-->

Sep 16, 2011

དབྱངས་ཅན་མ་མཆོད་པ་ཞེས་བྱ་བའི་སྔགས་བཞུགས་སོ།།













सरस्वती वंदना मंत्र

དབྱངས་ཅན་མ་མཆོད་པ་ཞེས་བྱ་བའི་སྔགས།



या कुंदेंदु तुषारहार धवला, या शुभ्र वस्त्रावृता

या वीणावर दण्डमंडितकरा, या श्वेतपद्मासना

या ब्रह्माच्युतशंकरप्रभ्रृतिभिर्देवै: सदा वन्दिता

सा मां पातु सरस्वती भगवती नि:शेष्य जाड्यापहा


དབྱངས་ཅན་མ་མཆོད་པ་ཞེས་བྱ་བའི་སྔགས་བཞུགས་སོ།།



གང་ཞིག་ཀུན་ད་ཟླ་བ་ལྟར་དཀར་རྡུལ་ཆུའི་ཕྲེང་དང་གང་ཞིག་གོས་དཀར་གྱིས་གཡོགས་ཤིང་།།

གང་ཞིག་རྨད་བྱུང་སྒྲ་སྙན་ཐོགས་ལ་དབྱུག་པས་ཕྱག་རྒྱན་གང་ལ་པད་དཀར་གདན་མངའ་བའི།།

གང་ཞིག་ཁྱབ་འཇུག་འཇིག་རྟེན་བྱེད་དང་དབང་ཕྱུག་ལ་སོགས་ལྷ་རྣམས་ཀྱིས་ནི་རྟག་མཆོད་པ།།

དེ་ཡིས་བདག་ནི་བསྐྱབ་པར་མཛོད་ཅིག་མ་ལུས་རྨོངས་སེལ་མཚོ་བྱུང་དང་ནི་བཅོམ་ལྡན་མ།།

༠༩།༡༠།༣༠
ལེགས་སྦྱར་ལས་བསྒྱུར།

མཆོད་པ་འདི་ལེགས་སྦྱར་སྐད་ཀྱིས་ལེན་པར་གསན་འདོད་ཚེ་འདི་མནོན།

Sep 15, 2011

འགྲོ་བ་མིའི་རིགས་ཀྱི་གོད་ཆག

འགྲོ་བ་མིའི་རིགས་ཀྱི་གོད་ཆག
ཨོ་ཤོ།


















ཧི་རོ་ཤི་མ། ༡༩༤༥










ཆེར་ནོ་སྦེལ། ༡༩༨༦









ཕུ་ཀུ་ཤི་མ། ༢༠༡༡

ང་ཚོར་གོད་ཆག་མང་བོ་ཞིག་འབྱུང་རྒྱུ་རེད། འདི་ནི་མགོ་བརྩམས་མ་ཐག་པ་ཙམ་རེད། ང་ཚོས་བྱེད་ཐུབ་པ་གཅིག་ཡོད་པ་ཁོ་ནི་གོ་སྐབས་འདི་དག་བཟུང་སྟེ་རྨོངས་པ་ལས་སད་རྒྱུ་དེ་རེད། ཁྱོད་ཀྱི་གྲོགས་པོ་དག་ལ་སྐད་ཅིག་མ་དེ་དག་སྤྱད་དེ་སྒོམ་རྒྱོབ་ཅེས་ལབ་རོགས། རྒྱུ་མཚན་ནི་ཁི་ཨེ་ཝ་དང་ཐག་ཉེ་བའི་ཆེར་ནོ་སྦེལ་དུ་ཡོད་པའི་ཉིང་རྡུལ་ལྟེ་གནས་སུ་བྱུང་བའི་གོད་ཆག་དེ་དག་ནི་རང་དགར་བྱུང་བ་ཞིག་དང་བྱུང་ཚར་བ་ཙམ་ཞིག་མ་ཡིན་པས་ཡིན།དེའི་ཤུགས་རྐྱེན་དེ་དག་ལོ་བཅུ་ཕྲག་འགར་འདུག་གི་རེད། ཉུང་མཐར་ཡང་ལོ་སུམ་ཅུ་ཙམ་སྡོད་ཀྱི་རེད། དེ་བས་དེ་ནི་ཁང་བ་ཁ་ཤས་མེས་འཚིགས་སོང་བ་དང་མཇུག་རྫོགས་ཟིན་པ་དེ་འདྲ་མ་རེད། ཁི་ཨེ་ཝའི་མཐའ་སྐོར་ཏེ། དམིགས་བསལ་གྱིས་ཁི་ཨེ་ཝ་ཡོད་སའི་ཡུ་ཁི་རེན་(Ukraine)ལ་ཆ་མཚོན་ན། དེ་ནི་རཱ་ཤི་ཡའི་གྲོ་ཐོན་ས་དང་བཟའ་ཆས་གཞན་དག་གི་འབྱུང་སའི་ས་ཆ་གཤིན་པོ་ཞིག་ཡིན་པ་རེད། ཡིན་ནའང་། ད་ལྟ་ནི་ལོ་སུམ་ཅུ་ལྷག་ཙམ་ལ་ཡུ་ཁི་རེན་ལ་ཅི་ཡང་འདེབས་འཛུགས་བྱེད་ཐུབ་ཀྱི་མ་རེད།ལོ་སུམ་སུ་ལྷག་ལ་རྡུལ་ཕྲན་མཚོན་ཆའི་ཁྱབ་འགྱེད་ནུས་པ༼འགྱེད་ནུས༽༡་དེས་ཤིང་ཏོག་དང་། སྔོ་ཚལ་གྱི་རིགས། གྲོ་ཞིང་སོགས་ལ་གནོད་སྐྱོན་ཐེབས་པ་རེད། འོ་མ་ལའང་དེ་བཞིན་ཏེ་བ་ཕྱུགས་ཀྱིས་རྩྭ་ཟ་བའི་རྒྱུ་མཚན་གྱིས་རེད། ད་དུང་སྐྱེ་ལྡན་རྩི་ཤིང་ཡོད་ཚད་དེ། རྩྭ་དང་། གྲོ། ཤིང་ཏོག་སོགས་ལ་རྡུལ་ཕྲན་འགྱེད་ནུས་དེ་མྱུར་མོར་འགོ་བ་རེད། འགོས་མ་ཐག་འགྱེད་ནུས་དེ་དེའི་ཆ་ཤས་སུ་གྲུབ་འགྲོ་བ་རེད། དེར་ཡང་བུད་མེད་སྦྲུམ་མ་སྟོང་ཕྲག་ཡོད་སྲིད་ཀྱི་རེད། གལ་ཏེ་རྡུལ་ཕྲན་གྱི་འགྱེད་ནུས་དེ་དེ་དག་གི་ཁོག་ཏུ་འཛུལ་བ་ཡིན་ན། ཁོ་ཚོའི་ཕྲུག་གུ་དེ་རྗེས་མར་ཀྱོག་ཀྱོག་དང་ཞ་ར་དང་། ཞ་བོ་དང་ཡང་ན་ཀླད་པ་མེད་པ་ཞིག་ཏུ་སྐྱེ་བ་རེད། ཅི་ཞིག་ཡིན་ཡང་འབྱུང་སྲིད་པ་རེད། དེ་དག་སྐྱེ་དུས་ཤི་ཡོད་ན་ནི་ཡག་ཤོས་རེད། དེ་མིན་ན་དེ་ནི་ཚེ་གང་གི་སྡུག་བསྔལ་དུ་འགྱུར་འགྲོ་བ་རེད།དེའི་རྐྱེན་གྱིས་དེ་ནི་ད་ལྟ་འཚོ་སྡོད་བྱེད་ཀྱིན་པ་དག་གཅིག་བུའི་ཉེན་ཁ་ཙམ་མ་ཡིན་པར་སྐྱེ་འགྱུར་གྱི་བྱིས་པ་དེ་དག་ལ་མཚོན་ནའང་ཉེན་ཚབས་ཧ་ཅང་ཆེན་པོ་རེད། དེར་མ་ཟད་སྲོག་ཆགས་གཞན་དག་ལའང་གཅིག་མཚུངས་རེད། གལ་ཏེ་དེ་དག་ཀྱང་སྦྱིག་ཡོད་ན་དེ་དག་གི་ཕྲུ་གུ་ཡང་ཞ་བོ་སོགས་སུ་འགྱུར་སྲིད་པ་རེད།འཛམ་བུ་གླིང་འདིའི་སྲིད་གཞུང་ཐམས་ཅད་ཀྱིས་མུ་མཐུད་དེ་རྫུན་གཏམ་ནས་ཉི་མ་འབྱིད་ཐབས་བྱེད་ཀྱིན་པ་འདི་རེད། ཆབ་སྲིད་པ་དག་གིས་རྫུན་ག་ཚོད་བཤད་སྤོབས་མིན་ཁྱོད་ཀྱིས་ཀྱང་ཤེས་པ་ལྟར་རེད།ཆེར་ནོ་སྦེལ་ལ་གོད་ཆག་བྱུང་དུས་མི་ཉིས་སྟོང་ལྷག་གྲོངས་པ་རེད། འོན་ཀྱང་སོ་ཝེ་ཨེ་སྤྱི་མཐུན་རྒྱལ་ཁབ་ཀྱིས་མི་གཉིས་ཁོ་ན་གྲོངས་པ་རེད་ཅེས་བསྒྲགས་པ་རེད། ཁྱོད་ཀྱིས་དེའི་ཁྱབ་ཁོངས་ལ་བསམ་བློ་འཁོར་ཐུབ་ཀྱིན་འདུག་གམ། མི་ཉིས་སྟོང་གྲོངས་པ་རེད། ཉིང་རྡུལ་ལྟེ་གནས་ཀྱི་མེ་སྐྱོན་ཁྲོད་རོ་ཉིས་སྟོང་ལྷག་ཕྱི་ལོག་ཏུ་སྐྱེལ་གྱིན་པ་མི་འགས་དངོས་སུ་མཐོང་ན་ཡང་། སོ་ཝེ་་ཨེའི་སྤྱི་མཐུན་རྒྱལ་ཁབ་ཀྱིས་རླུང་འཕྲིན་བརྒྱུད་མི་གཉིས་གྲོངས་པ་ལས་གཞན་ཆ་ཚང་ལམ་ལྷོངས་བྱུང་སོང་ཚུལ་བསྒྲགས་མོད། ཉིན་གཉིས་པར་གཞི་ནས་གསལ་བོ་བྱུང་བ་རེད། ཉིང་རྡུལ་འགྱེད་ནུས་ཀྱི་སྤྲིན་པ་རྒྱལ་ནང་གང་སར་ཁྱབ་ཅིང་ད་དུང་གང་མང་ཞིག་མུ་མཐུད་དུ་རྒྱལ་ཁབ་གཞན་གྱི་ས་ཁུལ་ཁག་ཏུའང་ཁྱབ་ཡོད་པ་རེད།མིས་ཚད་ངེས་ཅན་ཞིག་ལ་མ་གཏོགས་བཟོད་བསྲན་བྱེད་ཐུབ་པ་མ་རེད། དེ་ཐེངས་ཉི་ཤུ་ལྷག་ལ་བྱུང་བ་རེད། ད་དུང་ཐེངས་མ་བརྒྱ། ད་དུང་ས་ཆ་འགའ་ཤས་ཤིག་ཏུ་ཐེངས་ཉིས་སྟོང་ལྷག་བྱུང་ཟིན་པ་རེད། ཝི་ཨེ་ནཱ་ལ་ཐེངས་ཉིས་བརྒྱ་ལས་ཀྱང་མང་བ་བྱུང་མྱོང་བ་རེད། ལོན་ཌོན་དུ་ཐེངས་བརྒྱ་ལས་ཀྱང་མང་བ་བྱུང་བ་མྱོང་བ་རེད། དེ་བས་ས་ཆ་འདི་དག་གི་སྦྲུམ་མ་རྣམས་ནི་ཉེན་ཁའི་ཁྲོད་དུ་ཡོད་པ་རེད། ཁོ་ཚོ་ཙམ་མ་ཡིན་པར་ད་དུང་ཁོ་ཚོའི་བྱིས་པ་དག་ལའང་གཅིག་མཚུངས་ཀྱི་ཉེན་ཁ་ཡོད་པ་རེད། དེ་ནས་ད་དུང་མུ་མཐུད་དེ་འདི་ལྟར་འགྲོ་བ་རེད། གལ་ཏེ་བྱིས་པ་དེ་དག་གསོན་ཐུབ་སོང་བ་ཡིན་ན་ཁོ་ཚོས་ཀྱང་ཕྲུག་གུ་སྐྱེད་སྲིང་བྱེད་པ་རེད། དེ་ནས་འགྱེད་ནུས་དེས་མུ་མཐུད་ནས་གནོད་པ་སྐྱེལ་རྒྱུ་རེད།དེའི་རྐྱེན་གྱིས་འདི་ནི་སྐྱོ་གར་ཆུང་ཆུང་ཞིག་གཏན་ནས་མ་རེད། དེའི་ཁྱབ་རྒྱ་ཧ་ཅང་ཆེན་པོ་རེད། གནད་དོན་གང་མང་ཞིག་དུས་ཀྱི་འགྱུར་བ་དང་བསྟུན་ནས་ཇི་འདྲ་ཞིག་ཏུ་འགྱུར་མིན་ད་དུང་ཤེས་ཐུབ་ཡོད་པ་མ་རེད། རྒྱ་མཚོའི་ནང་གི་ཉ་ལ་འགྱེད་ནུས་ཕོག་ཡོད་པ་དེ་ཁྱོད་ཀྱིས་ཟོས་པ་ན་ཁྱོད་ལའང་དེ་འཕོག་གི་རེད། འགྱེད་ནུས་ཀྱི་ཐལ་བ་དེ་ཆུ་སྟེང་དུ་ལས་སླ་བོར་འབབ་པས་ཆུ་ཡང་འཐུང་མི་རུང་བ་ཞིག་ཏུ་འགྱུར་རྒྱུ་རེད། འཛམ་གླིང་འཁྲུག་ཆེན་ཐེངས་གཉིས་པའི་སྐབས་སུ་ཧི་རོ་ཤི་མ་དང་ཧ་ན་ཀ་ས་ཀི་སོགས་ལ་སྤྱད་པའི་རྡུལ་ཕྲན་འབར་མདེལ་དེ་དག་ཉིང་རྡུལ་ལྟེ་གནས་དང་ཉིང་རྡུལ་མེ་ཤུགས་འཕུར་མདའ་དང་བསྡུར་ན་རྩེད་ཆས་ཆུང་ཆུང་ལྟ་བུ་ཙམ་གྱི་ཚད་ཡིན་པ་རེད། ཡིན་ནའང་དེའི་ཤུགས་རྐྱེན་ད་ལྟའང་ད་དུང་ལྷག་ནས་ཡོད་པ་རེད་ལ་དེའི་རྒྱུ་མཚན་ནི་དེ་མི་རབས་ནས་མི་རབས་བརྒྱུད་ནས་འགྲོ་བ་རེད། དེར་མ་ཟད་ང་ཚོས་ཉ་ལ་སྟངས་འཛིན་བྱེད་ནུས་པ་མ་རེད། དེ་དག་ག་ས་གང་དུ་མྱུལ་ནས་འགྲོ་བ་རེད། ང་ཚོས་དེ་ཚོ་གང་དུ་སོང་བ་དང་གང་དུ་འགྲོ་མིན་ཡང་ཤེས་རྒྱུ་མ་རེད། དོན་རྐྱེན་གཞན་པ་ཞིག་ནི་འདི་ལྟར་ཏེ། དེ་རླུང་ལ་བརྟེན་ནས་ཡོད་པས་ང་ཚོས་དེ་ལ་སྟངས་འཛིན་བྱེད་ནུས་པ་མ་རེད། རླུང་གིས་སྤྲིན་པ་དང་། དུ་བ་དང་། འགྱེད་ནུས་ཕྱོགས་ག་ས་གར་འཁུར་ནས་འགྲོ་བ་རེད། རྒྱལ་ཁབ་གང་སར་འཁུར་འགྲོ་བ་རེད། དེ་བས་དེ་ནི་གནོད་སྐྱོན་ཐེབས་པའི་ས་ཁུལ་དེ་དང་དེའི་ཁོར་ཡུག་ཙམ་གྱི་གནད་དོན་ཞིག་ཁྱོན་ནས་མ་རེད། ས་ཆ་གང་ཞིག་ཡིན་ཀྱང་རུང་། ཁྱོད་རང་ལེ་དབར་སྟོང་ཕྲག་གིས་ཆོད་པའི་སར་ཡོད་ན་ཡང་ཁྱོད་ལ་གནོད་སྐྱོན་ཐེབས་སྲིད་པ་སྟེ། རླུང་གིས་འགྱེད་ནུས་དེ་གང་སར་འཁུར་ནས་འགྲོ་བས་སོ།།དེར་མ་ཟད་ཁྱོད་རང་ལ་དོགས་ཟོན་དང་སྔོན་ཚུད་ཀྱི་འཛེམ་ཟོན་སོགས་ཅི་ཡང་མེད་པས་གནོད་སྐྱོན་ཕོག་ཆོག་ཆོག་ཏུ་ཡོད་པ་རེད། ཉེན་ཁ་མང་བ་དང་། ཚེ་སྲོག་ནི་ནམ་ཡང་འཆི་བའི་སྤར་མོར་གནས་ཡོད་པས། དོགས་ཟོན་བྱེད་རྒྱུ་ནི་གྲ་སྒྲིག་ཡག་ཤོས་དེ་རེད། གཞན་དུ་ན་ཁྱོད་ཀྱི་འཆི་བ་སྔོན་ཚུད་ཀྱི་བརྡ་ལན་གང་ཡང་མེད་པར་གློ་བུར་དུ་སླེབས་ཏེ་འཁྱེར་འགྲོ་བ་ཁྱོད་ལ་སྐད་ཅིག་ཙམ་ལ་ཡང་དབང་ལོང་ཡོད་པ་མ་རེད།དཔེར་ན་འབྲས་སྐྲན་དང་ཨེ་ཛི་སོགས་ཀྱི་ན་ཚ་བྱུང་བས་འཆི་ངེས་ཡིན་ནའང་། སྨན་པ་དང་། ཁྱིམ་མི། གྲོགས་པོ་སོགས་མི་ཚང་མས་འཆི་ཐག་ཉེ་བོ་ཡིན་པ་ནད་པར་མ་བཤད་པར་ཀུན་སློང་བཟང་བོས་གསང་ནས་འཇོག་པ་རེད། དེ་ཀུན་སློང་ལེགས་ཀྱང་འགྲིག་གི་ཡོད་པ་མ་རེད། དེས་མི་ལ་གནོད་ཀྱིན་ཡོད་པ་རེད།མི་དེ་ལ་ཧ་གོ་རུ་འཇུག་དགོས་པ་རེད། ཁྱོད་ཟླ་བ་གཅིག་གི་རྗེས་ནས་འཆི་རྒྱུ་རེད། ཁྱོད་ལ་ཚེ་ཐག་རིང་བོ་མི་འདུག དེ་བས་ཟླ་བ་འདིའི་རིང་ལ་ཁྱོད་ཀྱིས་བྱ་བ་བཟང་བོ་དག་བྱས་ནས་རང་ཉིད་ལ་རྟག་བརྟན་གྱི་བྲོ་བ་རེ་མྱོང་དུ་ཆུགས་ཞེས་གསལ་བོར་བཤད་དགོས།དེ་ནས་ཁྱོད་རང་ཤི་དུས་ཁྱོད་ལ་སྐྱོ་སྣང་ཡོད་པ་མ་རེད། སྡུག་བསྔལ་ཡོད་པ་མ་རེད། ཁྱོད་ལུས་པོ་འདི་ནས་ཐོན་ཏེ་ལུས་པོ་གཞན་པ་ཞིག་ཏུ་བསྐྱོད་དགོས་པ་རེད། ཡང་ན་ཁྱོད་རང་ལ་ཐར་བ་འཐོབ་འགྲོ་ནའང་ཐང་། འཆི་བའི་གློ་བུར་གྱི་གསལ་སྣང་དེས་ཁྱོད་རང་གྲོལ་བར་བྱེད་ནུས་པ་རེད།
དབྱིན་ཡིག་ལས་བསྒྱུར།
མཆན།
༡། འགྱེད་ནུས།
༡༽འདི་ནི་ཕྱིའི་འབྱུང་བ་ལས་འགྱེད་པའི་རང་བཞིན་ཅན་གྱི་ནུས་པ་ཞིག་དང་རླབས་ཀྱི་རང་བཞིན་ཅན་ཞིག་སྟེ་དེ་རྡུལ་ཕྲན་དང་འདུས་གཟུགས་གཞན་བརྒྱུད་དེ་བརྒྱུད་ལམ་དང་བར་སྟོང་དུ་རྒྱུ་ཞིང་ཉིང་རྡུལ་གྱི་རྣམ་པས་གནས་གོང་མ་ནས་འོག་མར་འགྲོ་བ་ཞིག་གོ།
༢༽དངོས་ཁམས་རིག་པར། དེ་ནི་ནུས་པའི་རང་བཞིན་ཅན་གྱི་རྫས་དང་ནུས་ཤུགས། རླབས་སོགས་བརྒྱུད་ལམ་གང་རུང་དང་བར་སྣང་ངམ་བར་སྟོང་ནས་རྒྱུ་བའི་བརྒྱུད་རིམ་ཞིག་ལ་གོ
དེ་ལ་དབྱེ་བ་གསུམ་ཡོད་པ་ཨེལ་ཕ་འགྱེད་ནུས་དང་བྷེ་ཊཱ་འགྱེད་ནུས། གྷ་མ་འགྱེད་ནུས་ གསུམ་ཡོད་ལ། རིགས་དང་བོ་དེ་ཤོག་བུས་འགོག་ཐུབ་ཅིང་། གཉིས་པ་ཧ་ཡང་གིས་འགོག་ཐུབ། གསུམ་པ་དེ་ཞ་ཉེ་ཡིས་འགོག་ཐུབ།