིལ་པ་ནི་བཟློག་དུ་མི་བཏབ་། །མྱི་ངན་པའི༹་
༢༣། ཚིག་ནི་སྔ་བསམས་ཕྱི་མནོ་མྱེད་། །མྱི་ངན་པའི༹་ཁ་ནས་ཚིག་ངན་པ་འ༹བྱུང་བ་ནི་། །
༢༤། སླར་བདག་ལ་གནོད་། །མྱེ་ཐོག་མ་ཤིང་གི་ཁོང་དུ་བྱུང་ནས་སླར་ཤིང་ཚིག་གོ་། །
༢༥། དྲིན་མི་རླག་དུ་གཞག་པ་ན་མྱི་རླག་ལ་། །རྡོ་ས་འོ༹ག་དུ་སྦས་པ་ནི་མྱི་རུལ་།། །།
༢༦། མ་རྟོགས་པའི༹་ཚིགས་ཐོས་སློས་ལ་ནི་སྨྲ་མ་འདོད་། །མྱི་དགོས་པའི༹་ལས་ནི་བརྩོན་
༢༧། འ༹གྲུས་མ་ཆེ་། །སྤྱོམ་པ་ཕྱུག་ལ་མི་ཕན་། །བྱི་དོར་ནི་བཟང་ལ་ཕན་།ནོ། །ངག་ཁྲོ་བོས་
༢༨། ནི་ཕ་རོལ་པོའི༹་ཞེ་གཅོད་ལ་། །སེམས་གཏུམ་པོས་ནི་བདག་གི་སྲོག་ལ་ཟ་ལང་བྱེད་།
༢༩། འ༹ཕྲལ་སུར་བུས་ནི་སྔས་ཀྱི་ཉམས་ལ་མྱི་གནོད་། །ཕོ་འ༹དུས་སྐྱེས་ཚོགས་(༣)
༣༠། ནི་གཅམ་བུ་སྔོན་དུ་སྨྲ་ལ་། །རི་རྙིལ་བྲག་རྡིབ་ན་ནི་། །གཡའ༹་མ་སྔོན་དུ་འཁྲོལ་། །མྱི་ཕུང་
༣༡། དུ་བདོ་ན་ནི་། །ངན་པ་ཁ་དྲག་ལ་། །མྱེ་ཤིས་བདོ་ན་ནི་སླར་སྟེང་ནས་འབར་། །ཕོ་ལ་སྙིང་མྱེད་
༣༢། ན་ནི་སྟོན་རྟ་བརྒྱག་ལ་། །མོ་ལ་སྙིང་མྱེད་ན་ནི་དབྱར་མར་ཟའ༹་། །རྐྱ་སྐྱེན་རྟས་བོར་ན་
༣༣། ནི་ཞོལ་མ་གད་མོས་འ༹དེབས་ལ་། །འ༹ཛངས་པ་ཚིགས་འ༹ཁྲུལ་ན་ནི་། །ངན་པ་དཔྱས་
༣༤། འ༹དོགས་། །འ༹ཇིགས་སྤ་མྱེད་པར་སྡར་མ་དཔའ༹་། །རི་མོ་མྱེད་པར་བཟང་བ་ནི་སྲམ་
༣༥། ལ་། །རོ་མྱེད་པར་ཞིམ་པ་ནི་ཆུ་། །བུད་མྱེད་ལ་མདོ་མྱེད་དང་ལྕེ་མཆིལ་ལ་། ། །
༣༦། སྨྱ་ལོ་ལ་འ༹བྲས་བུ་མྱེད་ན་མྱེན་ཏོག་སྡུག་། །རས་ལམ་དྲངས་དང་ལུག་ལྦབ་དུ་འགྲོ་
༣༧། བུད་མྱེད་ཀྱིས་བློ་བྱས་དང་།སྐྱེས་པའི་སྲིད་རླག་། །སྐྱེས་པ་གཅམ་འ༹བུ་ནི་། །ཉིན་རེ་ལ་
༣༨། ཤ་རག་རེ་རེ་སྟེ་། །མ་རྟོགས་པའི༹་བསེན་མངས་དང་དགྲ་འི༹་སྨོན་འ༹བའ༹་། །མྱི་ན་
༣༩། བར་རྩི་ཐུགས་དང་། ནད་གི་གཞི་། །བུད་མྱེད་སྤྱར་ན་ནི་ནུབ་རེ་ལ་སྐྱེས་བུ་རེ་རེ་སྟེ་།(༤)
༤༠། ནལ་གྱི་རྐྱལ་བུ་། །ཆང་ཞིམ་པོ་ཐུངས་དང་མྱི་ངན་པ་འ༹ཛངས་ལ་། །ཡུལ་གྲང་མོ་
༤༡། འ༹གྲོད་དང་སྣ་སྐམ་པོ་གཤེར་། །ཁ་ས་བཟའ༹་ཉེས་དང་ནད་ཀྱི་གཞི་ལ་། །ཕུ་ནུ་དབབ་
༤༢། ཉེས་དང་དགྲའི༹་སྣོན་འ༹བའ༹་། །ཁྱིམ་ཁྱི་མྱི་སྲུན་བ་གཅིག་ཀྱིས་ནི་། གྲོང་ཁྱེར་ཅིག་
༤༣། སྲུང་ལ་། །བུད་མྱེད་མྱི་སྲུན་བ་གཅིག་ཀྱིས་ནིས་ཕ་ཙན་དང་གཉེན་སྡུག་ཀྱང་འ༹བྱེད་
༤༤། ནུས་སོ་། །བཙན་ཤེས་ན་འ༹ཇིགས་པ་མྱེད་ལ་། །ཕྱུག་ཤེས་ན་གང་ཡང་མྱི་ལུད་། །
༤༥། རྟ་མགྱོགས་པའི་དྲུང་དུ་དྲེའུ༹་གཤང་ཡང་མ་རྒྱུག་ལ་། །སྐྱེས་པ་འ༹ཛངས་པའི༹་མདུན་
༤༦། དུ་བུད་མྱེད་སྒྲིན་ཡང་མ་སྨྲ་། །བུ་སྒྲོ་ཅེ་ཅན་ཀྱིས་ནི་སྲིད་གི་ལམ་གཅོད་། །ཕྱུགས་རྡུང་
༤༧། འ༹ཁུས་གཅིག་ཀྱིས་ནི་དངོས་ཀྱི་སྲོག་གཅོད་ལས་མྱི་ནུས་། །ཕོ་འ༹ཛངས་པ་་དང་རྟ་
༤༨། མགྱོགས་པ་ནི་ཕྱིར་བྱུང་དང་གྲགས་། །བུད་མྱིད་[མྱེད]དང་གཡུ་རྙིང་ནི་ཕུགས་སུ་སྦས་
༤༩། དང་བཙུན་ནོ་། །མཁར་རྩི་དགུ་ནི་བཤིགས་ཀྱིས་མྱི་ཤོགས་ལ་། །ཕྱིར་མང་ཞིང་(༥)
༥༠། རླབས་ཀྱིས་མྱི་ཟད་པ་ནི་། །སྐྱེས་པའི༹་བུ་འོ༹་། །རི་བོ་ཐུད་སུམ་ནི་། །དྲལ་གྱིས་མྱི་རལ་
༥༡། ལ་། །ངག་ལྕེ་ཚུལ་དུ་ཤེས་པ་ནི་། །དབྱལ་མོ་ཞིང་གྱི་ནང་དུ་བྲིན་བར་ཆེ་འོ༹་། །གཞུང་ལ་
༥༢། བརྟན་ན་སྲིད་ཆེ་། །སྟག་རིས་བཀྲའི༹་བུ་ནི་།ཆེ་བ་ཚང་ནས་རྣོ་ལ་། །མྱི་ཡ་རབས་ཀྱི་བུ་
༥༣། ནི་ཆུང་ནས་འ༹ཛངས་སོ་། །འབྲོང་ཆེ་གཟས་ལས་བཀྲམ་ན་། །སྤྲ་ཞར་གཞུ་རྡུང་
༥༤། ལ་། །ཡུ་སྨྲད་ཐུར་དུ་འ༹དྲིམ་ན་། །ཁྱིམ་ཁྱི་ཡང་གླགས་ལྟ་། །བཅུ་རུ་ཆུ་ལྷགས་དང་།
༥༥། སྦལ་ལྕོང་ཡང་སྲབ་ཐོགས་། །དབུལ་བརྙེན་པོས་བརྙེན་ན་ནི་། །ཕྲག་པ་རྡོལ་རྡོལ་དུ་གྱོན་ལ་།
༥༦། མགོ་ཆད་ལ་རྟ་བསྐྱོན་ན་། །ཕོ་ཉའི༹་ཐང་དུ་རྒྱུག་གོ་། །འབངས་མོ་གསེར་གཡུས་
༥༧། བརྒྱན་ནའ༹་། །བཙན་མོ་འ༹གྲོས་སུ་འགྲོས་ལ་། །ཟྭ་ལྕམ་ཆར་པས་བཏབ་དང་།ཐང་ཤིང་
༥༨། ལྡེམ་སུ་ལྡེམ་། །མཆིལ་པ་སྒུམ་འ༹བུས་འདྲངས་དང་།བྱ་རྒོད་སྦུངས་སུ་སྦུངས་། །མྱི་གཞུང་ཅེན་
༥༩། གི་གཉེན་རབས་དགུ་ནི་། །ཚ་བོས་བསམས་ན་ཞང་པོ་བཙུན་ནོ་། །ཤིང་སྡོང་ཅེན་གྱི་རྩེ་མོ་(༦)
༦༠། ནི་འ༹དོམ་བཅུ་ལ་། །འགྲེང་མྱི་ཡང་ཕ་མ་བཙལ་ཀྱིས་མྱི་རྙེད་དོ་། །རྗེ་དཔོན་བྱམས་པ་
༦༡། འ༹ཁོར་ཞིང་ཡི་མ་བཅད་ལ་། །གངས་དཀར་པོ་ལ་ལྟ་ཞིང་དམྱིག་མྱི་རུལ་། །སྐྱེས་པ་
༦༢། འ༹ཛངས་པ་ནི་ཚུལ་ལས་མངོན་ལ་། །བུད་མྱེད་འ༹ཛངས་སྨ་ནི་ཟས་ལས་སྣང་ངོ་། །ཆང་དད་
༦༣། ཅེན་ཀྱིས་ཆུང་ཐངས་ནི་ངོམས་པའི༹་དུས་མྱེད་ལ་། །ནོར་དད་ཅན་ཀྱིས་ནོར་མཐོང་ན་ནི་། །
༦༤། ལུས་བཙོངས་ཀྱང་ཆོག་མྱི་ཤེས་སོ་། །མནའ༹་མཐོ་ཤག་རག་ནི་།ཆུ་གང་ལུགས་
༦༥། ཀྱིས་བསྲུང་ལ་།ན་ཅུངས་གཞོ་ནུ་ནི་།ཙིག་འ༹ཕྱོ་མའི༹་གནས་སོ་། །ཡ་རབས་
༦༦། ང་རྒྱ་ཆེ་ནི་ཚིག་བརྟན་ལ་། །མ་རབས་ཁ་སྒྲིན་ནི་ཚོར་ངས་། །འ༹ཛངས་གྲགས་པ་ལ་
༦༧། ནི་།ངན་གླེན་འ༹བས་མྱི་བཅོས་ལ་། །མགྱོགས་འ༹ཕྱོགས་པ་ལ་ནི་། །བུལ་རྡིག་པོས་མྱི་
༦༨། བསྒྲུན་། །དབུལ་པོ་རྒོད་པོ་ནི་རྒན་སྲ་། །རྨང་པོ་ཕྱུག་པོ་ནི་།རྒན་སྙི་། །བུད་མྱེད་འ༹ཛངས་སྨྲ་
༦༩། ནི་སྲིས་སྨྲེ་ལ་། །སྐྱེས་པ་འ༹ཛངས་པ་ནི་སྲིད་ཆེ་འོ༹་། །ཟས་ཞིམ་པོ་ནི་འ༹གྲོན་ལ་གཅེས་ལ་། །(༧)
༧༠། ངག་བཟང་པོ་ནི་སྲིད་ཆེད་པོ་ལ་དམྱིགས་སོ་། །མྱི་མང་པོ་ལ་ལོག་ཆུན་དུ་མྱི་སྨྲ་། །ཆུ་ཆུང་ངུན་ལ་
༧༡། གཟིངས་རབ་དུ་མྱི་འ༹བོག་གོ་། །རབས་ཀྱིས་མྱི་ཉེ་བ་ལ་ཉེ་བར་སེམས་པ་ནི་འ༹གའ༹་འོ༹་། །ཕུ་ནུ་རབས
༧༢། ཀྱིས་ཉེ་བ་ལ་རིང་དུ་སེམས་པ་ནི་སྲིན་སྙིང་ངོ་། །འ༹ཛངས་ཀྱིས་འ༹ཛངས་བསྟོད་ན་ནི་། །གནམ་ཀྱི་ཕྲུ་ཀ་
༧༣། ལ་ཅན་ཀྱིས་ངན་ཀྱིས་ངན་སྨད་ན་ནི་ས་དགུ་རིམ་གི་འོ༹ག་གོ་། །ཉེ་དུ་ཕྱུག་པོ་ནི་ཞག་གྱི་གནས་ལ་།། །།
༧༤། ཕུ་ནུ་དབུལ་པོ་ནི་ཚེ་རབས་ཀྱི་སློང་སྨོ་འོ་། །འ༹ཛངས་པས་མངོན་དུ་སྨྲས་པ་ནི་།ངན་པས་མྱི་གོ་ལ་
༧༥། བཟོ་བོས་མངོན་དུ་དྲས་པ་ནི་། །མྱི་བླུན་པོས་མྱི་མཐོང་ངོ་། །འ༹ཛངས་པས་གྲོས་བཏབ་ན་ནི་། །
༧༦། ན་བའི་སྲང་དུ་ཐལ་ལ་། །ངན་པས་ཟུར་བཙགས་ན་ནི་། །ཐང་དབེ་ཆེ་ལ་ལྒོ་ཐོང་ཡང་གཡང་ཟའོ༹་། །
༧༧། རྩི་དོག་སྐམ་པོའི༹་རྩི་བ་ནི་ས་དགུ་རིམ་འོ༹ག་ནས་ལྡང་ལ་། །ལོ་དྲུང་མྱེད་པའི༹་བསྙེད་ནི་གནམ་
༧༨། འ༹བབས་སུ་ཡང་འབབས་བོ་། །ངན་གཏུམ་ཁྲོ་ལ་ནི་ལེགས་ཉེས་མཚུངས་། །དབུལ་པོ་
༧༩། བཀྲེས་པ་ལ་ནི་ཞིམ་དངར་འདྲའོ༹་། །དྲོལ་བ་སྐྱོན་ཅན་ནི་བཙན་གི་ཕྱག་སྦལ་དུ་རུང་རྒྱུག་ལ་། །(༨)
༨༠། རྨང་པོར་ལུག་གཟས་རྒོད་པ་ནི་འ༹ཕར་སྤྱང་གྱི་འ༹ཚལ་མ་འོ༹་། །རྐུན་པོ་སྙོན་ངས་ནི་འ༹ཚེར་
༨༡། ཞིང་ཤེགས་འ༹དེབས་ལ་། །རི་ཁྱི་སྔོན་པོ་ནི་རིངས་ཤིང་ཁམ་ཆེ་འོ༹་། །སྟག་སྡེར་དང་
༨༢། མཚུངས་།བཙན་གི་ཁར་བླངས་རྒོད་གཤོག་དང་མཚུངས་། །མགྱོགས་ཀྱི་ལུས་ཆགས་
༨༣། དཔག་ཐེག་དྲག་ཀྱིས་ན་རྒོད་ཀྱི་དོན་ཐོབ་ལ་། །འ༹ཛངས་པའི་ཚིག་གཅིག་ཀྱིས་ནི་དགྲ་ཟུན་
༨༤། གྱི་སེམས་རངས་སོ་། །ལྟོ་འདྲངས་ཀྱིས་ནི་ཐོང་ཀའི་ཚིག་ཡངས་། །རྒྱབ་བརྒྱས་ཀྱིས་ནི་མ་
༨༥། འ༹དྲམས་ཀྱང་སྤུ་རྩུབ་། །དབྱར་འ༹དབ་འཇམ་པོ་ལ་ཚེར་མ་རྩུབ་མོ་སྐྱེས་ལ་། །ཉེ་དུ་ཉེ་བ་ལ་
༨༦། ནི་དགྲ་གཡག་འ༹དོར་པ་འབྱུང་ངོ་། །འོ༹ག་རྟ་བཟང་པོ་ནི་ཆུག་མ་བས་གཅེས་ལ་། །ཤེག་
༨༧། རག་གཞུང་ཅེན་ནི་ཕུ་ནུ་དགྲ་མ་ཟུན་བས་ཉེའོ༹་། །དབྱར་དྲི་གཤིན་བས་ནི་རྦེག་པ་ཡང་
༨༨། དཀྱུག་ལ་། །རྗེ་ནན་ཀྱིས་མནན་ན་ནི་། །གོར་འ༹ཕའ༹་[ཕ]བོང་ཡང་འ༹དྲིལ་ལོ་། །
༨༩། དབུལ་པོའི༹་སེམས་ལ་ནི་མ་རྙེད་ན་བཟའ༹་ལ་། །རྨང་པོ་ཤ་ཚགས་པ་ནི་ནམ་ནུས་ན་གཉེར་(༩)
༩༠། རོ་། །འ༹ཛངས་ངག་འ༹ཇམ་ལ་ནི་།མུ་སུ་ལ་ཕྱི་ཡང་གཉེན་སྡུག་པ་བས་བྱམས་། །
༩༡། དབང་པོ་གསོལ་ཀ་སྲ་ན་ནི་། །འ༹བངས་གི་སྲིད་འ༹ཁྱམས་ལ་། །བཙོ་ཟངས་རྣ་བ་སྲ་ན་ནི་། །
༩༢། གཟང་སྨྱུང་ཡང་ཁོ་ར་ཡུག་། །དབུལ་པོའི༹་བུ་ནི་རྒན་མྱེད་ན་གཞོན་བསྙོམས་། །རྨང་
༩༣། པོའི་བུ་ནྀ་ནོར་མྱེད་ལ་སྟོབས་སྙོམས་སོ་། །བུད་མྱེད་ལ་སྲོལ་འ༹དུས་མྱེད་པས་སླུར་བཏུབ་བོ་།
༩༤། བྲག་ལ་གཡང་བསྐྱབས་དང་འ༹ཕང་སྤྱང་རི་ལས་ལྡང་། །ཕུགས་ནས་ཆུ་ག་མ་འ༹ཁུས་དང་རྩོད་པ་སྒོར་
༩༥། འ༹བྱུང་ངོ་། །འ༹ཚོ་བ་རྣས་གཉིས་ནི་ལོང་སྤྱོད་སྲོག་ཀྱི་བརྟེན་ལ་། །དགེ་བའི༹་བསོད་ནམས་ནི་
༩༦། འ༹ཇིག་རྟེན་ཕྱི་མའི༹་ལམ་མོ་། །རྗེ་བློན་ཕུགས་ན་གཞགས་ན་བཀའ་ཁྲིམས་ཀྱི་གདན་
༩༧། འ༹ཆོམས་ལ་། །ཕྱི་སྦྲུམ་སྦལ་ན་ཉལ་ན་ཡང་གཟར་སྐར་ཀྱི་གྲངས་འ༹ཛིན་ནོ། །བཙན་གི་
༩༨། རྗེ་བླས་ལ་ཡེངས་མ་ངའ༹་། །བདག་གི་སྒོ་ཆིས་ལ་ནི་ངང་མ་ཐུང་། །ཁོངས་ཡངས་རྒྱུ་རིངས་ཀྱིས་
༩༩། ནི་ཕྱི་ནང་གི་སྲིད་བཙལ་ལ་། །ངག་འཇམ་ཚིག་སྙེན་[སྙན]ཀྱིས་ནི་།ཕ་རོལ་པོའི་སེམས་སྲུང་།། །། (༡༠)
༡༠༠། དུས་ངན་གི་སེམས་ཤན་ནི་འཁྲུག་པ་ཕྱིར་ཞིང་མང་ལ་། །ཕྲག་དོག་པའི༹་མྱི་ནི་ཞེ་
༡༠༡། སྡང་མྱེ་ལྟར་འ༹བར་། །ཕ་མྱེས་འ༹ཛངས་པའི་རྗེས་བསྙགས་ན་། །བཀའ༹་གྲིམས་[ཁྲིམས]ཀྱི་
༡༠༢། གཞུང་བསྲུང་ལ་། །བྱམས་སྡང་ལེགས་ཉེས་ངོ་ཤེས་ན་། །དོན་གི་དམྱིགས་མ་ནོར་བ་ཞེས་
༡༠༣། བྱ་འོ༹་། །ཐང་རང་ལེགས་པ་ནི་། །ཕུ་ནུ་ཉིད་ཀྱིས་ཀྱང་མྱི་ནུས་ལ་། །རྟག་པར་ཉེས་པ་
༡༠༤། ནི་མུ་སུ་དགྲས་ཀྱང་མྱི་བྱེད་དོ་། །ལེགས་ཉེས་ཅིར་གྱུར་ཡང་ཡིད་ལ་རྩིས་ཤིག་། །བཀའ་
༡༠༥། ལུང་ཉམས་སུ་བླངས་ན་དྲང་རྐན་སྲོག་གི་རྟེན་ལ། །ཐོག་དུ་བབ་པར་བྱས་ན་།རྩིས་འ༹གོ་འ༹ཛངས་
༡༠༦། ཀྱི་ཐུད་མ་། །བུ་ཚ་འ༹ཛངས་པ་སྐྱེས་ན་། །དཔལ་དམྱིག་ཀྱིས་མཐོང་ངོ་། །ཆུང་མ་འ༹ཛངས་
༡༠༧། མ་བླངས་ན་ཁར་རྗེ་ལག་དུ་ཐོབ་ཞེས་བྱའོ་། །བུ་ཚ་ངན་པ་སྐྱེས་ན་ནི་།སྲིད་ཀྱི་གཟུངས་རླག་
༡༠༨། ལ་ཡུལ་གི་མཐའ༹་འ༹གོང་ངོ་། །བུ་སྲིང་ངན་མ་སྐྱེས་པ་ནི་།ཕ་མྱོང་གྱི་རུས་བཙོང་ངོ་། །ཕ་
༡༠༩། བས་བུ་འ༹ཛངས་ན་ནི་།སྤང་ལ་མྱེ་ཐར་པ་བཞིན་ལ་། །ཕ་བས་བུ་ངན་ནི་། །མཚལ་ཆུས་(༡༡)
༡༡༠། དེད་པ་དང་འདྲའོ༹་། །གཉེན་དགུ་བྱམས་པས་བོར་ན་ནི་། །གཡུལ་ངོར་རྟས་བོར་བ་དང་འདྲའོ༹་། །
༡༡༡། བུ་འ༹ཛངས་པས་བོར་ན་ནི་།ཆར་པ་བབ་ན་ཕིང་པ་མྱེད་དང་འདྲའོ༹།།ཁྱི་སྤྱང་ལྟོགས་པ་ལ་ནི་ཚོས་རྗེན་མྱེད་དོ་།།མྱི་ངན་
༡༡༢། པའི༹་ལས་ནི་དེང་བྱ་སང་བྱ་ལ་ལུས་ལ་། །མོ་ངན་པའི༹་སྲིས་ནི་ཁམ་ཏོག་རྔུ་བཏོག་ལ་ཟད་དོ་། །
༡༡༣། མ་འ༹ཛངས་བུ་འ༹ཛངས་ན་ནི་གསེར་ལ་གཡུ་སྤྲས་ལ་། །མ་ངན་བུ་ངན་ནི་ནི་ཁང་རུལ་དུ་ལུད་
༡༡༤། སྤུངས་པ་དང་འདྲའོ༹་། །མྱི་ཕྱུག་པོ་ལ་ནི་དབང་པོ་ནོར་དད་ཅན་ཀྱིས་ཕུང་ལ་། །མྱི་འ༹ཛངས་
༡༡༥། པ་ནི་ངན་པ་ཕྲག་དོག་ཅན་ཀྱིས་རླག་གོ་། །ཟོང་དུ་ནི་སེམས་བཟང་། །ནོར་དུ་ནི་སྲིད་ཆེ་། །དཔའ༹་བོའི༹་
༡༡༦། ཆུ་གང་ནི་ཤིས་མྱི་འ༹ཇིགས་ལ་། །འ༹ཛངས་པའི༹་དྲན་མྱུར་ནི་ཤེས་མྱི་བྲེལ་ལོ་།། །།
༡༡༧། འ༹ཛངས་འ༹ཇམས་དེས་ཀྱིས་བཀོལ་ན་ནི་། །མྱི་རྒོད་ཀྱང་ཕ་གོལ་དང་མཆུངས་[མཚུངས]ལ་། །ངན་
༡༡༨། གཏུམ་པོས་སྐྲོགས་ན་ནི་།བྱམས་པ་དྲིན་ཅེན་ཀྱང་དགྲར་འ༹གྱུར་རོ་། །ལས་དད་ཅན་ཀྱིས་ལས་
༡༡༩། བྱས་ན་ནི་། །དགུང་ཁྲོད་ཀྱང་ཞིང་ལོག་མོ་དང་འ༹དྲ་ལ་། །མ་ཉེས་པར་བསད་པ་ནི་།སྦྲུལ་
༡༢༠། གཏུག་པོ་ཡང་སྙི་[སྙིང]རྗེ་འོ༹་། །ལྷས་མ་བཞེད་པར་ལུག་བཤད་པ་ནི་དམེར་འ༹གྱར་རོ་། །དྭ་བཤེས་(༡༢)
༡༢༡། མྱེད་ན་ནི་མུ་སུ་དགྲ་ལ་ཡང་སྡུག་ལ་། །བྱུར་ངན་ནད་བུ་ཅན་ལ་ན་[ནི]ཡི་དགས་ཀྱང་སྙིང་རྗེ་འོ༹་། །
༡༢༢། ཆར་བབས་རྫིས་བཏབ་ན་ནི་། །བྲག་ཕུག་སྐམ་པོ་ཡང་རླན་ལ་། །ནང་བྱམ་ཀྱིས་བློ་བྱས་ན་ནི་།
༡༢༣། ཁང་པ་དགུ་རིམ་ཡང་མྱི་བརྩན་ནོ་། །འ༹ཕྱོན་མ་ཉལ་པོ་སྒུག་ན་ནི་།དམུ་ལྕམ་ཡང་བྱི་ཕྱིན་
༡༢༤། ལ་། །འ༹ཛངས་པ་ཡུལ་ནས་ཕྱུངས་ན་ནི་ཁྱམས་ལ་། །རྣོན་པོ་ཤུབས་ནས་ཕྱུང་ན་རྟུལ་ལོ་། །
༡༢༥། མྱི་མ་འ༹དྲིས་ན་ནི་།རྒོད་ཀྱང་དགྲ་འི༹་ཚུལ་ལ་། །ཡུལ་མ་འདྲིས་ན་ནི་།ཉིན་ཡང་མཚན་དང་
༡༢༦། མཚུངས་སོ་། །འ༹བྲོག་ལྕོག་སྦུ་གུ་ནི་།ནམ་ནངས་སུ་དགའ༹་ལ་། །སྲིན་འ༹བྱ་[བྱ]འུག་
༡༢༧། པ་ནི།མུན་སྲོས་སུ་སྨོན་ནོ་། །ཕ་མྱེས་འ༹ཛངས་པ་ལ་བུ་ཚ་ངན་པ་སྐྱེས་པ་ནི་།གྲལ་གྱི་
༡༢༨། མཐའ༹་ནས་སྨྲ་ལ་།འོ༹ག་རྟ་རྗེས་བོར་ན་ནི་།བྲིས་གྱི་མཐའ༹་འཁོར་རོ་། །ངན་བློ་
༡༢༩། རྟུལ་ཀྱིས་ནི་།འ༹ཛངས་རྣོན་པོ་ལ་མྱི་བསྣམ་ལ་། །དགུན་ཁ་བས་ནི་།རི་མྱི་གྲང་ལ་། །
༡༣༠། གཙོ་རྭ་སྙོམ་ཀྱིས་ནི་།ཁྱི་ཕུང་ལ་།མྱི་བདག་སྙོམ་ཀྱིས་ནི་།སྲིད་བརླག་གོ་། །མྱི་ངན་(༡༣)
༡༣༡། པའི༹་སེམས་ནི་།ཆང་ཀྱིས་བསྐྱེད་ལ་།ར་ཕོད་ཀྱི་རྭ་ནི་རླིག་ཕས་བསྲིངས་སོ་། །སྣ་མ་
༡༣༢། བླན་པའི༹་ཆུང་མ་ནི་།བྱི་མོ་དང་འ༹དྲའ༹་ལ་། །སྲིད་མ་འ༹དུས་པའི༹་ཕུ་ནུ་ནི་མུ་སུ་དགྲ་དང་
༡༣༣། འ༹དྲའོ༹་། །འ༹ཛངས་ཀྱིས་སྣ་དྲངས་པ་ནི་ངན་པ་སྒོ་མྱི་འབྱེད་ལ་། །མགྱོགས་ཀྱིས་
༡༣༤། སྣ་མ་དྲངས་ན་ནི་རྒོད་གྱི་གོང་མྱི་གཅོད་། །རྗེ་སྒམ་པོ་ཡང་དཔེ་མྱི་ལས་ལེན་ལ་།མགྱིགས་
༡༣༥། བཅུ་རི་ཡང་བང་ལྕུག་ཀྱིས་འ༹བྱུང་། །ལྒེའུ་འ༹བྲིམ་སྔ་ཡང་མགྱིགས་ཀྱི་སྒྲོམ་འོ༹ག་ལ་། །
༡༣༦། བྱེའུ༹་འ༹ཕུར་སྔ་ཡང་ཁྲའི༹་སྤར་ཐབས་། །བྱེ་མ་ས་རྡོ་ནི་སྤྱད་ཅིང་སྙི་ལ་། །མྱི་ལྤགས་རིམ་དགུ་
༡༣༧། ནི་སྤྱད་ཅིང་གསར་། །ཕ་མ་གཉིས་ནི་བཙལ་ཀྱིས་མྱི་རྙེད་ལ་། །མྱེ་དང་ཆུ་ནི་མྱེད་དུ་མྱི་
༡༣༨། རུང་། །གཅམ་འབུ་མདོ་མྱེད་ནི་བྱ་དགུར་མྱི་ཉེན་ལ་། །ཤ་ལྤགས་རློན་པ་ནི་དྲང་དགུར་
༡༣༩། རིང་ངོ་། །གཉེན་མཐའ༹་གཤིན་ནི་འཚོལ་ལ་། །ཤ་མཐའ༹་གཤིན་ནི་འ༹ཆི་འོ་། །
༡༤༠། ཐང་ཤིང་གཅིག་འགྲེང་ན་། །ནགས་མཐའ༹་མྱེད་ལ་ཟུག་ལ་། །ཆུ་མྱིག་རྔོན་ཅུང་ནི་(༡༤)
༡༤༡། རྒྱ་མཚོ་འི༹་རྩ་འོ༹་། །་ཤ་ཟ་གྲི་རྣོ་ན་ནི་བཅད་རེ་ཡང་ཞིམ་རེ་ལ་། །གཏམ་གྱི་གྲོགས་
༡༤༢། བཟང་ན་ནི་། །གཏམ་རེ་ཡང་འ༹ཛུམ་རེ་འོ༹་། །མྱི་བཏུལ་ན་ནི་ཚིགས་དང་རླབས་ཀྱིས་
༡༤༣། བཏུལ་ལ་། །མཉེད་བཏུལ་ན་ནི་། །ཡབ་དང་དྲུད་ཀྱིས་བཏུལ་ལོ་། །བུད་མྱེད་མོ་ལྕམ་
༡༤༤། བཟང་མོས་ནི་། །སྐྱེས་ངོ་མར་གྱི་རབས་གཅོད་ལ་། །འ༹བྲོག་རྩྭ་བཟང་ཡང་རྐང་འ༹གྲོས་
༡༤༥། དབྱར་རྗུད་དོ་། །ཚྀག་བཏང་ལེགས་ན་ནི་སྲིད་ཀྱི་ཡུ་བ་ལ་། །ཁ་སྨྲས་ཉེས་ན་ནི་བདུད་ཀྱི་སྒོ་
༡༤༦། མོ་། །འ༹ཁམ་སར་གྲི་རྣོན་བསྐུར་བ་ནི་།རྒྱུ་འི༹་གྲོན་ཆེ་ལ་། །དེ་བས་ན་འ༹ཛངས་བྱམས་
༡༤༧། པས་བསྟན་པ་ནི་། །སྲིད་ཀྱི་དོན་དང་མདུད་པར་ཟུང་ཤིག་།། །།
༡༤༨། སུམ་པ་མ་ཤགས་ཆེད་པོ་བསྟན་པ་རྫོགས་སྷོ་།། །།(༡༥)
སློབ་དཔོན་ཟླ་བ་གཞོན་ནུས་སྤྱི་ལོ་༢༠༢༥ལོའི་སྤྱི་ཟླ་༣པའི་ཚེས་༢༣ཉིན་བསྒྲིགས་པ་དགེའོ། །
©[ཨཋཇ༠༧༣༠] [ཕཋ༩༩༢]
འདིའི་སྐོར་གྱི་འཆད་ཁྲིད་ལ་གསན་འདོད་ན་འདིར་ནོན།
