-->

Dec 28, 2011

ཀླུ་ཀུན་ཏུ་དགའ་བའི་ཟློས་གར། ༢

ཀླུ་ཀུན་ཏུ་དགའ་བའི་ཟློས་གར་ཞེས་བྱ་བ་བཞུགས་སོ།། དཔལ་ལྡན་དགའ་བའི་ལྷ།
༼དེ་ལྟར་བྱས་སོ།།༽༼དེ་ནས་མ་ལ་ཡ་ཅན་མ་དང་། འབངས་མོ་ཞུགས་ཏེ་ས་ལ་འདུག་ནས་རྒྱུད་མངས་སྦྲེང་བར་བྱེད་དོ།།༽ འདྲེན་མས། ༼གླུ་ལེན་པ༽ གཽ་རཱི་རབ་རྒྱས་པདྨའི་གེ་སར་གྱི།། དངུལ་ལྟར་དཀར་བའི་འོད་ཅན་བཅོམ་ལྡན་མ།། ཁྱོད་ཀྱི་བཀའ་དྲིན་དག་གིས་བདག་གི་ནི།། མངོན་པར་འདོད་པ་རབ་ཏུ་གྲུབ་པར་མཛོད།། འདྲེན་པས། ༼རྣ་གཏད་ནས༽ ཨེ་མ་ཧོ་གླུ། ཨེ་མ་ཧོ་རོལ་མོ། འདི་ལ་གསལ་བྱེད་ཀྱི་དབྱངས་རྣམ་པ་བཅུ་བོ་འདིས་གསལ་བ་ཐོབ་ཅིང་། མྱུར་བ་དང་། བར་མ་དང་། དལ་བའི་སྟབས་རྣམ་པ་གསུམ་རབ་ཏུ་གསལ་བར་ཡོངས་སུ་བཅད་དེ། བ་ལང་གི་རྔ་མ་ལ་སོགས་པ་རྣམ་པ་གསུམ་གྱི་རིམ་པས་ངལ་གསོ་བར་བྱས་པ་དེ་ཁོ་ནའི་ཚོགས་ཀྱི་རྗེས་སུ་འབྲང་བའི་རོལ་མོའི་ཆོ་ག་ཡང་དག་པ་གསུམ་བསྟན་ཏོ།། འབངས་མོས། རྗེའི་སྲས་མོ་ངེས་པར་ཡུན་རིང་དུ་གླུ་དག་བླངས་ནས་ཁྱོད་ཀྱི་ལག་རྩེ་དག་ཡོངས་སུ་མི་ངལ་ལམ།འདྲེན་མས། གྲུང་མོ། བཅོམ་ལྡན་མོ(ལྷ་མོ)འི་མདུན་དུ་རྒྱུད་མངས་སྒྲོགས་པར་བྱེད་པ་ལ་བདག་ག་ལ་ངལ། འབངས་མོས། ༼སྨོད་པ་དང་བཅས་པར༽ རྗེའི་སྲས་མོ་ཀྱེ། བརྩེ་མེད་མ་འདིའི་མདུན་དུ་རྒྱུད་མངས་བསྒྲགས་པས་ཅི་ཞིག་བྱ་ཞེས་བདག་སྨྲའོ།། གང་ཞིག་འདི་སྙེད་ཀྱི་དུས་སུ་སྐྱེ་བོ་གཞོན་ནུ་མའི་དཀའ་ཐུབ་བསྙེན་ནས་ངེས་པ་ལ་གནས་པས་བསྟན་ཀྱང་ད་དུང་ཁྱོད་ལ་དང་བར་མི་སྟོན་ནོ།། བིདཱུཥཀས། ༼ཐོས་ནས༽ ཀྱེ་གྲོགས་པོ། འདི་ནི་ངེས་པར་གཞོན་ནུ་མ་སྟེ་ཅིའི་ཕྱིར་མི་ལྟ།འདྲེན་པས། སྐྱོན་ཅི་ཡོད། གཞོན་ནུ་མ་ལྟ་བ་ནི་སྐྱོན་མེད་པ་ཉིད་དོ།། འོན་ཀྱང་གལ་ཏེ་ན་བདག་ཅག་མཐོང་ནས་འཇིགས་ཏེ། ངོ་ཚ་བ་གཞོན་ནུ་མ་ལ་རྙེད་སླ་བས་འདིར་ཡུན་རིང་དུ་མི་སྡོད་པ་མི་སྲིད་དོ།། དེས་ན་རེ་ཞིག་འཁྲི་ཤིང་གི་དྲ་བ་འདིས་བསྒྲིབས་ཏེ་བལྟ་བར་བྱའོ།།༼གཉི་གས་བལྟས་ཏེ༽ བིདཱུཥཀས། ༼ཡ་མཚན་དང་བཅས་པར༽ ཀྱེ་གྲོགས་པོ། ལྟོས་ཤིག་ལྟོས་ཤིག ངོ་མཚར་རོ།། ངོ་མཚར་རོ།། རྒྱུད་མངས་ཀྱི་སྒྲས་རྣ་བའི་བདེ་བ་སྐྱེད་པར་བྱེད་པ་འབའ་ཞིག་ཏུ་མ་ཟད་དེ། རྣམ་པར་ཤེས་པའི་རྗེས་སུ་མཐུན་པའི་གཟུགས་འདིས་མིག་གི་ཡང་བདེ་བ་སྐྱེད་པར་བྱེད་དོ།། དེའི་ཕྱིར་འདི་ནི་སུ་ཞིག་ཡིན། ཅི་ལྷ་མོའམ། ཀླུའི་བུ་མོའམ། ཡང་ན་རིག་པ་འཛིན་པའི་བུ་མོའམ། ཡང་ན་གྲུབ་པའི་རིགས་ལས་འཁྲུངས་པ་ཞིག་གོ། འདྲེན་པས། ༼རྣམ་པར་ལྟ་ཞིང་ཆགས་པ་དང་བཅས་པར༽ གྲོགས་པོ། འདི་སུ་ཞིག་ཡིན་བདག་གིས་མ་རྟོགས་སོ།། བདག་གིས་འདི་ཙམ་ཤེས་ཏེ། གལ་ཏེ་མཐོ་རིས་བུ་མོ་ཡིན་ན་འཕྲོག་བྱེད་མིག་སྟོང་ལྡན་དེས་དོན་བྱས་འགྱུར།།གལ་ཏེ་ཀླུ་ཡི་བུ་མོ་ཡིན་ནའང་འདིའི་གདོང་ཡོད་ཚེ་ས་འོག་ཟླ་བས་སྟོང་བ་མིན།།གལ་ཏེ་རིག་འཛིན་མ་ཡིན་གཞན་རིགས་ལས་རྒྱལ་བདག་ཅག་རིགས་ནི་འབྲས་དང་བཅས།།གལ་ཏེ་གྲུབ་རིགས་ལས་སྐྱེས་དེ་ཕྱིར་གྲུབ་པ་འཇིག་རྟེན་གསུམ་དུ་གྲགས་པར་འགྱུར།། བིདཱུཥཀས། ༼འདྲེན་པ་ལ་བལྟས་ནས་དགའ་བ་དང་བཅས་ཤིང་རང་ཉིད་ཀྱིས་རྟོགས་པར༽ ཨེ་མའོ།། ཡུན་རིང་བོ་ཞིག་ནས་ཡིད་སྲུབས་ཀྱི་སྤྱོད་ཡུལ་དུ་ལྷུང་བར་གྱུར་ཏོ།། ༼བདག་ཉིད་ལ་སྟོན་ཅིང་།༽ ཡང་ན་མ་ཡིན་ཏེ། བྲམ་ཟེ་བདག་གིའོ།། འབངས་མོས། ༼མཛའ་བ་དང་བཅས་པར༽ཀྱེ། བརྩེ་མེད་མ་འདིའི་མདུན་དུ་རྒྱུད་མངས་བསྒྲགས་པས་ཅི་ཞིག་བྱ། ༼ཞེས་ཏེ་རྒྱུད་མངས་འཕངས་སོ།།༽ འདྲེན་མས། བུ་མོ། བཅོམ་ལྡན་མ་གཽ་རཱི་ལ་མ་སྨད་ཅིག ཀེ དིང་བཅོམ་ལྡན་མས་བཀའ་དྲིན་མཛད་པ་བཞིན་ནོ།། (དེ་རིང་བཅོམ་ལྡན་མས་བདག་ལ་མཆོག་བྱིན་ནོ།།) འབངས་མོས། རྗེས་སྲས་མོ། རེ་ཞིག་ཅི་འདྲ་བ་དག་སྨྲོས་ཤིགའདྲེན་མས། བུ་མོ། ངེས་པར་དེང་རྨི་ལམ་དུ་བདག་འདི་བཞིན་ཉིད་དུ་རྒྱུད་མངས་བསྒྲེང་བ་ལ་བཅོམ་ལྡན་མས་གསུངས་པ། བུ་མོ་ཁྱོད་ཀྱིས་རྒྱུད་མངས་བསྒྲེང་བ་མཁས་པ་ཁྱད་པར་དུ་འཕགས་པ་འདི་དང་། བདག་ལ་ཐུན་མོང་མ་ཡིན་པའི་གུས་པ་བུ་མོའི་དངོས་པོ་ལ་རྙེད་དཀའ་བ་འདིས་བདག་ཤིན་ཏུ་ཚིམ་པར་གྱུར་ཏོ།། དེའི་ཕྱིར་ཡུན་རིང་བོ་མ་ཡིན་པ་ན་རིག་པ་འཛིན་པའི་འཁོར་ལོས་སྒྱུར་བས་ལག་པ་འཛིན་པར་འགྱུར་རོ་ཞེས་སོ།། འབངས་མོས། ༼དགའ་བ་དང་བཅས་པར༽ རྗེས་སྲས་མོ། གལ་ཏེ་དེ་ལྟར་ཡིན་ན་རྨི་ལམ་དུ་ཞེས་ཅིའི་ཕྱིར་བརྗོད། ལྷ་མོས་སྙིང་ལ་འདོད་པའི་མཆོག་བྱིན་པ་ཉིད་ཡིན་ནོ།།བིདཱུཥཀས། ངེས་པར་བདག་ཅག་ལྷ་མོ་ལྟ་བའི་སྐབས་སུ་བབ་པོ།། དེའི་ཕྱིར་ཚུར་ཤེག ཉེ་བར་འགྲོ་བར་བྱའོ་ཞེས་ཏེ་ཉེ་བར་བཏུད་དོ།།འདྲེན་པས། ( རེ་ཞིག་བདག་ཞུགས་པར་མི་བྱའོ།།) བིདཱུཥཀས། ༼མི་འདོད་བཞིན་དུའང་འདྲེན་པ་ཤུགས་ཀྱིས་ཁྱེར་(འཁྲིད་)ནས་དྲུང་དུ་སླེབས་པར་བྱས༽ ཇོ་མོ་གྲུང་མོ། བདག་བདེན་པར་སྨྲ་སྟེ། འདི་ནི་མཆོག་བྱིན་པ་ཉིད་དོ།།འདྲེན་མས། ༼འཇིགས་པ་དང་བཅས་ཏེ་འདྲེན་པ་མཚོན་ཏེ༽ བུ་མོ། འདི་སུ་ཞིག་ཅེས་སོ།།འབངས་མོས། གཞན་དང་ཐུན་མོང་མ་ཡིན་པའི་རྣམ་པ་འདིས་ན། འདི་ཉིད་བཅོམ་ལྡན་མས་བཀའ་དྲིན་མཛད་པ་ཡིན་སྙམ་མོ།།འདྲེན་མས། ༼ཆགས་པ་དང་བཅས་ཤིང་ངོ་ཚ་བ་དང་བཅས་པར་བལྟས་སོ།།༽ འདྲེན་པས། གཡོ་ཞིང་ཡངས་པའི་མིག་ལྡན་དབུགས་འབྱིན་ཅིང་།། འདར་ཞིང་མཁྲེགས་སྟུག་ནུ་ལྡན་འཁྲུལ་བྱེད་མ།། ལུས་འདི་དཀའ་ཐུབ་ཉིད་ཀྱིས་ཤིན་ཏུ་ནི།། ངལ་གྱུར་སླར་ཡང་ཅི་སླད་གདུང་བར་བྱེད།། འདྲེན་མས། བུ་མོ། ཤིན་ཏུ་འཇིགས་པས་འདི་ལ་མངོན་དུ་ཕྱོགས་ཏེ་འདུག་པར་མི་ནུས་སོ།། ༼ཞེས་ཏེ་ལོགས་ལ་བལྟས་ནས་འཁོད་དོ།།༽ བིདཱུཥཀས། ཇོ་མོ། ཁྱོད་ཀྱི་དཀའ་ཐུབ་ཀྱི་ནགས་ཚལ་འདི་ན་གང་ཞིག་འགྲོན་པོ་འོངས་པ་ལ་ཚིག་ཙམ་གྱིས་ཀྱང་ཕེབས་པར་སྨྲ་བ་མ་ཡིན་པ་འདི་འདྲ་བའི་ཀུན་ཏུ་སྤྱོད་པ་ཡོད་དམ་ཅི།འབངས་མོས། རྗེའི་སྲས་མོ། འགྲོན་པོ་ལ་བསྙེན་བཀུར་བྱ་བ་རིགས་པ་ཡིན་ནོ།། དེའི་ཕྱིར་ཇི་ལྟར་མཐུ་ཆེན་པོ་དང་ལྡན་པ་འདི་དག་ལ་གུས་པར་བྱ་བ་རྨོངས་པར་གནས། ཡང་ན་ཁྱོད་བཞུགས་ཤིག ཁོ་མོ་ཉིད་ཀྱི་ཇི་ལྟར་རིགས་པ་དག་བྱའོ།། ༼འདྲེན་པ་ལ་མཚོན་ཏེ༽ ཇོ་བོ། ལེགས་པར་འོངས་སམ། ཇོ་བོ། སྟན་ཡོངས་སུ་བཟུང་བས་ཕྱོགས་འདི་བརྒྱན་པར་མཛོད་ཅིག བིདཱུཥཀས། ཀྱེ་གྲོགས་པོ། འདི་ནི་ལེགས་པར་སྨྲའོ།། ཡུད་ཙམ་ཞིག་འདུག་སྟེ་ངལ་གསོ་བར་བྱའོ།། འདྲེན་པས། ཁྱོད་ནི་རིགས་པར་སྨྲའོ།། ༼གཉི་ག་འཁོད་དོ༽འདྲེན་མས། ཀྭ་ཡེ། བཞད་གད་ཀྱི་ངང་ཚུལ་ཅན་མ། དེ་ལྟར་མ་བྱེད། གལ་ཏེ་དཀའ་ཐུབ་པ་འགའ་ཞིག་གིས་མཐོང་ན་འདི་ལས་བདག་དུལ་བ་མ་ཡིན་པ་དང་ལྡན་པར་དོགས་པར་འགྱུར་རོ།།༼དེ་ནས་དཀའ་ཐུབ་པ་ཞུགས་ཏེ༽ (དཀའ་ཐུབ་པས།) རིགས་ཀྱི་བདག་པོ་ཀཽ་ཤི་ཀས་བདག་ལ་བཀའ་བསྒོས་པ། མཉེས་གཤིན་ཤཱཎྜི་ལྱ། ཡབ་ཀྱི་བཀས། རྒྱལ་ཚབ་བཤེས་གཉེན་གྱི་དབྱིག་གཞོན་ནུ་སྤྲིན་གྱི་བཞོན་པ་རིག་པ་འཛིན་པའི་འཁོར་ལོས་སྒྱུར་བར་འགྱུར་བ་དག་རི་མ་ལ་ཡ་འདི་ཉིད་ཀྱི་ཕྱོགས་འགའ་ཞིག་ན་གནས་པ་སྲིང་མོ་མ་ལ་ཡ་ཅན་གྱི་ཁྱིམ་ཐབས་ཀྱི་སླད་དུ་བལྟ་བའི་ཕྱིར་དེ་རིང་འོངས་ཏེ། གལ་ཏེ་དེ་བལྟ་(སྒུག་ཅིང)ཞིང་མ་ལ་ཡ་ཅན་གྱི་ཉི་མ་གུང་གི་མཆོད་སྦྱིན་གྱི་དུས་ཡོལ་བར་འགྱུར་སྲིད་དོ།། དེས་ན་དེ་བོས་ལ་ཤོག་ཤིག་ཅེས་སོ།། དེས་ན་བདག་རེ་ཞིག་གཽ་རཱི་ཁང་བ་ཉིད་དུ་འགྲོའོ།། ༼འགྲོ་ཞིང་ས་ལ་རྣམ་པར་བལྟས་ནས༽ཨ་ཡེ། རྡུལ་དང་ལྡན་པའི་ཕྱོགས་ན་རབ་ཏུ་གསལ་བའི་འཁོར་ལོས་མཚན་པའི་རྗེས་ཀྱི་ཕྲེང་བ་དག་སྣང་བ་འདི་སུ་ཞིག་གི་ཡིན། ༼མདུན་དུ་བལྟས་ཏེ་སྤྲིན་གྱི་བཞོན་པ་ལ་ངེས་པར་བརྟགས་ནས་༽འདི་ནི་སྐྱེས་བུ་ཆེན་པོ་འདི་ཡིན་ནམ་སྙམ་མོ།། གཞན་ཡང་།མགོ་ལ་གཙུག་ཏོར་འདི་གསལ་སྨིན་མའི་བར་ན་མཛོད་སྤུ་འདི་ནི་རྣམ་པར་མཛེས།།མིག་ནི་པདྨའི་རྗེས་སུ་མཐུན་ཞིང་བྲང་གདེངས་འཕྲོག་བྱེད་དག་ལ་འགྲན་པར་བྱེད།།ལག་པ་འཁོར་ལོས་མཚན་པ་ཇི་ལྟར་དེ་ལྟར་སྐྱེས་བུ་དག་ནི་སུ་ཞིག་འདི།།རིག་པ་འཛིན་པའི་འཁོར་ལོས་སྒྱུར་བའི་གནས་དག་མ་ཐོབ་འདུག་པ་ཡིན་ནམ་སྙམ།།ཡང་ན་ཐེ་ཚོམ་གྱིས་ཇི་ཞིག་བྱ་སྟེ། ༼ ཤིན་ཏུ་གསལ་བར༽ འདི་ནི་སྤྲིན་གྱི་བཞོན་པ་ཡིན་པར་ངེས་སོ།།༼མ་ཡ་ལ་ཅན་མ་ལ་བལྟས་ནས་༽ ཨ་ཡེ། འདི་ཡང་རྒྱལ་བོའི་བུ་མོའོ།། ༼གཉིས་ཀ་ལ་བལྟས་ནས ༽ གལ་ཏེ་ཕན་ཚུན་རྗེས་སུ་འཚམ་པ་འདི་དག་འབྲེལ་བར་བྱེད་ན་བྱེད་པ་པོ་ནི་ཡུན་རིང་བོ་ཞིག་ན་རིག་པར་བྱེད་པར་གྱུར་ཏོ།། (འདྲེན་པ་ལ)ཉེ་བར་བཏུད་ནས་༽ཁྱོད་ནི་དགེ་བར་གྱུར་ཅིག འདྲེན་པས། བཅོམ་ལྡན་སྤྲིན་གྱི་བཞོན་པ་ཕྱག་བགྱིད་དོ།།༼ཞེས་ཏེ་ལྡང་བར་འདོད་དོ།།༽ དཀའ་ཐུབ་པས། མངོན་དུ་ལྡང་(ཡར་ལངས་མི་དགོས་ཞེས་པའི་དོན་ནོ་)མི་དགོས་སོ།། ཀྱེ། "མངོན་འོངས་ཀུན་གྱི་བླ་མ་ཉིད་"ཅེས་པས། ཁྱོད་ཉིད་བདག་ཅག་གི་བླ་མ་ཡིན་ནོ།། དེས་ན་ཇི་ལྟར་བདེ་བར་བཞུགས་ཤིགམ་ཡ་ལ་ཅན་མས། ཇོ་བོ་ལ་ཕྱག་འཚལ་ལོ།། དཀའ་ཐུབ་པས། ༼དེ་མཐོང་ནས༽ རྗེས་སུ་འཚམ་པའི་བདག་པོའི་སྐལ་བ་དང་ལྡན་པར་གྱུར་ཅིག རྒྱལ་བོའི་བུ་མོ། ཁྱོད་ལ་རིགས་ཀྱི་བདག་པོ་ཀཽ་ཤི་ཀས་བཀའ་སྩལ་པ། ཁྱོད་ཀྱི་མཆོད་སྦྱིན་གྱི་དུས་ཡོལ་བར་འགྱུར་གྱིས་མྱུར་དུ་ཤོག་ཅིག་ཅེས་སོ།།འདྲེན་མས། ༼མི་དགའ་བ་དང་བཅས་པར༽ གང་བླ་མས་བཀའ་སྩལ་པ་ཉིད་དོ།། ༼རང་གིས་རྟོགས་པར༽ གཅིག་ནི་བླ་མའི་གསུང་དང་གཞན།། མཛའ་བོ་བལྟ་བའི་རྩེ་དགའ་བཟང་།། འགྲོའམ་མི་འགྲོ་འགལ་བ་ལ།། བདག་སྙིང་འཕྱང་མོ་ཡུག་པར་འགྱུར།།༼ཤུགས་ཕྱུང་ཞིང་ལངས་ཏེ་ངོ་ཚ་བ་དང་བཅས་ཤིང་ཆགས་པ་དང་བཅས་པར་འདྲེན་པ་ལ་ལྟ་ཞིང་དཀའ་ཐུབ་པ་དང་ལྷན་ཅིག་སོང་བར་གྱུར་ཏོ།།༽ འདྲེན་པས། ༼སྲེད་པ་དང་བཅས་པར་ཤུགས་ཕྱུང་ནས་འདྲེན་མ་ལ་ལྟ་ཞིང་༽ ཚང་རའི་ཁྱོན་གྱི་ཁུར་ལྡན་ཞིང་།། དམན་པ་དག་ཏུ་འགྲོ་མ་འདི།། གཞན་དུ་འགྲོ་ཡང་བདག་གི་ནི།།སྙིང་ལ་གོམ་པ་བཀོད་པར་གྱུར།། འབངས་མོས། ཚུར་ཤེག ཚུར་ཤེག རྗེའི་སྲས་མོ་༼ཞེས་ཏེ་མ་ལ་ཡ་ཅན་མ་འཁོར་དང་བཅས་པ་སོང་བར་གྱུར་ཏོ།།༽བིདཱུཥཀས། ཀྱེ། གང་ཞིག་བལྟ་བར་བྱ་བ་དག་མཐོང་ངོ་།། ད་ནི་ཉི་མ་གུང་གི་ཉི་མའི་གདུང་བ་ཉིས་འགྱུར་དུ་བྱས་པ་བཞིན་དུ་བདག་གི་ལྟོ་བའི་མེ་དག་ལྷབ་ལྷབ་བྱེད་དོ།། དེའི་ཕྱིར་འདི་ནས་སོང་སྟེ། གང་གིས་བྲམ་ཟེ་དག་གི་མགྲོན་དུ་འགྱུར་བར་བྱས་ནས་ཐུབ་པའི་སྐྱེ་བོ་ལས་དངོས་སུ་རྙེད་པའི་རྩ་བ་དང་ཆུ་བ་ལ་སོགས་པས་སྲོག་གཟུང་བར་བྱའོ།། འདྲེན་པས། ༼སྟེང་དུ་བལྟས་ནས༽ཨ་ཡེ། བཅོམ་ལྡན་འོད་ཟེར་སྟོང་ཕྲག་ལྡན་ནི་ནམ་མཁའི་དཀྱིལ་ན་འཛེགས་ཏེ་བཞུགས་སོ། །དེ་ལྟར་ཡང་། གདུང་བས་དེ་དུས་ཙན་དན་ལ་བདར་ཐང་ཆུས་དཀར་བའི་འགྲམ་པ་འཛིན་བྱེད་ཅིང་།།རང་གི་རྣ་བ་བསྐྱོད་པའི་རླུང་ནི་ཡང་དག་ཆགས་པས་བཞིན་ལ་གཡོབ་བྱེད་ཅིང་།།ལག་པས་གཏོར་བའི་ཆུ་ཐིགས་སྙིང་ཁར་ཁྱད་པར་དུ་འདྲེན་གླང་བོའི་བདག་པོ་འདི།།ད་ནི་བཟོད་དཀའ་ཟུག་རྔུ་དྲག་པོས་ཟུག་པ་ལྟ་བུའི་གནས་སྐབས་འཛིན་པར་བྱེད།། ༼ཅེས་ཏེ་གཉི་ག་སོང་བར་གྱུར་ཏོ།།༽ མཚན་མ་དང་བོ་རྫོགས་སོ།། མཆན། གུག་རྟགས་ནང་ན་ཡོད་པ་དག་ནི་བདག་གིས་རྒྱ་གཞུང་དང་གཏུགས་ཏེ་བསྣན་པ་དང་འགྲེལ་བ། བཅོས་པ་རྣམས་ཡིན་པས་ཐུགས་འཇགས་འཚལ། ཟླ་བ་གཞོན་ནུས།

Nov 29, 2011

ལོ་ཙཱའི་སྐོར་གྱི་དགེ་ཆོས་ཀྱི་གསུང་།

ལོ་ཙཱའི་སྐོར་གྱི་དགེ་ཆོས་ཀྱི་གསུང་གནད་དུ་ཆེ་བ་ཞིག



དེང་སང་མང་པོས་དབྱིན་སྐད་ལ་དང་དོད་བྱེད་པ་སྐབས་སུ་བབས་པ་འདྲ་པོ་ཞིག་རེད། ཡིན་ན་ཡང་སྔོན་ལ་བོད་ཡིག་རང་མཐར་ཕྱིན་པ་ཞིག་སློབས། ང་རང་ཚོས་དངོས་གནས་བྱས་ན་བོད་སྐད་དང་བོད་ཡིག་ཁུངས་འཁྱོལ་ངེས་ཤིག་བསླབ་ན་ཡག་བགྱི་རེད། ཁྱེད་རང་གིས་བོད་ཡིག་མི་ཤེས་ཟེར་བ་མིན་ཡང་། དཔེ་ཆ་བསྐྱར་ཀློག་བརྒྱབ་ནས་དབུ་ཕར་མཛོད་འདུལ་ཚོ་ཞིབ་ཆ་མཇལ། དེའི་ནང་ནས་མངོན་པའི་གཞུང་ནས་བཤད་པའི་གྲངས་འདྲེན་མང་པོ་འདི་ཚོ་ལ་གཡེལ་ཆུང་མ་བྱེད་པར་སེམས་ལ་རྡོ་སྒྲིག་པ་ལྟ་བུ་ཞིག་མ་བྱུང་བར་དུ་བལྟ་དགོས་པ་རེད།

གྲངས་འདྲེན་འདི་ཚོ་རྒྱ་གར་གྱི་པཎྜིཏ་ཚོ་ཉི་མ་མ་འཁྱོལ་བར་བཟོས་པ་མ་རེད། གྲངས་འདྲེན་བཞི་ཚན་ལྔ་ཚན་དྲུག་ཚན་སོགས་གང་འདྲ་ཞིག་འདུག་ཀྱང་རེ་རེ་ལ་སོ་སོའི་ཁྱད་ཆོས་ཤིག་ཡོད་པ་ཤེས་དགོས། དེ་བཞིན་སོ་སོའི་གོ་རིམ་ཡང་མ་འཆུག་པ་བྱས་ན་མ་གཏོགས། གང་ཡིན་ཟེར་ན་གོ་རིམ་སྒྲིག་སྟངས་ཚུན་ལ་གནད་འགག་ཆེན་པོ་ཡོད་པས། གྲངས་ཀ་ལོན་ཙམ་སེམས་ལ་ཁྱད་ཁྱོར་ངེས་པས་འགྲིགས་བསམ་ནས་བསྡད་ན། ཤེས་རྒྱུ་མང་པོ་ཞིག་ལུས་འགྲོ་ཞིང་། དོན་དང་ཐོབ་བྱའི་རིམ་པ་མང་པོ་འཆོལ་བསྡད་པ་ཞིག་སེམས་ལ་འཇགས་ནས་ཕུགས་སྐྱོན་ཆེན་པོ་ཞིག་ཆགས་འགྲོ་བ་ཡིན་པས་གཟབ་དགོས།

ལྷག་པར་རྒྱ་གཞུང་ལ་གོ་བ་གཏིང་ཚུགས་པ་ཨེ་ཆགས་བལྟས་ནས་པོ་ཏི་ལྔ་སོ་སོའི་རྩ་བ་དང་རང་འགྲེལ། སོ་སོའི་ཐད་ཀྱི་རྒྱ་འགྲེལ་ལ་བལྟ་བ་སོགས་བྱས་ན། དང་པོ་ཁག་ཙམ་ཡོང་ངེས་ཀྱང་གང་མཚམས་ནས་གོ་བ་མེ་ནང་དུ་མར་ཁུ་བླུག་པ་ལྟ་བུ་ཡོང་རྒྱུ་འདུག

དེ་བཞིན་བོད་སྐད་དུ་བསྒྱུར་བའི་རྒྱ་གཞུང་ཚོའི་ཚིག་གི་འགྲོ་སྟངས་ལ་ཡང་ཞིབ་ཚགས་བྱེད་དགོས་པས། དེ་ཚོའི་རིགས་ལ་སྐྱེས་རབས་དང་། འདུལ་བ་དང་། ཀླུ་ཀུན་ཏུ་དགའ་བའི་ཟློས་གར་ལ་སོགས་པ་མཇལ་ན། རྒྱ་གཞུང་གི་ཚིག་གི་ཁོག་ལྟ་བུ་ལོན་ནས་ཕན་ཚུན་གཅིག་གྲོགས་གཅིག་ལ་སོང་ནས་ཕན་པ་ཆེན་པོ་ཡོང་འདུག དགེ་བཤེས་ཤེས་རབ་ལགས་བོད་ཀྱི་མཁས་པས་རྩོམ་པའི་བསྟན་བཅོས་ལ་ཐུགས་འདྲིས་ཆེ་བ་མ་གཏོགས། རྒྱ་འགྲེལ་དང་རྩ་བ་སོགས་ལ་གཏུགས་དགོས་ན་དོན་རྩ་མཐིལ་ཕྱིན་ལོན་གནང་བགྱི་མེད།

ཕྱོགས་གཞན་ཞིག་ནས་བལྟས་ན། ང་རང་ཚོའི་སྔར་གྱི་ལོ་ཙཱ་བ་ཚོས་ལུས་སྲོག་འབེན་ལ་བཙུགས། ལོ་ཡུན་མང་པོའི་རིང་ལ་པཎ་གྲུབ་ཚོའི་ཞབས་ལ་གཏུགས། དཀའ་སྤྱད་དེ་ཙམ་མཛད་ནས་སཾསྐྲྀཏ་ནས་སྤར་ལ་སྤར་བཏབ་པ་ལྟ་བུར་བསྒྱུར་གནང་བའི་བཀའ་བསྟན་བཅོས་ཚོ་ལ་མདོ་སྔགས་རིག་གནས་དང་བཅས་པའི་རྨང་གཞི་དེ་ཡིན་བསམ་ནས་མིག་ཟུར་ཙམ་ཡང་མ་བལྟས་པར། ཡིག་ཆ་ཞིག་གི་ཕྱོགས་སུ་ལྷུངས། རྒྱབ་གནོན་ཡོང་ཆེད་ལ་རྗེ་ཡབ་སྲས་ཀྱི་གསུང་ཐོར་བུ་རེའི་ལུང་འདྲེན་བྱེད། ཡིག་ཆ་བདག་པོའི་གསུང་ནས་ལུང་དྲངས་ན། འདོད་ལན་མ་གཏོགས། དགོངས་གཞི་ཙམ་ཡང་ལེན་མི་ཆོག་པ་འདི་འདྲ་ཞིག་གིས། མ་རྟོགས་དང་ལོག་རྟོགས་ཀྱི་མུན་པ་ག་ནས་སེལ་ནུས།

བཀྲས་མཐོང་ཐུབ་བསྟན་ཆོས་དར་གྱིས་བྲིས་པའི་<<དགེ་འདུན་ཆོས་འཕེལ་གྱི་ལོ་རྒྱུས>>སུ་གསལ།

Nov 27, 2011

༄༅། །སྔགས་ཀྱི་ཀློག་ཐབས་བསྡུས་པ།

༄༅། །སྔགས་ཀྱི་ཀློག་ཐབས་བསྡུས་པ།

मंत्रस्यपठोपायविचितिनाम

སྣར་ཐང་ལོ་ཙཱ་བས་མཛད།

སྔགས་ཀློག་ཐབས་ལག་བྲིས་མ།

 

རྒྱ་གར་སྐད་དུ། མཾཏྲསྱཔཋོཔཱཡབིཙིཏིནཱམ། (मंत्रस्यपठोपायविचितिनाम)

བོད་སྐད་དུ། སྔགས་ཀྱི་ཀློག་ཐབས་བསྡུས་པ་ཞེས་བྱ་བ། 

བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །

ཚོགས་གཉིས་སྤྲིན་དཀར་འཛུམ་པ་ལས་ཐོན་མཚན་དཔེའི་རི་དྭགས་གཟུགས་ཀྱིས་བཀྲ། །ཁྱེད་སྐུ་ཟླ་བ་ཆ་ཤས་ཡོངས་རྫོགས་འཕྲིན་ལས་འོད་དཀར་ཁོར་ཡུག་ཅན། །གང་གིས་མཐོང་ན་སྙིང་མུན་སེལ་བྱེད་གདུལ་བྱའི་མཁར་ཁྱབ་འགྲོས་གཉིས་པ། །དབྱངས་ཅན་ལྷ་མོ་མཚན་མོའི་མགོན་ཁྱོད་དི་རིང་བདག་བློའི་ཀུ་མུད་སྐྱོངས། །གསང་སྔགས་ཆོས་ཚུལ་ཟབ་མོའི་གཞལ་ཡས་སུ། །བདེ་བར་འཇུག་འདོད་གང་བློའི་བུ་མོ་ལ། །སྒྲ་སྦྱོར་སྔགས་ཀྱི་བརྗོད་ཚུལ་མགུལ་རྒྱན་མཆོག །གནད་ཀྱི་ཕྲེང་བ་དི་རིང་ཁོ་བོས་བྱིན། །

༈།དེ་ཡང་འདི་ལྟར་ཡི་གེའི་ངོ་བོ་ནི་གང་། དེའི་ཁམས་གང་གིས་བསྡུས་ཤིང་སྐྱེ་བའི་ཚུལ། དེ་བཀླག་པའི་ཐབས་ནི་ཅི་ཞེ་ན།

ངོ་བོ་ཨཱ་ལི་ཀཱ་ལི་སྟེ། །ཕོ་མོ་མ་ནིང་གསུམ་དུ་གནས། །ཨ་ཀུ་ཧ་ྈྐ་ནམ་མཁའི་ཁམས། །མགྲིན་པའི་གནས་ལས་སྐྱེ་བ་ཡིན། །ཨི་ཙུ་ཡ་ཤ་རླུང་གི་ཁམས། །ལྕེ་རྩེ་སོ་རྐན་དག་ལས་སྐྱེ། །རྀ་ཊུ་ར་ཥ་མེ་ཡི་ཁམས། །སྤྱི་བོ་དག་ལས་སྐྱེ་བ་ཡིན། །ཨུ་པུ་ཝ་ྉྤ་ཆུ་ཡི་ཁམས། །མཆུ་ཡི་གནས་ལས་སྐྱེ་བ་ཡིན། །ལྀ་ཏུ་ལ་ས་ས་ཡི་ཁམས། །ལྕེ་རྩེ་སོ་ལས་འབྱུང་བ་ཡིན། །༈འབྱུང་བ་ཆུང་བ་སྡེ་ལྔ་ནི། །ཀ་ཙ་ཊ་ཏ་པ་རྣམས་ས། །ཁ་སོགས་ཆུ་ཡིན་ག་སོགས་མེ། །གྷ་སོགས་རླུང་ཡིན་ང་སོགས་མཁའ། ། ༈ ཨོཾ་དང་ན་མོ་ཏདྱ་ཐཱ། སྤངས་པའི་སྔགས་ཀྱི་ཐོག་མ་དང་། །རང་གི་མིང་ཐོག་གཟུང་བར་བྱ། །གསལ་བྱེད་བརྩེགས་སམ་ཕུལ་བཞག་ཡོད། །དང་པོའི་ཡི་གེ་གཟུང་བར་བྱ། །༈གསལ་བྱེད་དགྲར་གྱུར་ནད་མང་ཞིང་། །དབྱངས་ཡིག་དགྲར་གྱུར་སྲོག་དང་འབྲལ། །ཐ་མལ་གྱུར་ན་འབྲས་བུ་མེད། །གྲོགས་སུ་གྱུར་ན་དངོས་གྲུབ་འབྱུང་། །དེ་ཕྱིར་དགྲ་གྲོགས་བརྩི་བ་གཅེས། །ས་དགྲ་མེ་ཡིན་མེ་དགྲ་ཆུ། །ཆུ་དགྲ་རླུང་ཡིན་རླུང་དགྲ་ས། །ས་ནི་མེ་ལ་ནུས་མེད་ཅིང་། །མེ་ནི་ཆུ་ལ་ནུས་པ་མེད། །ཆུ་ནི་རླུང་ལ་ནུས་མེ་དེ། །རླུང་ནི་ས་ལ་ནུས་པ་མེད། །ས་ཆུ་ཕན་ཚུན་གྲོགས་པོ་སྟེ། །མེ་རླུང་ཕན་ཚུན་གྲོགས་པོ་ཡིན། །ནམ་མཁའ་ཀུན་གྱི་གྲོགས་ཡིན་ཏེ། །ཀུན་ཀྱང་ནམ་མཁའི་གྲོགས་སུ་འགྱུར། །དེ་ལྟར་དགྲ་གྲོགས་ཤེས་པ་ཡིས། །སྔགས་ཀྱི་ཀློག་ཚུལ་འདི་ལྟ་སྟེ། །ཡི་གེ་ཐུང་བ་གཅིག་ཡུན་བཀླག །རིང་བ་གཉིས་ཀྱི་ཡུན་དུ་བཀླག །ཤིན་ཏུ་རིང་བ་གསུམ་ཡུན་བཀླག །པླུ་ཏ་ཡང་དེ་བཞིན་ནོ། ། །འབྲེང་བུ་ན་རོ་ཡོད་གྱུར་ན། །རིང་པོ་ཉིད་ཕྱིར་འ་འདོགས་འཁྲུལ། །མིང་གི་ཐོག་མར་སྡེ་པ་ཡི། །གསུམ་པ་འས་ཕུལ་ལྟ་བུར་བཀླག །དབུས་མཐར་བྱུང་ན་བོད་དང་མཚུངས། །བཞི་པ་རྣམས་ནི་གསུམ་པ་ལ། །ར་མགོ་ཧ་སྒྲ་ལྡན་པར་བཀླག །ཊ་སོགས་ལོག་སྡེའི་བཀླག་ཚུལ་ནི། །ལྕེ་རྩེ་རྐན་སྦྱར་ལྟེབས་ཀྱིས་བསྒྱུར། །ཥ་ནི་ཁ་དང་ཆ་མཐུན་པར། །རྐན་གྱི་ཕུགས་ནས་སྟོངས་ཀྱིས་འདོན། །ཀྵ་ནི་ཁྱ་དང་ཆ་མཐུན་ཙམ། །ཛ་ལ་ཉ་བཏགས་འགྱ་འམ་གཉའ། །གསལ་བྱེད་མི་འདྲ་དུ་མ་བརྩེགས། །རང་སྒྲ་ཐོན་ཙམ་མྱུར་བར་བཀླག །དབྱངས་དང་ང་རོ་འོག་མ་དབང་། །འདྲ་བའི་གསལ་བྱེད་བརྩེགས་གྱུར་ན། །ཁ་ཁེངས་མཐོན་པོའི་གདངས་ཀྱིས་བཀླག །བརྩེགས་པའི་ཐོག་མ་གོང་མ་དབང་། །དེ་འོག་རྣམས་ནི་དཀྱུས་སུ་བཀླག །ཉ་ཎ་ཡར་སྦྱར་ན་ལྟར་བཀླག །ཤ་ཥ་ཡར་སྦྱར་ས་ལྟར་བཀླག །ཀ་ནི་ག་དང་ཙ་ཛ་ཊ། །ཌ་ཏ་རྣམས་ནི་ད་རུ་བཀླག །པ་ཡིག་རྣམས་ནི་བ་རུ་བཀླག །གྷ་ཛྷ་ཌྷ་དྷ་བྷ་རྣམས་ནི། །ཡི་གེ་གཉིས་གཉིསའདོད་པ་འཁྲུལ། །དེ་བཞིན་དབྱངས་ཀྱི་རྀ་ལྀ་གཉིས། །ར་དང་ལ་རུ་འདོད་པ་འཁྲུལ། །རྣམ་བཅད་ཕལ་ཆེར་ས་རུ་བཀླགཡང་ན་ངྲག་པོར་བཅད་དེ་བཀླག །ཤ་ཥ་ས་གསུམ་ཕ་རོལ་དུ། རྣམ་བཅད་ཡོད་ན་ས་རུ་བཀླག །རྗེས་སུ་ང་རོ་སྡེ་པ་ལ། །རང་རང་སྡེ་པའི་ལྔ་པར་བཀླག །ཡ་སོགས་བརྒྱད་ལ་ང་རུ་བཀླག །ཡང་ན་སྡེ་ལྔའི་ཟླ་ལ་སྦྱར། །ཤད་ཀྱིས་ཆོད་ན་རང་ཉིད་བརྩི། །ཤད་མེད་ན་ནི་འོག་མ་རྩི། །ཨོཾ་དང་ཧཱུཾ་གཉིས་མ་དང་ང་། །ཚིག་གྲོགས་དག་ལ་བལྟོས་པ་མིན། །ལྕེ་རྩ་ཅན་དང་མཆུ་ཅན་ནི། །ཨ་ཀ་ཨ་པ་ཞེས་པའམ། །ཀོ་ཝ་པོ་ཝ་ཞེས་པར་བཀླག །ཡ་བཏགས་ཕལ་ཆེར་འགྲེལ་བུ་ནི། །ཡ་སྒྲ་ཅུང་ཟད་ལྡན་པར་བཀླག །ཡ་ལ་ཡ་བཏགས་ཡ་རང་ཉིད། །ཀ་ཁའི་ཡ་བཏགས་བོད་བཞིན་བཀླག །ར་ལ་ཡ་བཏགས་ར་ཡར་བཀླག །ཝ་བཏགས་ཕལ་ཆེར་ན་རོ་ནི། །ཝ་སྒྲ་ཅུང་ཞིག་ལྡན་པར་བཀླག །ཀ་སོགས་སྲོག་ཏུ་རྀ་ལྀ་ཞུགས། །གི་གུ་ཕྱིར་ནི་ལོག་གྱུར་ན། །ཀི་རི་ཀི་ལི་ཞེས་མྱུར་བཀླག །ཀ་སོགས་ར་དང་ལ་བཏགས་ནས། །གི་གུ་ཕྱི་ནི་མ་ལོག་ན། །ཀ་རི་ཀ་ལི་ཞེས་པར་བཀླག །ཨཻ་དང་ཨཽ་ཡི་བཀླག་ཚུལ་ནི། །ཨེ་ཨི་ཨོ་ཨུ་ཞེས་པར་བཀླག །དེ་བཞིན་ཀ་སོགས་སྲོག་ཞུགས་ན། །ཀེ་ཨི་ཀོ་ཨུ་སོགས་སུ་བཀླག །རྒྱས་པར་སློབ་དཔོན་ངག་ལས་སློབས། །མདོར་བསྡུས་ཙམ་འདི་སྐད་གཉིས་པ། །སྣར་ཐང་ལོ་ཙྪཱ་གང་དེ་ལ། །བཤེས་གཉེས་བློ་གྲོས་དཔལ་འབར་གྱིས། །ཐང་པོ་ཆེ་རུ་བསྐུལ་ཏེ་སྦྱར། །དེ་ལས་བྱུང་བའི་དགེ་བ་ཡིས། །འགྲོ་རྣམས་སྔགས་དོན་རྣམས་གཟིགས་ཤོག །དགེའོ། །

སྔགས་ཀྱི་ཀློག་ཐབས་ཞེས་བྱ་བ་རྫོགས་སོ།། །།

 

ཟླ་བ་གཞོན་ནུས་སྔགས་ཀྱི་ཀློག་ཐབས་ཡིག་ནག་ལག་བྲིས་མ་དང་གཏུགས་ཏེ་ལྟིགས་ཞེས་པ་ལྟེབས་དང་ལྟོངས་ཞེས་པ་སྟོངས་སུ་བསྒྱུར་ཏེ་གཅིག་ཞུས་པ་ཀུན་ལ་ཕན་པར་སྨོན། 

Nov 18, 2011

རྒྱལ་བོ་ཝུ་ཏི་དང་སློབ་དཔོན་བྱང་ཆུབ་འཛིན་གཉིས་ཀྱི་བཀའ་མོལ།



बू-ति-भन्ते, मैंने अनेक विहार आदि का निर्माण कराया है तथा अनेक बौद्ध धर्म संस्कृत ग्रन्थों का अनुवाद कराया है तथा अनेक व्यक्तियों को बौद्ध भिक्षु बनने की अनुमति प्रदान की है। क्या इन कार्यों से मुझे पुण्य-लाभ हुआ है?



ཝུ་ཏིས། བཙུན་པ། བདག་གིས་གཙུག་ལག་ཁང་ལ་སོགས་པ་དུ་མ་བཞེངས་སུ་བཅུག་པ་དང་དེ་བཞིན་སངས་རྒྱས་པའི་ཆོས་ཀྱི་གླེགས་བམ་དུ་མ་ལེགས་སྦྱར་ནས་བསྒྱུར་དུ་བཅུག་པ། དེ་བཞིན་སྐྱེ་བོ་དུ་མར་སངས་རྒྱས་པའི་དགེ་སློང་སྒྲུབ་པའི་རྗེས་སུ་གནང་བ་བྱིན་པ་ཡིན་ཙ་ན། ལས་འདི་དག་ལས་བདག་ལ་བསོད་ནམས་ཅི་ཞིག་འབྱུང་བར་འགྱུར།


बोधिधर्म- बिलकुल नहीं।

བྱང་ཆུབ་འཛིན་གྱིས། ཅི་ཡང་མི་འབྱུང་ངོ་།།


बू-ति- वास्तविक पुण्य क्या है?

ཝུ་ཏིས། དོན་དམ་པའི་བསོད་ནམས་ནི་གང་།


बोधिधर्म- विशुद्ध प्रज्ञा, जो शून्य, सूक्ष्म, पूर्ण एवं शान्त है। किन्तु इस पुण्य की प्राप्ति संसार में संभव नहीं है।

བྱང་ཆུབ་འཛིན་གྱིས། རྣམ་པར་དག་པའི་ཤེས་རབ་སྟེ། གང་སྟོང་བའོ།། གང་ཕྲ་བའོ།། གང་ཡོངས་སུ་རྫོགས་པ་དང་ཞི་བའོ།། འོན་ཏེ། བསོད་ནམས་འདི་འཁོར་བ་རུ་འཐོབ་པ་མི་སྲིད་དོ།།


बू-ति- सबसे पवित्र धर्म सिद्धान्त कौन है?

ཝུ་ཏིས། ཐམས་ཅད་ལས་དྲི་མ་མེད་པའི་ཆོས་ཀྱི་གྲུབ་མཐའ་ནི་གང་།


बोधिधर्म- जहाँ सब शून्यता है, वहाँ पवित्र कुछ भी नहीं कहा जा सकता।

བྱང་ཆུབ་འཛིན་གྱིས། གང་དུ་ཐམས་ཅད་སྟོད་བ་ཉིད་ཡིན་ན། དེ་རུ་དྲི་མ་མེད་པ་ཅི་ཡང་སྨྲ་རུ་མེད་དོ།།


बू-ति- तब मेरे सामने खड़ा कौन बात कर रहा है?

ཝུ་ཏིས། དེས་ན་བདག་གི་དྲུང་དུ་འགྲེང་ནས་བཀའ་གནང་བར་བྱེད་པ་ནི་སུ།


बोधिधर्म- मैं नहीं जानता।

བྱང་ཆུབ་འཛིན་གྱིས། བདག་གིས་མ་རྟོགས་སོ།།



མཆན།

སློབ་དཔོན་བྱང་ཆུབ་འཛིན་ཟེར་བ་འདི་བོད་དུ་བདག་གིས་སྒྲ་བསྒྱུར་བྱས་པ་ཡིན། འགབ་མིན་ད་དུང་དཔྱད་གཞི་ཡིན།

ཝུ་ཏི(武帝)་ཟེར་བ་འདི་སློབ་དཔོན་བྱང་ཆུབ་འཛིན(?~536,གཞན་532、528)ལགས་སྔོན་རྒྱ་ནག་ཏུ་ཕེབས་སྐབས་ཀྱི་ཀྲའོ་ལྷོ་མའི་ལེང་རྒྱལ་ཁབ་ཀྱི་རྒྱལ་བོ་ཡིན།

སློབ་དཔོན་བྱང་ཆུབ་འཛིན་པ་འདི(?~536,གཞན་532、528)་སྔོན་ཝུ་ཏི(武帝)་ཀྲའོ་ལྷོ་མའི་ལེང་གི་རྒྱལ་བོ་ཡིན་དུས་རྒྱ་ནག་ཏུ་ཕེབས་ཤིང་། རྒྱ་ཡུལ་དུ་བསམ་གཏན་གྱི་སྲོལ་ཐོག་མར་འཛུགས་མཁན་ཡིན་འདུག སྤྱིར་བསམ་གཏན་པའི་ཤིང་རྟའི་སྲོལ་འབྱེད་མཁན་ནི་མཉམ་མེད་ཤཱཀྱ་ཐུབ་པའི་སློབ་མ་འོད་སྲུངས་ཆེན་པོ་ཡིན་ལ། བསམ་གཏན་པ་ཤར་ཕྱོགས་རྒྱ་ཡུལ་དུ་དར་སྤེལ་ཤུགས་ཆེར་མཛད་མཁན་ནི་བྱང་ཆུབ་འཛིན་པ་ལགས་ཡིན། འདི་ལ་དེང་སང་ཕྱི་གླིང་དུ་སྙན་གྲགས་རྒྱས་ཀྱིན་པའི་ཨོ་ཤོ(Osho)་ལགས་ཀྱིས་ཁོང་གི་ཕྱག་དེབ་<<བསམ་གཏན་པའི་བྱུང་བ་བརྗོད་པ>>་ཞེས་པར་བསམ་གཏན་པ་ནི་རྒྱ་གར་དུ་ས་བོན་བཏབས་པ་དང་རྒྱ་ནག་གི་ཡུལ་དུ་ཡལ་འདབ་རྒྱས་ཤིང་། ཉི་ཧོང་དུ་འབྲས་བུ་སྨིན་པ་ཡིན་ཞེས་ཐེངས་མང་ལྗགས་གླེང་མཛད་ཡོད།

Nov 17, 2011

ཐེག་པ་ཆེན་པོའི་སློབ་དཔོན།


ཐེག་པ་ཆེན་པོའི་སློབ་དཔོན།


नागार्जुन आचार्य (ནཱགཱརྫུན ཨཱཙཱརྱ) སློབ་དཔོན་ཀླུ་སྒྲུབ།
आर्यदेव आचार्य (ཨཱརྱདེཝ ཨཱཙཱརྱ) སློབ་དཔོན་འཕགས་པ་ལྷ།
बुद्धपालित आचार्य (བུདྡྷཔཱལིཏ ཨཱཙཱརྱ) སློབ་དཔོན་སངས་རྒྱས་བསྐྱངས།
भावविवेक आचार्य (བྷཱཝཝིཝེཀ ཨཱཙཱརྱ) སློབ་དཔོན་ལེགས་ལྡན་འབྱེད།
चन्द्रकीर्ति आचार्य (ཙནྡྲཀཱིརྟི ཨཱཙཱརྱ) སློབ་དཔོན་ཟླ་བ་གྲགས་པ།
असंग आचार्य (ཨསཾག ཨཱཙཱརྱ) སློབ་དཔོན་ཐོགས་མེད།
वसुबन्धु आचार्य (ཝསུབནྡྷུ ཨཱཙཱརྱ) སློབ་དཔོན་དབྱིག་གཉེན།
स्थिरमति आचार्य (སྠིརམཏི ཨཱཙཱརྱ) སློབ་དཔོན་བློ་གྲོས་བརྟན་པ།
दिङ्नाग आचार्य (དིངྣཱག ཨཱཙཱརྱ) སློབ་དཔོན་ཕྱོགས་གླང་།
धर्मकीर्ति आचार्य (དྡྷརྨཀཱིརྟི ཨཱཙཱརྱ) སློབ་དཔོན་ཆོས་ཀྱི་གྲགས་པ།
बोधिधर्म आचार्य (བོདྷིདྷརྨ ཨཱཙཱརྱ) སློབ་དཔོན་བྱང་ཆུབ་འཛིན་པའམ་བྱང་ཆུབ་འཛིན།
शान्तरक्षित आचार्य (ཤཱནྟརཀྵིཏ ཨཱཙཱརྱ) སློབ་དཔོན་ཞི་བ་འཚོ།
कमलशील आचार्य (ཀམལཤཱིལ ཨཱཙཱརྱ) སློབ་དཔོན་པདྨའི་ངང་ཚུལ།
पद्मसंभव आचार्य (པདྨསཾབྷཝ ཨཱཙཱརྱ) སློབ་དཔོན་པདྨ་འབྱུང་གནས།
शान्तिदेव आचार्य (ཤཱནྟིདེཝ ཨཱཙཱརྱ) སློབ་དཔོན་ཞི་བ་ལྷ།
दीपङ्कर श्रीज्ञान आचार्य (དཱིཔཾཀར ཤྲཱིཛྙཱན ཨཱཙཱརྱ) སློབ་དཔོན་དཔལ་ལྡན་མར་མེ་མཛད།

མཆན།
སློབ་དཔོན་བྱང་ཆུབ་འཛིན་ཟེར་བ་འདི་བོད་དུ་བདག་གིས་སྒྲ་བསྒྱུར་བྱས་པ་ཡིན། འགབ་མིན་ད་དུང་དཔྱད་གཞི་ཡིན།
སློབ་དཔོན་བྱང་ཆུབ་འཛིན་པ་འདི(?~536,གཞན་532、528)་སྔོན་ཝུ་ཏི(武帝)་ཀྲའོ་ལྷོ་མའི་ལེང་གི་རྒྱལ་བོ་ཡིན་དུས་རྒྱ་ནག་ཏུ་ཕེབས་ཤིང་། རྒྱ་ཡུལ་དུ་བསམ་གཏན་གྱི་སྲོལ་ཐོག་མར་འཛུགས་མཁན་ཡིན་འདུག སྤྱིར་བསམ་གཏན་པའི་ཤིང་རྟའི་སྲོལ་འབྱེད་མཁན་ནི་མཉམ་མེད་ཤཱཀྱ་ཐུབ་པའི་སློབ་མ་འོད་སྲུངས་ཆེན་པོ་ཡིན་ལ། བསམ་གཏན་པ་ཤར་ཕྱོགས་རྒྱ་ཡུལ་དུ་དར་སྤེལ་ཤུགས་ཆེར་མཛད་མཁན་ནི་བྱང་ཆུབ་འཛིན་པ་ལགས་ཡིན། འདི་ལ་དེང་སང་ཕྱི་གླིང་དུ་སྙན་གྲགས་རྒྱས་ཀྱིན་པའི་ཨོ་ཤོ(Osho)་ལགས་ཀྱིས་ཁོང་གི་ཕྱག་དེབ་<<བསམ་གཏན་པའི་བྱུང་བ་བརྗོད་པ>>་ཞེས་པར་བསམ་གཏན་པ་ནི་རྒྱ་གར་དུ་ས་བོན་བཏབས་པ་དང་རྒྱ་ནག་གི་ཡུལ་དུ་ཡལ་འདབ་རྒྱས་ཤིང་། ཉི་ཧོང་དུ་འབྲས་བུ་སྨིན་པ་ཡིན་ཞེས་ཐེངས་མང་ལྗགས་གླེང་མཛད་ཡོད།

Nov 14, 2011

ཀླུ་ཀུན་ཏུ་དགའ་བ་ཞེས་བྱ་བའི་ཟློས་གར། ༡

ཀླུ་ཀུན་ཏུ་དགའ་བ་ཞེས་བྱ་བའི་ཟློས་གར་ཞེས་བྱ་བ་བཞུགས་སོ།།

ཟླ་བ་གཞོན་ནུས་ཞུ་སྒྲིག་བྱས།

༄༅།། རྒྱ་གར་སྐད་དུ། ནཱགཱནནྡནཱམནཱཊཀ བོད་སྐད་དུ། ཀླུ་ཀུན་ཏུ་དགའ་བ་ཞེས་བྱ་བའི་ཟློས་གར།

ཐམས་ཅད་མཁྱེན་པ་ལ་ཕྱག་འཚལ་ལོ།།

དགའ་མ་དགའ་བའི་ཟོལ་ལས་སྐྱེས་པའི་སྤུ་ལངས་དག་གིས་བསྒྲིབས་པའི་ལུས་འཛིན་ཅིང་།།

འཛུམ་དང་ལྡན་པས་རྒྱལ་བའི་བྱང་ཆུབ་དག་ལ་བཀོད་པ་མེ་ཏོག་སྙིམ་པ་ནི།།

གཤོག་རྩལ་རབ་བསྐྱོད་སྒྲ་སྒྲོགས་སྦྲང་རྩི་བྱེད་རྣམས་སྦྲང་རྩི་རེ་བས་བསྟེན་ཅིང་དེའི།།

རྐང་བས་བསྣུན་པས་ཁ་ཟུམ་ཚོགས་ཕྱེ་གེ་སར་གསར་པས་གྱུར་པ་ཁྱེད་ལ་སྲུངས།།

བསམ་གཏན་ཟོལ་དག་ཉེ་བར་བཟུང་ནས་སྐད་ཅིག་མིག་ཕྱེ་སུ་ལ་སེམས་པར་བྱེད།།

སྐྱོབ་པ་ཡིན་ཡང་ལུས་མེད་མདས་གཟིར་སྐྱེ་བོ་འདི་དག་སྲུང་བ་མིན་ལ་ལྟོས།།

སྙིང་རྗེར་ལྡན་པས་བརྫུས་ཏེ་ཁྱོད་ལས་གཞན་པའི་བརྩེ་མེད་སྐྱེས་བུ་ག་ལ་ཡོད།།

བདུད་མོ་རྣམས་ཀྱིས་བྱང་ཆུབ་ལ་འདི་ཕྲག་དོག་གིས་བརྗོད་རྒྱལ་་བས་ཁྱེད་ལ་སྲུངས།།

གཞན་ཡང་།

གཞུ་བཀང་འདོད་པ་དང་ནི་རྔ་གསང་བརྡུང་ཞིང་སྒྲ་སྒྲོགས་བདུད་ཀྱི་དཔའ་བོ་དང་།།

སྨིན་འཁྱོག་རབ་འདར་གླལ་འཛུམ་ལོགས་སུ་ལྟ་བ་མཐོ་རིས་བུ་མོའི་སྐྱེ་བོ་དང་།།

གྲུབ་པ་ཡན་ལག་མཆོག་བཏུད་རྣམས་དང་མཚར་བས་སྤུ་ལངས་ལུས་ཅན་ནོར་ལྷ་ཡིས།།

བྱང་ཆུབ་འཐོབ་ལ་བསམ་གཏན་གཡོ་མེད་ཅེས་བལྟས་ཐུབ་པའི་དབང་བོས་ཁྱེད་ལ་སྲུངས།།

༼དགའ་ལྡན་གྱི་མཐར༽

མཚན་མ་དང་བོ།

མདོ་འཛིན་པས། ཤིན་ཏུ་མང་བར་འགྱུར་བས་དགའ་བར་བྱས་ཏེ་མདོ་འཛིན་པའོ།།

༼འགྲིག་སོང་། འགྲིག་སོང་། ཤིན་ཏུ་རྒྱས་པར་མ་བྱེད་ཅིག༽

དེ་རིང་བདག་པོའི་དགའ་སྟོན་ལ་ཕྱོགས་སྣ་ཚོགས་ནས་འོངས་པ་དཔལ་ལྡན་དགའ་བའི་ལྷའི་ཞབས་ཀྱི་པདྨ་ཉེ་བར་བསྟེན་པའི་རྒྱལ་པོའི་ཚོགས་རྣམས་ཀྱིས་གུས་པ་དང་ལྡན་པར་བོས་ཏེ། བདག་ལ་སྨྲས་པ། ཇི་ལྟར་ཁོ་བོ་ཅག་གི་རྗེ་དཔལ་ལྡན་དགའ་བའི་ལྷས། སྔར་མེད་པའི་དངོས་པོའི་རྒྱན་རྣམ་པར་བཀོད་པ་རིག་པ་འཛིན་པའི་སྐྱེས་རབས་ལས་བརྩམས་པ། ཀླུ་ཀུན་ཏུ་དགའ་བ་ཞེས་བྱ་བའི་ཟློས་གར་མཛད་པ་ནི་ཁོ་བོ་ཅག་རྣམས་ཀྱི་ཉན་པ་པོའི་བརྒྱུད་པ་ལས་ཐོས་ཏེ། སྦྱོར་བ་དག་ནི་མ་མཐོང་ངོ་།། དེའི་ཕྱིར་རྒྱལ་པོ་དེ་ཉིད་ལ་གུས་པ་དང་། ཁོ་བོ་ཅག་ལ་རྗེས་སུ་གཟུང་བའི་བློས་སྦྱོར་བ་ཇི་ལྟ་བ་བཞིན་དུ་ཁྱོད་ཀྱིས་ཟློས་གར་དག་བྱོས་ཤིག་ཅེས་སོ།། དེའི་ཕྱིར་རེ་ཞིག་ཚོན་གྱི་བཀོད་པ་དག་བྱས་ནས་ཇི་ལྟར་མངོན་པར་འདོད་པ་བཞིན་ཡོངས་སུ་རྫོགས་པར་བྱའོ།། འདུས་པའི་སྐྱེ་བ་འདི་དག་གི་ཡིད་ནི་ཀུན་དུ་ཚིམ་པར་གྱུར་ཏེ་ཞེས་བྱ་བར་བདག་གིས་ངེས་ཏེ། གང་གི་ཕྱིར། དཔལ་ལྡན་དགའ་བ་སྙན་དངགས་མཁན་པོ་མཁས་ལ་འདུས་པ་འདི་དག་ཡོན་ཏན་འཛིན།། འཇིག་རྟེན་དུ་ནི་བྱང་ཆུབ་སེམས་དཔའི་སྤྱོད་པ་ཡིད་འཕྲོག་ཟློས་གར་བདག་ཅག་མཁས།། འདིར་ནི་དངོས་པོ་རེ་རེ་དག་ཀྱང་འདོད་པའི་འབྲས་བུ་འཐོབ་པའི་གནས་ཡིན་ན།། བདག་གི་སྐལ་བ་རྒྱས་པས་ཡོན་ཏན་ཀུན་གྱི་ཚོགས་འདུས་འདི་ལ་སྨོས་ཅི་དགོས།།

དེས་ན་རེ་ཞིག་ཁྱིམ་པ་མོ་བོས་ཏེ་གླུ་དག་ལ་གནས་པར་བྱའོ།། ༼ཡོངས་སུ་བགྲོད་ཅིང་ཡོལ་བ་ལ་མངོན་པར་ཕྱོགས་ཏེ་བལྟས་ནས་༽ འདི་ངེད་ཅག་གི་ཁྱིམ་མོ།། རེ་ཞིག་རབ་ཏུ་གཞུག་པར་བྱ། ༼རབ་ཏུ་ཞུགས་ནས༽འཕགས་མ། རེ་ཞིག་འདིར་ཤེག།

༼དེ་ནས་གར་མཁན་མ་ངུ་ཞིང་ཞུགས་སོ།།༽

མདོ་འཛིན་པས། མཐོང་ནས༽འཕགས་མ། ཀླུ་ཀུན་ཏུ་དགའ་བ་ཞེས་བྱ་བའི་ཟློས་གར་བྱ་བ་ཡིན་ན་ཅིའི་དོན་དུ་རྒྱུ་མེད་པ་ཉིད་དུ་ངུ་བར་བྱེད།

གར་མཁན་མས། ཇོ་བོ་ཇི་ལྟར་མི་ངུ་སྟེ། གང་གི་ཕྱིར་རེ་ཞིག་ཡབ་ནི་ཡུམ་དང་འགྲོགས་ནས་རྒན་པོའི་དངོས་པོས་ཡིད་བྱུང་སྟེ། དེ་ནི་ཁྱོད་ཀྱིས་གཉེན་ཚན་གྱི་ཁུར་དག་འཛིན་པར་བཟོད་དོ་ཞེས་ཐུགས་ལ་བཞག་ནས་དཀའ་ཐུབ་ཀྱི་ནགས་སུ་གཤེགས་སོ།།

མདོ་འཛིན་པས། བདག་ཀྱང་ཡོངས་སུ་བཏང་ནས་ཇི་ལྟར་ཡབ་ཡུམ་ནགས་སུ་གཤེགས། ༼རྣམ་པར་བསམས་ནས༽དེ་ལ་ད་ནི་ཅི་ཞིག་རིགས་པར་འགྱུར། ཡང་ན་བདག་བླ་མའི་ཞབས་ཀྱི་རིམ་གྲོ་བྱེད་པའི་བདེ་བ་ཡོངས་སུ་བཏང་ནས་ཇི་ལྟར་ཁྱིམ་དུ་འདུག་པར་བྱེད།

ཇི་ལྟར་སྤྲིན་གྱི་བཞོན་པ་བཞིན།།དབང་ཕྱུག་རིམ་པས་འོངས་བཏང་སྟེ།།

ཕ་མའི་སྲི་ཞུ་བསྒྲུབ་པའི་ཕྱིར།། བདག་ཀྱང་ནགས་སུ་འགྲོ་བར་བྱ།།

༼སོང་བར་གྱུར་ཏེ་སྐབས་དབྱེ་བའོ།།༽

༼དེ་ནས་སྤྲིན་གྱི་བཞོན་པ་དང་། བི་དཱུ་ཥ་ཀ་དག་ཞུགས་ཏེ༽

འདྲེན་པས། ཆགས་པའི་གནས་ཞེས་བྱ་བར་བདག་གིས་རིག། འཇིག་ཅེས་བྱ་བར་བདག་གིས་མ་རྟོགས་མིན།། བྱ་དང་བྱ་མིན་རྣམ་པར་དཔྱད་རྣམས་ལ།། ཕྱིར་ཕྱོགས་གྱུར་པ་རས་ལ་སུས་མ་རིག། ཕ་མའི་སྲི་ཞུ་བྱེད་པ་བདག་གི་ནི།། ལས་ཚོ་དབང་བོའི་དབང་དུ་གྱུར་པ་འདི།། གལ་ཏེ་གུས་པས་འདི་ལྟར་ཉིད་གྱུར་ན།། དེ་ལྟར་སྨད་པར་འོས་ཀྱང་དགའ་བྱེད་འགྱུར།།

བི་དཱུ་ཥ་ཀས། ༼ཁྲོ་བ་དང་བཅས་པར༽ཀྱེ། གང་གི་ཚེ་གསོན་བཞིན་དུ་ཤི་བའི་རྒན་རྒོན་འདི་དག་འདི་ལྟར་ནགས་ན་འདུག་པ་ལ་འདི་སྙེད་ཀྱི་དུས་སུ་སྡུག་བསྔལ་ཉམས་སུ་མྱོང་ཡང་ཁྱོད་ནི་ཡིད་བྱུང་བར་མ་གྱུར་ཏོ།། དེས་ན་རབ་ཏུ་དང་བས་ད་དུང་ཡང་རེ་ཞིག་བླ་མའི་༼ཕ་མ་རང་༽ཞབས་ཀྱི་སྲི་ཞུ་ལ་ཆགས་པ་ལས་ཕྱིར་བཟློག་ལ་རྒྱལ་སྲིད་ཀྱི་བདེ་བ་ཉམས་སུ་མྱོང་བར་བྱོས་ཤིག

འདྲེན་པས། ཇི་ལྟར་ཡབ་ཀྱི་མདུན་དུ་སར་འདུག་མཛེས་པ་དེ་ལྟ་སེང་གེའི་ཁྲི་ལ་ཡོད་དམ་ཅི།། ཡབ་ཀྱི་ཞབས་དག་མཉེད་པ་ལས་བྱུང་བདེ་བ་དེ་ནི་རྒྱལ་སྲིད་དག་ལའང་ཡོད་དམ་ཅི།། བླ་མའི་ལྷག་མ་སྤྱད་པའི་དགའ་བ་གང་འདིས་ས་གསུམ་སྤྱད་པ་དག་ལ་ཡོད་དམ་ཅི།། བླ་མས་བཏང་བའི་རྒྱལ་སྲིད་ངེས་པར་གདུང་བྱེད་དག་སཏེ་དེས་ན་ཡོན་ཏན་ཅི་ཞིག་ཡོད།།

བི་དཱུ་ཥ་ཀས། ༼བདག་ཉིད་ཀྱིས་རྟོགས་པར༽ཨེ་མ་འདི་ནི་སྐྱེ་བ་བླ་མའི་སྲི་ཞུ་ལ་ཆགས་པ་ཞིག་གོ་སྙམ་དུ་བསམས་ནས། དེས་ན་འདི་ཡང་རེ་ཞིག་བརྗོད་པར་བྱའོ།། གསལ་བར༽ ཀྱེ་གྲོགས་པོ། ངེས་པར་རྒྱལ་སྲིད་ཀྱི་བདེ་བ་འབའ་ཞིག་གི་ཆེད་དུ་བདག་གིས་འདི་བརྗོད་པ་མ་ཡིན་ཏེ།། གཞན་ཡང་ཁྱོད་ལ་བྱ་བ་དག་ཡོད་པ་ཉིད་དོ།།

འདྲེན་པས། ༼འཛུམ་དང་བཅས་པས༽བྱ་བ་བདག་གིས་བྱས་པ་ཉིད་མ་ཡིན་ནམ་ལྟོས་ཤིག རིགས་པར་འོས་པའི་ལམ་ལ་བློན་པོ་རྣམས་སྦྱར་དམ་པ་རྣམས་ནི་བདེ་ལ་བཞག། དེ་བཞིན་གཉེན་གྱི་སྐྱེ་བོ་བདག་མཚུངས་ཉིད་བྱས་རྒྱལ་སྲིད་དག་ཀྱང་བསྲུང་བར་བྱས།། ཡིད་ལ་རེ་བ་ལས་ལྷག་འབྲས་སྟེར་དཔག་བསམ་ཤིང་ཡང་སློང་བ་རྣམས་ལ་བྱིན།། འདི་ལས་གཞན་པའི་བྱ་བ་ཅི་ཞིག་ཁྱོད་ཀྱི་སེམས་ལ་གང་ཞིག་གནས་པ་སྨྲོས།།

བི་དཱུ་ཥ་ཀས། ཀྱེ་གྲོགས་པོ། ཤིན་ཏུ་ཐུབ་ཆོད་ལྡན་ཞིང་ཉམས་པར་བྱེད་པའི་ལྷ། མ་ཏང་ག་འདི་མི་མཐུན་པའི་ཕྱོགས་སུ་ཉེ་བར་གནས་པ་ལ་གཙོ་བོ་དང་གཉེན་དག་ཡང་དག་པར་གནས་ཀྱང་ཁྱོད་མེད་ན་བདག་ནི་རྒྱལ་སྲིད་ལེགས་པར་གནས་པར་མི་རྟོག་གོ།

འདྲེན་པས། མ་ཏང་གས་རྒྱལ་སྲིད་ལེན་པར་འགྱུར་རོ་ཞེས་བྱ་བའི་དོགས་པ་ཡོད་དམ་ཅི། གལ་ཏེ་དེ་ལྟར་གྱུར་ན་དེ་ལས་ཅིར་འགྱུར། བདག་གི་ལུས་ལ་སོགས་པ་ཐམས་ཅད་གཞན་གྱི་དོན་ཉིད་དུ་ཡོངས་སུ་བསྲུངས་པ་མ་ཡིན་ནམ། གང་ཡང་རང་གིས་མ་བྱིན་པ་དེ་ནི་ཡབ་ཀྱི་ངོར་ཡིན་ནོ།། དེས་ན་དོན་མེད་པའི་བསམ་པ་འདིས་ཅི་ཞིག་བྱ། ཡབ་ཀྱིས་རྗེས་སུ་བསྟན་པ་ཉིད་ལྷུར་བསྒྲུབ་པར་བྱའོ།།

བི་དཱུ་ཥ་ཀས། ཀྱེ་ཡབ་ཀྱི་ཅི་ཞིག་བསྟན།

འདྲེན་པས། ཇི་ལྟར་ཉི་མ་མང་བོར་ཡོངས་སུ་དཔྱད་པས་དཀའ་ཐུབ་ཀྱི་ནགས་འདི་ཡམ་ཤིང་དང་། ཀུ་ཤ་དང་། མེ་ཏོག་དང་། ཉེ་བར་མཁོ་བའི་རྩ་བ་དང་། འབྲས་བུ་དང་། སྡོང་བུ་དང་། དྲི་ཞིམ་པ་དང་། རྔད་མང་བ་དག་རིང་དུ་བྱས་པར་གྱུར་གྱིས། དེའི་ཕྱིར། མ་ལ་ཡའི་རི་ལ་སོང་ལ་བསྟི་གནས་འགའ་ཞིག་རྟོགས་ཤིང་ཅེས་ཡབ་ཀྱིས་བདག་ལ་རྗེས་སུ་བསྟན་ཏོ།། དེའི་ཕྱིར་རེ་ཞིག་མ་ལ་ཡ་ཉིད་དུ་འགྲོའོ།། ༼ཞེས་ཏེ་སོང་བར་གྱུར་ཏོ།།༽

བི་དཱུ་ཥ་ཀས། ༼མདུན་དུ་བལྟས་ནས༽ཀྱེ་གྲོགས་པོ། ལྟོས་ཤིག ལྟོས་ཤིག རླན་དང་བཅས་ཤིང་སྟག་པོའི་ཙན་དན་གྱི་ནགས་ཀྱི་ཁྲོད་ནས་ཡོངས་སུ་བསྐྱོད་པ་དྲི་བཟང་རྒྱ་ཆེན་པོས་བསྒོས་པ་ཅན་རིའི་ངོས་མི་བཟད་པ་ལས་བབས་པས་དུམ་བུར་འགྱུར་བའི་ཆུ་རྒྱུན་ལས་འཐོར་བའི་ཐིགས་པ་བསིལ་པོ་འཛིན་པ་མ་ལ་ཡའི་རླུང་འདི་ནི་ངེས་པར་ལམ་གྱིས་ཡོངས་སུ་དུབ་པ་དག་སེལ་ཞིང་། དང་བོར་འགྲོགས་པར་འདོད་པའི་དགའ་མ་ལ་མགྲིན་པ་ནས་བཟུང་བ་བཞིན་དུ་གྲོགས་པོ་མཛའ་བོ་ལ་སྤུ་ལོང་རྒྱས་པར་བྱེད་པ་འདྲའོ།།

འདྲེན་པས། ༼ཀུན་ཏུ་བལྟས་ནས༽ཨ་ཡེ། བདག་ཅག་རི་མ་ལ་ཡར་སླེབས་པར་གྱུར་ཏོ།། ༼བརྟགས་ནས༽ ཨེ་མ། འདི་ནི་དགའ་བར་བྱ་བ་ཞིག་སྟེ། དེ་ལྟར་ཡང་། དགའ་ལྡན་ཕྱོགས་ཀྱི་གླང་བོ་འགྲམ་པའི་ངོས་བརྡར་ཙན་དན་དག་ནི་ཆག་ཅིང་ཟག། ཆུ་གཏེར་རླབས་རྣམས་རབ་ཏུ་བསྣུན་པས་ཕུག་དང་ལུང་བ་དག་ནི་ཆོ་ངེས་སྒྲོགས།། གྲུབ་པའི་བུད་མེད་བགྲོད་པ་རྣམས་ཀྱི་རྐང་བའི་སྨུག་རྩིས་དམར་བ་མུ་ཏིག་རྡོ།། བསྟེན་བྱ་རི་བོ་མ་ལ་ཡ་འདིས་བདག་གི་སེམས་ནི་ཅི་ཡང་སྲེད་ལྡན་བྱེད།། དེས་ན་ཚུར་ཤོག འདི་ལ་འཛེགས་ཏེ་འདུག་པར་འོས་པའི་བསྟི་གནས་དག་བཙལ་བར་བྱའོ།། ༼འཛེགས་ཏེ་མཚན་མ་གསལ་བར་བྱས་ནས༽

བདག་གི་མིག་ནི་གཡས་པ་གཡོ།། འབྲས་བུ་འདོད་པ་འགའ་ཡང་མེད།། ཐུབ་པའི་གསུང་ཡང་བརྫུན་མ་ཡིན།། འདི་ནི་ཅི་ཞིག་འཆད་འགྱུར་ཀྱེ།།

བི་དཱུ་ཥ་ཀས། ཀྱེ་གྲོགས་པོ། གྲོགས་པོ་ལ་དགའ་བ་འགའ་ཞིག་ཉེ་བར་སྟོན་ཏོ།།

འདྲེན་པས། ངེས་པར་ཇི་ལྟར་ཁྱོད་ཀྱིས་སྨྲས་པ་དེ་བཞིན་ནོ།།

བི་དཱུ་ཥ་ཀས། ཀྱེ་གྲོགས་པོ། ལྟོས་ཤིག ལྟོས་ཤིག ཁྱད་པར་དང་བཅས་པར་སྟུག་ཅིང་སྣུམ་པའི་རྐང་འཐུང་གིས་ཉེ་བར་མཛེས་ཤིང་བའི་མར་གྱི་དྲིའི་སྙིང་བོ་ཅན་གྱི་དུ་བ་དྲག་ཏུ་འཕྱུར་ལ། རི་དྭགས་ཀྱི་ཚོགས་འཇིགས་པ་མེད་ཅིང་ལམ་དུ་བག་ཕབ་སྟེ་གནས་པ་འདི་ནི་དཀའ་ཐུབ་ཀྱི་ནགས་ཚལ་བཞིན་དུ་མཚོན་ནོ།།

འདྲེན་པས། གྲོགས་པོ། ཡང་དག་པར་མཚོན་ནོ།། འདི་དག་ནི་དཀའ་ཐུབ་ཀྱི་ནགས་ཚུལ་ཉིད་དེ། གང་གི་ཕྱིར།

གོས་ཀྱི་དོན་དུ་ཤིང་ཤུན་རྣམས་བཅད་བརྩེ་བ་ཉིད་ཀྱིས་ཤིན་ཏུ་ཆེ་བ་མིན། རུལ་བའམ་རྙིང་བ་ཆགས་པས་མཚན་པའི་ཆུ་རྒྱུན་དག་ནི་མཁའ་ལྟར་རབ་ཏུ་དྭངས། །འགའ་ཞིང་དག་ན་མུཉྫའི་སྐེ་རགས་ཁྱེའུ་ས་བཅད་ཅིང་དོར་བར་གྱུར་པ་མཐོང་། །རྟག་ཏུ་ཐོས་པས་ནེ་ཙོ་དག་ཀྱང་རིག་བྱེད་ཚིག་འདི་རབ་ཏུ་སྒྲོག་པར་བྱེད།།

དེས་ན་ཚུར་ཤོག རབ་ཏུ་ཞུགས་ཏེ་ཉེ་བར་མཚོན་པར་བྱའོ།།

༼རབ་ཏུ་ཞུགས་ཏེ་གར་དག་བྱེད་དོ།།༽

འདྲེན་པས། ཨེ་མ་ཐུབ་པའི་སྐྱེ་བོ་རབ་ཏུ་དགའ་བ་རྣམས་ནི་རིག་བྱེད་ཀྱི་ཚིག་རྒྱས་པ་ལ་ཐེ་ཚོམ་རྣམ་པར་གཅོད་པར་བྱེད་ལ། ཁྱེའུའི་སྐྱེ་བོ་རྣམས་ནི་ཇི་ལྟར་གཤེར་བ་གཤེར་བའི་ཡམ་ཤིང་དག་གཅོད་ཅིང་། དཀའ་ཐུབ་པའི་གཞོན་ནུ་མ་རྣམས་ནི་ལྗོན་པ་གསར་བའི་ཀྱོ་ར་འགེངས་ཉིད་དོ།། འདི་ཉིད་ན།

བུང་བའི་སྒྲ་ཡིས་ལེགས་པར་འོངས་སམ་ཞེས་ནི་བརྗོད་པ་བཞིན།།

འདི་དག་མགོ་ནི་འབྲས་བུ་དུས་པས་འདུད་པར་བྱེད་པ་བཞིན།།

མེ་ཏོག་ཆར་བ་འཐོར་ཞིང་བདག་ལ་མཆོད་ཡོན་སྟེར་བ་བཞིན།།

ཡལ་ག་ལྡན་པ་ཡིས་ཀྱང་མགྲོན་གྱི་བསྙེར་བཀུར་ཇི་ལྟར་བསླབས།།

དེའི་ཕྱིར་དཀའ་ཐུབ་ཀྱི་ནགས་ཚལ་འདིར་ནི་འདུག་པར་འོས་པ་ཞིག་སྟེ། འདིར་གནས་ན་བདག་ཅག་གི་སེམས་བདེ་བར་འགྱུར་རོ་སྙམ་མོ།།

བི་དཱུ་ཥ་ཀས། ཀྱེ་གྲོགས་པོ། འོན་ཀྱང་ངེས་པར་རི་དྭགས་འདི་དག་མགྲིན་པ་ཅུང་ཟད་དཀྱོགས་ཏེ་གཡོ་བ་མེད་པའི་ཁ་ལས་ཅུང་ཟད་ཟོས་པའི་རྩྭ་ཁམ་ནས་ན་གནས་པ་ཟག་ཅིང་རྣ་བ་གཅིག་རབ་ཏུ་བསླངས་ཏེ་གཏད་ནས་མིག་ཟུམ་པ་དང་བཅས་པས་ཉན་པར་བྱེད་པ་ལྟ་བུར་མཚོན་ནོ།།

འདྲེན་པས། ༼འདྲེན་པས་རྣ་བ་གཏད་ནས༽

གནས་ཐོབ་རབ་ཏུ་གསལ་བའི་འགྲོས་ཅན་གདངས་སྙན་དག་གིས་རྣམ་པར་གཞག་པ་འཛིན་བྱེད་པ།།

བུང་བའི་སྒྲ་བཞིན་ངེས་པར་ཡིད་འཕྲོག་རྒྱུད་མངས་དག་གི་རྒྱུད་མངས་སྒྲ་དང་ལྡན་པ་ཡིས།།

གསལ་ཞིང་རོལ་སྒེག་ཚིག་ལྡན་གླུ་ནི་ཀུན་ཏུ་འཁྱོག་པའི་ལུས་ཅན་རི་དྭགས་འདི་དག་རྣམས།།

སོ་ཡི་བར་ན་གནས་པ་རྩྭ་ཡི་ཁམ་ནི་གཅོད་པའི་སྒྲ་དག་བསྡམས་ནས་ཉན་པར་བྱེད།།

བི་དཱུ་ཥ་ཀས། ཀྱེ་གྲོགས་པོ། དཀའ་ཐུབ་ཀྱི་ནགས་ཚལ་འདི་ན་སུ་ཞིག་གླུ་ལེན་པར་བྱེད།

འདྲེན་པས། ཇི་ལྟར་སོར་མོ་འཇམ་པའི་འདབ་མས་མངོན་པར་བསྣུན་པའི་རྒྱུད་མངས་ཤིན་ཏུ་གསལ་བ་མ་ཡིན་པར་སྒྲོགས་ཤིང་གླུ་ཡང་སྙན་ཅིང་ཕྲ་བ་གཙོར་ལེན་པ་དེ་ལྟར་བདག་རྟོག་པ་ནི་གནས་འདི་ན་ལྷ་དག་མཉེས་པར་བྱེད་ཅིང་ལྷའི་བུད་མེད་རྒྱུད་མངས་དང་ལྡན་པའི་གླུ་ལེན་པར་བྱེད་དོ།།

བི་དཱུ་ཥ་ཀས། ཀྱེ་གྲོགས་པོ། ཚུར་ཤོག ཡུ་བུ་ཅག་ཀྱང་ལྷའི་གནས་བལྟ་བར་བྱའོ།། ༼ཉེ་བར་སོང་སྟེ་འཕྲལ་ལ་འདུག་ནས༽ གྲོགས་པོ་གལ་ཏེ་ན་སྐྱེ་བོ་འདི་ལྟ་བར་མི་འོས་པ་སྲིད་དོ།། དེ་ནས་རེ་ཞིག་ཏ་མ་ལའི་གེལ་པ་འདིའི་ནང་དུ་འདུག་སྟེ་ལྷ་བལྟ་བའི་སྐབས་བཙལ་བར་བྱའོ།།

༼དེ་ལྟར་བྱས་སོ།།༽

༼དེ་ནས་མ་ལ་ཡ་ཅན་མ་དང་། འབངས་མོ་ཞུགས་ཏེ་སལ་འདུག་ནས་རྒྱུད་མངས་སྦྲེང་བར་བྱེད་དོ།།༽

འདྲེན་མས། ༼གླུ་ལེན་པ༽ གཽ་རཱི་རབ་རྒྱས་པདྨའི་གེ་སར་གྱི།། དངུལ་ལྟར་དཀར་བའི་འོད་ཅན་བཅོམ་ལྡན་མ།། ཁྱོད་ཀྱི་བཀའ་དྲིན་དག་གིས་བདག་གི་ནི།། མངོན་པར་འདོད་པ་རབ་ཏུ་གྲུབ་པར་མཛོད།།

འདྲེན་པས། ༼རྣ་གཏད་ནས༽ ཨེ་མ་ཧོ་གླུ། ཨེ་མ་ཧོ་རོལ་མོ། འདི་ལ་གསལ་བྱེད་ཀྱི་དབྱངས་རྣམ་པ་བཅུ་བོ་འདིས་གསལ་བ་ཐོབ་ཅིང་། མྱུར་བ་དང་། བར་མ་དང་། དལ་བའི་སྟབས་རྣམ་པ་གསུམ་རབ་ཏུ་གསལ་བར་ཡོངས་སུ་བཅད་དེ། བ་ལང་གི་རྔ་མ་ལ་སོགས་པ་རྣམ་པ་གསུམ་གྱི་རིམ་པས་ངལ་གསོ་བར་བྱས་པ་དེ་ཁོ་ནའི་ཚོགས་ཀྱི་རྗེས་སུ་འབྲང་བའི་རོལ་མོའི་ཆོ་ག་ཡང་དག་པ་གསུམ་བསྟན་ཏོ།།

འབངས་མོས། རྗེའི་སྲས་མོ་ངེས་པར་ཡུན་རིང་དུ་གླུ་དག་བླངས་ནས་ཁྱོད་ཀྱི་ལག་རྩེ་དག་ཡོངས་སུ་མི་ངལ་ལམ།

འདྲེན་མས། གྲུང་མོ། བཅོམ་ལྡན་མོ༼ལྷ་མོ་རང་༽འི་མདུན་དུ་རྒྱུད་མངས་སྒྲོགས་པར་བྱེད་པ་ལ་བདག་ག་ལ་ངལ།

འབངས་མོས། ༼སྨོད་པ་དང་བཅས་པར༽ རྗེའི་སྲས་མོ་ཀྱེ། བརྩེ་མོ་འདིའི་མདུན་དུ་རྒྱུད་མངས་བསྒྲགས་པས་ཅི་ཞིག་བྱ་ཞེས་བདག་སྨྲའོ།། གང་ཞིག་འདི་སྙེད་ཀྱི་དུས་སུ་སྐྱེ་བོ་གཞོན་ནུ་མའི་དཀའ་ཐུབ་བསྙེན་ནས་ངེས་པ་ལ་གནས་པས་བསྟན་ཀྱང་ད་དུང་ཁྱོད་ལ་དང་བར་མི་སྟོན་ནོ།།

བི་དཱུ་ཥ་ཀས། ༼ཐོས་ནས༽ ཀྱེ་གྲོགས་པོ། འདི་ནི་ངེས་པར་གཞོན་ནུ་མ་སྟེ་ཅིའི་ཕྱིར་མི་ལྟ།

འདྲེན་པས། སྐྱོན་ཅི་ཡོད། གཞོན་ནུ་མ་ལྟ་བ་ནི་སྐྱོན་མེད་པ་ཉིད་དོ།། འོན་ཀྱང་གལ་ཏེ་ན་བདག་ཅག་མཐོང་ནས་འཇིགས་ཏེ། ངོ་ཚ་བ་གཞོན་ནུ་མ་ལ་རྙེད་སླ་བས་འདིར་ཡུན་རིང་དུ་མི་སྡོད་པ་མི་སྲིད་དོ།། དེས་ན་རེ་ཞིག་འཁྲི་ཤིང་གི་དྲ་བ་འདིས་བསྒྲིབས་ཏེ་བལྟ་བར་བྱའོ།།

༼གཉི་གས་བལྟས་ཏེ༽

བི་དཱུ་ཥ་ཀས། ༼ཡ་མཚན་དང་བཅས་པར༽ ཀྱེ་གྲོགས་པོ། ལྟོས་ཤིག་ལྟོས་ཤིག ངོ་མཚར་རོ་ངོ་མཚར་རོ།། རྒྱུད་མངས་ཀྱི་སྒྲས་རྣ་བའི་བདེ་བ་སྐྱེད་པར་བྱེད་པ་འབའ་ཞིག་ཏུ་མ་ཟད་དེ། རྣམ་པར་ཤེས་པའི་རྗེས་སུ་མཐུན་པའི་གཟུགས་འདིས་མིག་གི་ཡང་བདེ་བ་སྐྱེད་པར་བྱེད་དོ།། དེའི་ཕྱིར་འདི་ནི་སུ་ཞིག་ཡིན། ཅི་ལྷ་མོའམ། ཀླུའི་བུ་མོའམ། ཡང་ན་རིག་པ་འཛིན་པའི་བུ་མོའམ། ཡང་ན་གྲུབ་པའི་རིགས་ལས་འཁྲུངས་པ་ཞིག་གོ།

འདྲེན་པས། ༼རྣམ་པར་ལྟ་ཞིང་ཆགས་པ་དང་བཅས་པར༽ གྲོགས་པོ། འདི་སུ་ཞིག་ཡིན་བདག་གིས་མ་རྟོགས་སོ།། བདག་གིས་འདི་ཙམ་ཤེས་ཏེ།

གལ་ཏེ་མཐོ་རིས་བུ་མོ་ཡིན་ན་འཕྲོག་བྱེད་མིག་སྟོང་ལྡན་དེས་དོན་བྱས་འགྱུར།།

གལ་ཏེ་ཀླུ་ཡི་བུ་མོ་ཡིན་ནའང་འདིའི་གདོང་ཡོད་ཚེ་ས་འོག་ཟླ་བས་སྟོང་བ་མིན།།

གལ་ཏེ་རིག་འཛིན་མ་ཡིན་གཞན་རིགས་ལས་རྒྱལ་བདག་ཅག་རིགས་ནི་འབྲས་དང་བཅས།།

གལ་ཏེ་གྲུབ་རིགས་ལས་སྐྱེས་དེ་ཕྱིར་གྲུབ་པ་འཇིག་རྟེན་གསུམ་དུ་གྲགས་པར་འགྱུར།།

བི་དཱུ་ཥ་ཀས། ༼འདྲེན་པ་ལ་བལྟས་ནས་དགའ་བ་དང་བཅས་ཤིང་རང་གིས་རྟོགས་པར༽ ཨེ་མའོ།། ཡུན་རིང་བོ་ཞིག་ནས་ཡིད་སྲུབ་ཀྱི་སྤྱོད་ཡུལ་དུ་ལྷུང་བར་གྱུར་ཏོ།། བདག་ཉིད་ལ་སྟོན་ཅིང་། ཡང་ན་མ་ཡིན་ཏེ། བྲམ་ཟེ་བདག་གིའོ།།

འབངས་མོས། ༼མཛའ་བ་དང་བཅས་པར༽ཀྱེ། བྲམ་ཟེ་བདག་སྨྲའོ།།

བརྩེ་མེད་མ་འདིའི་མདུན་དུ་རྒྱུད་མངས་བསྒྲགས་པས་ཅི་ཞིག་བྱ། ༼ཞེས་ཏེ་རྒྱུད་མངས་འཕངས་སོ།།༽

འདྲེན་མས། བུ་མོ། བཅོམ་ལྡན་མ་གཽ་རཱི་ལ་མ་སྨད་ཅིག ཀེ་དིང་བཅོམ་ལྡན་མས་བཀའ་དྲིན་མཛད་པ་བཞིན་ནོ།།༼དེ་རིང་བཅོམ་ལྡན་མས་བདག་ལ་མཆོག་བྱིན་ནོ།།རང་།༽

འབངས་མོས། རྗེའི་སྲས་མོ། རེ་ཞིག་ཅི་འདྲ་བ་དག་སྨྲོས་ཤིག

འདྲེན་མས། བུ་མོ། ངེས་པར་དེང་རྨི་ལམ་དུ་བདག་འདི་བཞིན་ཉིད་དུ་རྒྱུད་མངས་བསྒྲེང་བ་ལ་བཅོམ་ལྡན་མས་གསུངས་པ། བུ་མོ་ཁྱོད་ཀྱིས་རྒྱུད་མངས་བསྒྲེང་བ་མཁས་པ་ཁྱད་པར་དུ་འཕགས་པ་འདི་དང་། བདག་ལ་ཐུན་མོང་མ་ཡིན་པའི་གུས་པ་བུ་མོའི་དངོས་པོ་ལ་རྙེད་དཀའ་བ་འདིས་བདག་ཤིན་ཏུ་ཚིམ་པར་གྱུར་ཏོ།། དེའི་ཕྱིར་ཡུན་རིང་བོ་མ་ཡིན་པ་ན་རིག་པ་འཛིན་པའི་འཁོར་ལོས་སྒྱུར་བས་ལག་པ་འཛིན་པར་འགྱུར་རོ་ཞེས་སོ།།

འབངས་མོས། ༼དགའ་བ་དང་བཅས་པར༽ རྗེས་སྲས་མོ། གལ་ཏེ་དེ་ལྟར་ཡིན་ན་རྨི་ལམ་དུ་ཞེས་ཅིའི་ཕྱིར་བརྗོད། ལྷ་མོས་སྙིང་ལ་འདོད་པའི་མཆོག་བྱིན་པ་ཉིད་ཡིན་ནོ།།

བིདཱུཥཀས། ངེས་པར་བདག་ཅག་ལྷ་མོ་ལྟ་བའི་སྐབས་སུ་བབ་པོ།། དེའི་ཕྱིར་ཚུར་ཤེག ཉེ་བར་འགྲོ་བར་བྱའོ་ཞེས་ཏེ་ཉེ་བར་བཏུད་དོ།།

འདྲེན་པས། རེ་ཞིག་བདག་ཞུགས་པར་མི་བྱའོ།།

བི་དཱུ་ཥ་ཀས། ༼མི་འདོད་བཞིན་དུའང་འདྲེན་པ་ཤུགས་ཀྱིས་ཁྱེར་༼འཁྲིད་༽ནས་དྲུང་དུ་སླེབས་པར་བྱས༽ ཇོ་མོ་གྲུང་མོ། བདག་བདེན་པར་སྨྲ་སྟེ། འདི་ནི་མཆོག་བྱིན་པ་ཉིད་དོ།།

འདྲེན་མས། ༼འཇིགས་པ་དང་བཅས་ཏེ་འདྲེན་པ་མཚོན་ཏེ༽ བུ་མོ། འདི་སུ་ཞིག་ཅེས་སོ།།

འབངས་མོས། གཞན་དང་ཐུན་མོང་མ་ཡིན་པའི་རྣམ་པ་འདིས་ན། འདི་ཉིད་བཅོམ་ལྡན་མས་བཀའ་དྲིན་མཛད་པ་ཡིན་སྙམ་མོ།།

འདྲེན་མས། ༼ཆགས་པ་དང་བཅས་ཤིང་ངོ་ཚ་བ་དང་བཅས་པར༽ བལྟས་སོ།།

འདྲེན་པས། གཡོ་ཞིང་ཡངས་པའི་མིག་ལྡན་དབུགས་འབྱིན་ཅིང་།། འདར་ཞིང་མཁྲེགས་སྟུག་ནུ་ལྡན་འཁྲུལ་བྱེད་མ།། ལུས་འདི་དཀའ་ཐུབ་ཉིད་ཀྱིས་ཤིན་ཏུ་ནི།། ངལ་གྱུར་སླར་ཡང་ཅི་སླད་གདུང་བར་བྱེད།།

འདྲེན་མས། བུ་མོ། ཤིན་ཏུ་འཇིགས་པས་འདི་ལ་མངོན་དུ་ཕྱོགས་ཏེ་འདུག་པར་མི་ནུས་སོ།། ༼ཞེས་ཏེ་ལོགས་ལ་བལྟས་ནས་འཁོད་དོ།།༽

བི་དཱུ་ཥ་ཀས། ཇོ་མོ་ཁྱོད་ཀྱི་དཀའ་ཐུབ་ཀྱི་ནགས་ཚལ་འདི་ན་གང་ཞིག་འགྲོན་པོ་འོངས་པ་ལ་ཚིག་ཙམ་གྱིས་ཀྱང་ཕེབས་པར་སྨྲ་བ་མ་ཡིན་པ་འདི་འདྲ་བའི་ཀུན་ཏུ་སྤྱོད་པ་ཡོད་དམ་ཅི།

འབངས་མོས། རྗེའི་སྲས་མོ། འགྲོན་པོ་ལ་བསྙེན་བཀུར་བྱ་བ་རིགས་པ་ཡིན་ནོ།། དེའི་ཕྱིར་ཇི་ལྟར་མཐུ་ཆེན་པོ་དང་ལྡན་པ་འདི་དག་ལ་གུས་པར་བྱ་བ་རྨོངས་པར་གནས། ཡང་ན་ཁྱོད་བཞུགས་ཤིག ཁོ་མོ་ཉིད་ཀྱི་ཇི་ལྟར་རིགས་པ་དག་བྱའོ།། ༼འདྲེན་པ་ལ་མཚོན་ཏེ༽ ཇོ་བོ་ལེགས་པར་འོངས་སམ། ཇོ་བོ་སྟན་ཡོངས་སུ་བཟུང་བས་ཕྱོགས་འདི་བརྒྱན་པར་མཛོད་ཅིང

བི་དཱུ་ཥ་ཀས། ཀྱེ་གྲོགས་པོ། འདི་ནི་ལེགས་པར་སྨྲའོ།། ཡུད་ཙམ་ཞིག་འདུག་སྟེ་ངལ་གསོ་བར་བྱའོ།།

འདྲེན་པས། ཁྱོད་ནི་རིགས་པར་སྨྲའོ།། ༼གཉི་ག་འཁོད་དོ༽

འདྲེན་མས། ཀ་ཡེ། བཞད་གད་ཀྱི་ངང་ཚུལ་ཅན་མ་དེ་ལྟར་མ་བྱེད། གལ་ཏེ་དཀའ་ཐུབ་པ་འགའ་ཞིག་གིས་མཐོང་ན་འདི་ལས་བདག་དུལ་བ་མ་ཡིན་པ་དང་ལྡན་པར་དོགས་པར་འགྱུར་རོ།།